رواية احببتك رغم الصعاب

حلقة خاصة

ده مش جزء تاني
دي حلقه خاصة حبيت افكركم بنادين و زياد و عليتهم .. حبيت افكركم باجمل اللحظات

بقلم ندى.م.صفوت

بعد مرور حوالي ١٣ سنه .....

تاليا بنت نادين و زياد : مامي بابي اصحوا بقا كفايا نوم

لتستيقظ نادين من النوم : ممممم ايه يا تولي عايزة اي
تاليا : اصحوا بقا اقعوا معايا انتوا نايمين و انا زهقت
نادين : طب وطي صوتك بابي نايم .. اخوكي ادم فين
ادم : انا اهو يا مامي انتي مش شايفاني
نادين: صباح الخير يا حبايب مامي ممكن اعرف الساعه كام
تاليا : Half past 10

( عشرة ونص يعني معلش تعليم اجنبي بقا 😂😂)

نادين : طب روحوا اغسلوا وشكم و اجهزوا عقبال ما اصحي بابي يلا
ادم و تاليا : حاضر
ذهبوا الاطفال و ضحكت نادين على اطفالها و على العدد من السنوات التي مضت دون ان تشعر ففي لحظة واحده اصبحت ام لاجمل طفلين في الكون تاليا التي تملك من العمر ١٠ و ادم اللي يملك من العمر  ١٢ عام
زياد : يا الله هو انا كل يوم هحصى على الضحكة الحلوة دي
ضحكت نادين : انت عارف انت بتقول الجملة دي بقالك قد ايه ؟؟ !!  ١٣ سنة
زياد : تصدقي عدوا بسرعة محستش بيهم
نادين : بصراحه انا كمان محستش بيهم دايما الاوقات الحلوة مش بنحس بيها خالص
زياد : ربنا يديمكم ليا يا اجمل نعمة ربنا بعتهالي
نادين : و يخليك يا ليا زياد و تفضل كده مالي علينا البيت

( و كالعادة طبعا نادين و زياد مينفعش يقعدوا ٥ دقايق على بعض في لحظة رومانسية دايما يجي الشخص الغلط في الوقت الغلط )

سمعوا صوت تصفير عالي جدا بجانبهم ..
ادم : الله عليك يا زياد يا جامد اي الحلاوة دي ده انت غلبت اياد مع نورا يا جدع

نظر زياد ل نادين بصدمة : انتي متأكدة ان ده الواد ابنك و المفروض عنده ١٢ سنين
هزت نادين راسها ب لاء بضحك
زياد بص ل ادم بنفاذ صبر : انت هنا من امتى
ادم : هههي من ساعه " ربنا يديمكم ليا نعمه "
نادين : اختك فين يا ادم
ادم : احم بتحب في التليفون
نظروا له نادين و زياد بصدمة
زياد : نعم !!!
نادين : بتقول ايه يا حبيبي
ادم : اه و الله يا ماما بتكلم عمر ابن نورا
زياد : لحظة لحظة نورا دي المفروض انها مرات عمو اياد 
ادم : اه
نادين : معلش يا زيزو اختك بوظت اخلاق العيال قالتلهم اللي هيقولي طنط و لا عمته و لا الكلام ده هتاكلوا ف الكل بقا يعمل زيها يعني مبقاش فيه عمو و طنط و خالو و الحاجات دي
نظر زياد ل نادين : بقا اغيب شهر واحد ارجع الاقي عيالي حصلهم كده .. وسع كده الحق بنتي قبل ما تضيع
نادين : هههههههههههههه
.
.
تاليا : يا عمر انت وعدتني انك هتيجي مع نورة و اياد . و بابا قالي اللي يقول كلمه لازم ينفزها
عمر الذي يبلع من العمر ١٣ سنه : اعمل ايه يا تولي ورايا مذاكرة .. مهو زياد مش هيرضى يجوزني بنته و انا ساقط فاشل لازم اشتغل على نفسي شويه ..
تاليا : اوووف انت وعدتني تعالى النهاردة و ذاكر بكره .. انا بستنى ال weekend علشان تيجي تقعد معايا
زياد : يا حبيبتي
اتفزعت تاليا : بابي
زياد : و ايه لازمة بابي قولي زياد زي ما البيه بيقولك زياد عادي
عمر : اذيك يا uncle حمدالله على السلامة
زياد : عايز ايه يا ابن اياد
عمر : انا  بس ماما قالتلي اكلم تاليا اقولها ان احنا جايين ليكم النهاردة
تاليا بفرحه : بجد يا عمر .. يعني هتيجي
عمر : اه يا قلب عمر جاي
زياد : ما تظبط يا واد انت و هي اعملوا حساب ليا اني واقف طيب
تاليا : سوري يا بابي
عمر : تولي انا هقفل دلوقتي اروح اذاكر شويه قبل ما اجي مع نورا و اياد
تاليا : ماشي يا عمر ربنا معاك ...