رواية احببتك رغم الصعاب

الفصل الاخير

الفصل السابع و الثلاثين و الاخير

عدى حوالي ٣ شهور .. تعالو كده بسرعة اقولكم على اللي حصل
. زياد استعاد صحته و خرج من المستشفى
. درين الحمد الله غارت في داهية سافرت برة مصر
. جيسي هي كمان رجعت بلدها
. حازم بقا مركز جدا في شغله بعد محاولة رجوعه ل جنى اللي فشلت فشل كبير
. هبة و ماذن ابتدوا يقربوا من بعض بعد ما ماذن اخيرا اعترف بحبه و هبة وافقت تديله فرصة
. شغل نادين في التصميمات و عرض الازياء ماشي كويس جدا
. احوال جنى و وليد دي بقا محدش فاهمة خالص بينهم حاجه غريبة كده محدش عارف هي ايه
. اياد و نورا بقا الحمد الله زي العسل و نورا حامل في شهر و اتفقوا انهم يسافروا كلهم برة مصر بس بعد ما نورا تولد
. فاكرين ساندي صاحبة اسيا اللي كانت بتحب زياد .. دي بقا مختفية الظاهر كده و الله اعلم شالت زياد من دماغها
. نادين طبعا تقريبا مش بتقعد في بيتها خالص وقتها كله ما بين الشغل او عند زياد في الفيلا  ( اصل البيه بيتدلع شوية قال ايه لسه تعبان و محتاج مراته حبيبته تاخد بالها منه حاجه كده يعني حلوة اوي الصراحة 😂😂😂 )
. فاطمة اخيرا رجعت الفيلا عند ابراهيم
. و اه نسينا اهم حدث .. ( صلح نادين و باباها .. و ده طبعا مقدرتش اعديه كده ف هجيبلكم المشهد بتاعه ..
.
.
فلاش بااك ..
.
.
في بيت نادين ...

نادين بتزمر :  اوووف انا تعبت
زياد : مالك بس يا شبح بتنفخ ليه
نادين : مش عارفه اسرح شعري ده بقا يتعبني انا اقعد اطول في و ف الاخر يتعبني في التسريح
ضحك زياد عليها جامد : ههههه طب تعالي هاتي الفرشه دي و تعالي اقعدي قدامي هسرحلك انا
نادين : بتهزر صح
زياد : لا على فكرة بتكلم جد تعالى  هسرحلك انا
نادين : هو انت بتكلم بنت اختك ايه ده
زياد : تصدقي انا غلطان .. مش عارف انتي مش رومانسية ليه بقولك هسرحلك شعرك و انتي  تردي كده بجد مش عارف
نادين : ايه ده انت زعلت يا زيزو .. خلاص متزحلش انا اسفه مش تزحل مني

زياد بصلها و شاف طريقتها و انفجر من الضحك
نادين : طب بتضحك عليا ليه دلوقتي
زياد : مش عارف خلاص تعالي اقعدي بقا
نادين : طيب

قعدت نادين قدام زياد و هو ابتدى يسرحلها شعرها
زياد : عارفه لو فكرتي فكرة انك تقصيه هعمل فيكي ايه
نادين : لا متخافش عمري ما هقصه .. بس هتعمل ايه يعني
زياد : هسيب الموضوع لخيالك
نادين : احم طيب
زياد : عايزة تعملي انهي تسريحة بقا
نادين : لا انا بلمه مش بعمل تسريحات علشان كده بيكون حلو
زياد : ماشي يا ستي و منكم نستفيد
نادين : و انت عايز تستفيد ليه عايز تربي شعرك ههههه
زياد : هههه ايه يا بت السكر ده يلهوي دمك يلطش
نادين : انت اخدت عليا اوي
زياد : طبعا مش جوزك و لا ايه
نادين : كده .. لا مش مش علشان جوزي تعمل ما بدالك
زياد : ماشي يا شبح
نادين : ايه شبح دي انت بتكلم واحد صاحبك
زياد : خلاص .. تنفع ماشي يا قلبي
نادين بكسوف : احم .. لا خلينا في شبح احلى
زياد ضحك بصوت عالي : يا للهوي على الطماطم .. يلا انا ماشي
نادين : ماشي .. لما تروح كلمني
زياد : لا حول و لا قوة الا بالله .. الناس تقول طب اقعد اتعشى .. طب اشرب حاجه .... طب خليك و امشي الصبح بدل المشي بالليل و دي طيب مع السلامة
نادين : على اساس انك محتاج عزومة و بعدين احنا يدوب مكتوب كتابنا يعني لما نبقا نعمل فرح ابقى اقعد براحتك يلا يا بابا الساعه بقت ٨ بالليل مينفعش تقعد عند انسه محترمه في شقتها لوقت زي ده
زياد رفع حاجبه بتعجب : و الله .. بقا كده ماشي مسيرك يا ملوخية تيجي تحت المخرطة
نادين : سلملي عليها
زياد : هي مين
نادين : المخرطة ههههههه