رواية احببتك رغم الصعاب

الفصل الثامن

الفصل الثامن

وقفنا البارت اللي فات لما خرجوا ندين و زياد للجنينه يتموشوا بعد العشا
زياد : ندين ممكن نتكلم شوية
ندين : اه اتفضل
زياد : ممكن اعرف ايه اللي حصل النهارده
ندين : زياد ايه .....بص ..يعنى...
زياد بيقاطعها  : بصي انا معجب بيكي و كمان ممكن اكون بحبك
ف لازم نكون صرحه مع بعض
قوليلي ايه اللي بيحصل و انا هساعدك و الكلام مش هيطلع لحد هيكون سر ما بينا
ندين عنيها ابتدت تزغلل و ابتدت تدوخ و في دم نازل من منخيرها و بيغم عليها
زياد : ناااادييييين

زياد شال ندين و دخلوا الفيلا
اسيا بخوف : ايه ده مالها ايه اللي حصل
امجد ابو زياد : يلا بسرعة علي المستشفى
طلعوا كلهم علي المستشفى

في مكان تاني
فيلا وليد الشرقاوي

وليد : يعني هي فين دلوقتي
ابراهيم : معرفش دخلت المطعم و دورت ف كل حته ملقتهاش
وليد : طب ايه المطلوب منى دلوقتي
ابراهيم : متعملش حاجه هي اكيد هتيجي الشركة بكرة هنشوف بقا ايه اللي هيحصل
مشي ابراهيم من عند وليد

في مكان اخر

قصر النشار

فاطمه مامة ندين : الو يا جنى  عامله ايه
جنى : الحمد الله انطي كويسه
حضرتك عامله ايه
فاطمه : الحمد لله بقلك يا حبيبتي
جنى : خير انطى في حاجه
فاطمه : انتي اخر مرة كلمتي ندين امتى
جنى : ها الساعه ١١ و نص الصبح انطي ليه في حاجه حصلت
فاطمه : اصلي بكلمها موبيلها مقفول
جنى و قلقت شويه : عادي انطى ممكن يكون فصل و هي مش واخده بالها
فاطمه : طب حبيبتي لو عرفتي توصللها ابقى طمنيني ماشي
جنى : حاضر انطي متقلقيش خالص

جنى قفلت مع فاطمه و اتصلت بندين بس فعلا الموبيل مقفول
قلبها بيحس بصحبة عمرها لما بيحصلها حاجه
بدون تفكير قامت جنى و راحت لندين بس
نور الباب مقفول مع كده ان ندين مش موجوده من الصبح
بتخبط و ترن الجرس علي امل ضعيف انها تكون موجوده جوا بس مفيش حد
طب تعمل ايه لازم توصلها موبيلها مقفول و مش بيتها اكيد حصلها حاجه
افتكرت ان ندين بتشيل نسخة مفاتيح احتياطي فوق باب الشقه
اخدت المفتاح و دخلت البيت
و هي عارفه ان ندين مش جوا بس بتقول لنفسها يمكن نايمه و لا ف الحمام و مش سامعه
خلاص الاحباط اتملك من جنى
و ف لحظه افتكرت حاجه مهمه .
ايوة جنى عارفه ان ندين كانت هتتغدى مع زياد النهارده
جنى : ايوة انا هتصل ب زياد
و بعدين رجعب للاحباط تاني
جنى : اووووف مش عندي رقمه طب اعمل ايه
هتكون راحت فين
و بعد لحظات
جنى : ايوة الكارت
رقم زياد ف الكارت اللي اداه لندين بس فين الكارت
جنى غالبا قلبت الشقه لغايت ما اخيرا بعد بحث طال اكتر من نص ساعه لقته
و بتكتب رقمه و هتتصل بيه

