رواية احببتك رغم الصعاب

الفصل الحادي عشر

الفصل الحادي عشر

وقفنا البارت اللي فات لما الباب فضل يخبط جامد
زياد راح فتح لقى ضابط و مخبرين
الضابط : زياد امجد الشريف موجود
زياد : ايوة موجود انا خير في ايه
الضابط : في بلاغ متقدم ضدك اتفضل معانا

طلع زياد مع الظابط و طلب منه يجيوا وراه بعربيته لانه مش هينفع يركب البوكس
بس الضابط رفض
وصلوا القسم و كان واقف هناك اياد النشار و بيبصلوا نظره شماته كأنه بيقولوا مش قلتلك هتندم
اياد عمل بلاغ ف زياد تعدي بالضرب
و طبعا الدليل وش اياد اللي عليه علامات ضرب جامده
الضابط حجز زياد ف الحجز الليله دي بعد رفض اياد الصلح و التنازل عن المحضر
و روح امجد الشريف و هو ف صدمه شديده ايه
منين زياد يعرف اياد و حتى لو عرفه ايه اللي يحصل بينهم لدرجه ان زياد يتخانق معاه

تاني يوم

صحيت ندين ف معادها و راحت شغلها
و ابتدت تشتغل و علي الساعه 9:20am
كلمت اسيا
ندين : صباح الخير
اسيا : صباح النور مين معايا
ندين : انا ندين يا اسيا عامله ايه
اسيا : نودي حبيبتي الحمد الله انتي اخبارك ايه كويسه
ندين : الحمد الله انا تمام ها اخبارك ايه كويسه
اسيا : الحمد الله هنرحله كمان شويه علي الساعه 2 كده و نشوف هنخرجه ازاي
ندين : هو مين ده و تخرجوه منين
اسيا : زياد
ندين : ماله زياد
اسيا : انتي متعرفيش انه بايت ف القسم من امبارح
ندين بخضه : ايه ليه اللي حصل
اسيا : واخد اسمه اياد النشار اظن انه قريبك عمل فيه محضر امبارح و انا افتكرتك عارفه علشان كده مكلمتكيش
ندين : معقوله يعني هكون عارفه و هسيبه يبات ف القسم
طيب اقفلي انتي دلوقتي و انا هتصرف
اخدت ندين اذن مش الشغل ساعتين و راحت القسم
ندين : لو سمحت زياد الشريف جه هنا امبارح
الضابط : ايوة فعلا اتقدم فيه بلاغ تعدي بالضرب من اياد النشار و هو رفض يتنازل عن المحضر ف هيترحل علي النيابه
ندين : لا لا نيابه ايه انا جايه اضمنوا و اساسا زياد كان بيدافع عن نفسه انا كنت موجوده ساعه الواقعه
الضابط : المهندس زياد لما اخدنا اقواله مجبش سيرتك
ندين : طبيعي يا فندم مش هيجيب سيرتي علشان مجيش هنا
المهم لازم يطلع دلوقتي حالا
الضابط بتريقه : و مين حضرتك بقا
ندين : ندين النشار بنت ابراهيم النشار بنت عم اياد النشار اللي مقدم البلاغ ممكن بقا تبعت حد يجيب زياد و تخلي سيبله

( لا لا ندين اتغيرت خالص مبقتش طيبه مع اي حد لازم اي حد يتعدى حدوده ياخد علي دماغه جدعه يا بت 😂)

الضابط جاب زياد و اخلى سيبله بضمان محل اقامته
طلعه من القسم
ندين باحراج : انت لو قلتلي مش عايز اعرفك تاني و لا اشوف وشك هيبقا عندح حق و الله
زياد بصوت واطي : ده انا عبيط لو سيبتك تضيعي مني انا مصدقت
ندين : بتقول حاجه يا زياد
زياد : ها لا بقولك متكبريش الموضوع
ندين : مكبرش الموضوع !! زياد انا جيباك من قسم شرطه من من ال magic planet بتاع مول مصر الموضوع مش صغير
زياد : هههههههه لا لا عادي انا اتعودت اتبهدل بسببك اصلا
ندين باستغراب : ايه
زياد بضحك: ههههه بهزر معاكي
( الله بجد يجدعان انا متخيله ضحكته دي و الله تجنن 😂😂😠😠مش قلتلكم بلاش تعاكسوه😂 )
ندين : طب يلا اروحك علشان ارجع شغلي
زياد : يلا احسن انا عايز انام بطريقه مش طبيعيه