رواية احببتك رغم الصعاب

الفصل الثاني و الثلاثين

الفصل الثاني و الثلاثين

في شركة وليد ....

فلاش باااك

بعد خروج نادين من الشركة بحاولي نص ساعة ...

في الورشه عند جنى

جنى بتعجب : ايه ده زياد بتعمل ايه هنا
زياد بصوت واطي : نادين مشيت و لا لسه هنا
جنى بصوت واطي : لا لا مشيت من نصاية كده
زياد بصوت عالي : طب لما هي مشيت بتوطي صوتك ليه
جنى بضحك : مش انت كنت موطي صوتك بردو و لا انا بيتهيألي
زياد : انا باخاد الاحتياط و بسأل
جنى بضحك : لا لا نزلت من نص ساعة راحت لاسيا
زياد بأرتياح : اصلي كنت عامل مفجأة لنادين و اسيا و عايزك تساعديني
جنى بحماس : بجد .. الله على الرومانسية مفجأة ايه قول بسرعة
زياد ببسمة : انا اتفقت مع طنط و حازم ان النهاردة كمان خطوبة مش بس قراية فاتحة
جنى بصدمة : حازم .. حازم مين !!!
زياد : حازم اخو نادين
جنى : هو حازم رجع
زياد : ايوة هو خطيبته

( يا اخي ايه الغشومية دي البت هيجيلها ساكته قلبيه من اللي انت بتقوله ..)

جنى : خطيبته !!! هو حازم خطب
زياد : اه راجع معاه صاروخ امريكي

في اللحظة دي الزمن وقف عند جنى فا حب عمرها بكل مراحله سابها و خطب واحدة تانية حب طفولتها و مراهقتها و حتى شبابها .....

جنى كانت هتقع بس زياد مسكها

زياد : هوب هوب ايه مالك انتي كويسه
جنى : عايزة اشرب
زياد جاب زجاجة المايه و جنى شربت

زياد : جنى انتي كويسة
جنى : ها .. اه اه انا تمام كمل
زياد : بس ف النهاردة خطوبة بس نادين متعرفش ..
جنى : ازاي 🤔🤔
زياد : بصي يا ستي نادين فاكرة ان موضوع قراية الفاتحة ده قرار لسة واخده امبارح .. بس الحقيقة بقا اني مرتبله من زمان .. اساسا اكيد مش بعد البهدلة و الويل اللي شفته انا و هي القدر يستخسر فينا اننا نكمل عمرنا كله مع بعض .. و لا اية .. قلت في عقلي يا واد يا زياد انت كده و لا كده هتتجوزها .. بس بردو قلت ان نادين بتمر بحالة نفسية سيئة اوي .. قلت خلاص انا هقولها انها قراية فاتحة
بس هي اصلا هتكون خطوبة .. حتى بصي

طلع زياد خاتم الخطوبة اللي كان عامل زي خواتم الجواز بتاع المسلسلات التركي ( عارفينه اللي بيكون فيه فص الماز واحد حلو كده )

جنى : الله ده يجنن
زياد : هي دلوقتي زمانها بتجيب اسيا من الجامعه و القاعه جاهزة و احنا اساسا مش عازمين حد يدوب احنا هي هتروح البيت تجهز و هي فاكرة ان احنا هنيجي البيت بس بعد ما هي و اسيا يجهزوا .. هيتفاجؤا ان حازم هياخدهم للقاعة .. علشان كده انا بقولك علشان متروحيش هناك علي الفاضي عايزك لما تجهزي تروحي القاعة عايزها تتفاجئ بكل الناس اللي قريبين منها هناك
جنى بصت لزياد بابتسامة : يااه يا زياد انت بتعمل كل ده علشان تكون مبسوطة .. انتي بتحبها اوي كده
زياد بتنهيدة : اوي يا جنى .. نادين بالنسبة ليا حاجه بعيدة اوي في السما نفسي تتنازل و تنزلي علي الارض .. عمري ما هلاقي زوجه و حبيبة و بنت و صاحبة و كل حاجه في حد تاني غير نادين
جنى : ماشي يا زياد انا معاك و متخافش كل حاجة هتكون تمام وربنا يخليكم لبعض و عمركم ما تتفرقوا ابدا
زياد : يا رب .. طيب انا هروح اجهز و انتي كمان مطوليش هنا امشي علي طول علشان خاطر تلحقي تجهزي
جنى : تمام