في المستشفى 🏥🏥

زياد قاعد علي الارض و ضامم رجله و ساند راسه و دراعته علي رجله و الموبيل بيرن
زياد مش عايز يرد و سايبه يرن
و بعد ٣ محاولات من جنى اخيرا زياد قرر يرد ف الرابعه
زياد : الو .. مين معايا
جنى : الو زياد انا جنى صاحبة ندين معلش بس انا معرفش ندين فين و موبيلها مقفول تعرف هي فين
زياد بيمسح دموعه اللي نزلت علي وشه
زياد : جنى احنا هنا ف المستشفى
سمر : ايه مستشفى ايه..... ايه اللي حصل ...ندين كويسه
قبل ما زياد يرد علي جنى قام بسرعه و هو مخضوض لانه شاف الدكتور اللي اخد ندين طالع من اوضه العمليات  بيزعق بيقول يلا بسرعه مفيش وقت
جنى : زياد......الو....انت معايا.....
زياد ساب الموبيل ل اسيا تشرح ل جنى مكان المستشفى
و جري علشان يشوف ايه اللي  بيحصل
"هما المفروض كانوا هيعملوا ل ندين غسيل معدة لان هي عندها تسمم"
زياد لقى ممرضه خارجه من اوضه العمليات
زياد : ايه اللي بيحصل جوا ندين عمله ايه هي كويسه
الممرضه : ممكن حضرتك تهدى شويه مينفعش كده
زياد بعصبية : كلمة اهدى دي بتعصب اكتر قولولي مالها
الممرضه : حاليا انا معرفش حاجه
لما يخرج الدكتور تقدر تسأله عن اذنك 

زياد رجع لعيلته تاني

اسيا : انا بعت ال location لصحبة ندين و هي جايه دلوقتي
امجد ابو زياد كان بيقلب ف شنطة ندين
زياد : بابا انت بتعمل ايه
امجد : بحاول اشوف اي حاجه علشان نتواصل مع اهلها
زياد: و مين قال اني هتصل بأهلها مهي صاحبتها جايه
امجد : نعم مش لازم ي ابني اهلها يعرفوا و لا البنت دي ملهاش اهل يا زياد
اسيا : لا يا بابا ندين تبقا ب......
قاطعها زياد بزعيق : اسيا اسكتى
امجد : انا عايز اعرف ايه اللي بيحصل بالظبط و مين البنت دي يا زياد
( يا جماعه و الله حرام كفاية ضغط علي الواد هو واقف علي رجله بالعافيه اساسا 💔💔)

لحظه سكوت عند الكل و قبل ما يكرر امجد سؤاله كانت دخلت جنى و بتجرى علي زياد بعياط
جنى : زياد what is happened
ندين مالها ايه اللي حصل
زياد : اهدي يا جنى مفيش حاجه الدكتور معاها جوا
امجد : انتي صاحبة ندين مش كده
جنى : ايوة يا فندم
امجد : مش شايف اهل ندين معاكي جايه لوحدك يعنى هما ميعرفوش ان ندين هنا
زياد : بابا مش وقته
امجد : عندك حق لما تقوم بالسلامه نبقا نشوف
زياد  : جنى عايزك ثواني
جنى : خير في حاجه
زياد : جنى ندين مالها
جنى بقلق : معرفش يا بني ما لسه جايه
زياد : مش قصدي حالتها الصحيه
جنى بتوتر : اومال ..قص ..قصدك ايه يعني
زياد: انا عايز اعرف كل حاجه من اول ما قبلت ندين لغايت دلوقتي
اللي ورا ندين
ليه عايشه لوحدها
و ليه بحس انها دايما بتهرب
جنى ندين مخبية عننا ايه
جنى : باشمهندس زياد اولا بنسبالي ندين مش مخبية حاجه
ثانيا حضرتك لا صحفي ولا ندين شخصية مشهوره علشان يبقى عندك فضول عن قصه حياتها و تعرف هي مخبيه ايه و كشفة ايه مش كده
زياد : جنى انا بحب ندين بحبها اوي
جنى : يا نهار اسود
زياد : في ايه
جنى : اوعى تكون قلت ل ندين الكلام الفارغ ده
زياد بأستغراب : كلام فارغ !!!! اه قلتلها اني معجب بيها
جنى : و هي ...هي قالتلك ايه ؟؟
زياد و بص ف الارض : ملحقتش اسمع ردها لان اغم عليها
جنى : يعني كل اللي هي فيه ده بسببك
زياد : بسببي انا ليه !!!!!!!؟؟؟؟
جنى : ها ...... لا و لا اي حاجه
زياد : جنى انطقي قولي كل حاجه تعرفيها
جنى : زياد I'm sorry كان نفسي اساعدك بس مع الاسف
جنى مشيت و سابت زياد و وقفت علي جنب و اتكلمت في الموبيل
جنى : الو ايوه حضرتك
انا عرفت ندين فين

___________________________ 

استنوا البارت الجديد 💜💜
و يا ريت لو عجبكم فوت و كومنتات كتير
شكرا ❤❤❤