رواية احببتك رغم الصعاب

الفصل التاسع عشر

الفصل التاسع عشر

امريكا العاصمة نيويرك

حازم بغضب : بتكلمي مين يا جيسي
جيسي اتخضت و التلفون وقع منها و بتوتر : ده بابا
حازم وطى و جاب الموبيل بس كان خلاص اتكسر خالص و مش شغال
حازم : ده مش موبيلك
جيسي بخوف : مهو .. مهو انا جبت واحد علشان الشغل ف هو ده
حازم : معلش إنتي اتخضيتي
جيسي : شوية بس
حازم : معلش اصلي لقيتك بتتكلمي بصوت واطي و كده ف قلقت ليكون جان بيكلمك يدايقك
( جان ده الاكس بتاع جيسي )
جيسي : لا لا جان مش هنا جان في اسبانيا عنده شغل
حازم : و الله و انتي عرفتي منين بقا انتوا بتتكلموا
جيسي : طبعا لازم نتكلم انت ناسي انه شغال معانا انا و بابي و لا ايه و احنا كلامنا كلام شغل و بس يا حازم اوكى

تاني يوم الصبح .....
كل واحد قام من نومه و في ابتسامه صافيه علي وشه و عندهم طاقه ايجابيه  تخليهم مستعدين يشتغلوا للصبح
كل واحد من ابطالنا قام دخل اخد شاور
و لبس و فطر و نزل راح علي شغله

في شركة وليد

نادين : مستر شادي صباح الخير
شادي بغضب مصطنع : ما قلنا مفيش مستر دي احنا team واحد يعني لو قلتي مستر شادي يبقا هقولك مس نادين
نادين بضحك : لا لا خلاص مس ايه بس خلاص صباح الخير يا شادي
شادي : ايوة كده .. صباح النور ايه بقا الابتسامه الغريبه اللي على وشك دي
نادين : مش عارفه بس يمكن ده اول يوم هبتدي فيه بتحقيق حلمي
شادي : ايوة بقا علشان كده ماشي يا ستى كنتي قلتي جنى صحبتك هتشتغل معانا هي فين
نادين : جاية في السكه
شادي : تمام  تشربي ايه بقا
نادين : لا مش عايزة دلوقتي انا جايه من البيت واكله و شاربه و زي الفل
شادي : طب عندك علم انا احتمال اسبوع او اتنين اسافر فرنسا
نادين : ايه ... بجد
شادي : انتي مكنيش تعرفي و لا ايه
نادين : انا عارفه انك ماشي بس مش بسرعه دي ده انا كده هشيل ال collection و luncing لوحدي كده
شادي : متقلقيش انتي قدها

في شكرة زياد

زياد : صباح الخير يا سالي
سالي : صباح النور يا فندم
زياد : لما مصطفى يوصل خليه يجي
سالي : بس مستر مصطفى هنا من بدري
زياد باستغراب : ده جه امتى
سالي بابتسامه : من حوالي ساعه الا ربع كده

زياد في نفسه : مصطفى صحي من بدري و جه الشركه و بيشتغل اكيد في كارثه

زياد راح مكتب مصطفى و دخل
زياد : مصطفى انت كويس
مصطفى : ايع يعم في ايه حد يدخل كده فزعتني
زياد : انت ايه اللي جابك بدري
مصطفى : بدري ايه الساعه ٨ مش ده معاد بدايه اليوم
زياد : لا انت كده قلقتني من امتى و انت بتيجي بدري كده و بتشوف شغلك و محدش يسمعلك صوت
مصطفى : من دلوقتي يا زياد
زياد : ليه هو ايه اللي حصل
مصطفى : ما انت عارف اسيا مش هتشوفني و لا هتاخد بالها من اهتمامي غير لما تشوف واحد جد في شغله و بعد تماما عن السهر و شلة درين دي خالص
زياد : لا متقولش كمان هتبعد عن السهر و الشلة
لا لا انا لو اعرف ان اختي هتعمل فيك كده كنت جوزتهالك من زمان
مصطفى: يسمع من بقك ربنا يا زياد يا ابن طنط ليلى و اتلم انا و انتي يا اسيا يا بنت طنط ليلى في كوشه واحده قادر يا كريم
زياد : ههههههههه انت واقع واقع يعني يلا باي ... اه و اعمل حسابك احتمال اتغدى مع نادين النهارده ف انت شوف هتاكل مع مين بقا سلام