رواية احببتك رغم الصعاب

الفصل الثاني عشر

الفصل الثاني عشر

طلع زياد الاوضه و غير هدومه و اخد شاور و نام بعمق من التعب

في حته تانيه بقا
ندين روحت بيتها و حاسه باحساس غريب مش عارفه تصنفه و مستغرباه
بس هي خلاص قررت لا تفكر و لا تستغرب و تتأقلم مع اي حاجه تحسها او تحصلها خلاص هي مش هتضيع وقت تاني كفايا الوقت اللي راح
مسكت موبيلها و كلمت وليد
ندين : احم صباح الخير مستر وليد
وليد : صباح النور يا ندين انتي ليه جيتي الشركه النهارده
ندين : للاسف جنى نسيت تبلغني انها اخدتلي اجازة و انها كلمت حضرتك ..
وليد : المهم اخبارك ايه دلوقتي احسن
ندين : الظاهر ان جنى قامت بالواجب و قلبت الدنيا
وليد : لا خالص الانسه جنى كانت لطيفه جدا ف الكول و طلبت اجازه يوم علشان انتي كنتي تعبانه بس مش اكتر
ندين : معلش انا عارفه اني بقالي فتره مقصرة ف الشغل بس بجد هحاول تكون اخر مرة
وليد : متقوليش كده  التعب مش بأيد حد و لا تقدري تغيري قدرك يلا هسيبك ترتاحي شويه و اشوفك بكرة
ندين قفلت مع وليد بس هي مش جيلها نوم خالص و حاسه انها كويسه و مع ذلك ماصرتش تروح الشغل النهارده و قالت انها فرصه تشوف بقا نفسها شويه تشوف هتعمل ايه و بتفكر ف ايه و تقعد مع نفسها

في الجامعه و تحديدا ف كليه هندسه ...
بنتين قاعدين ف الكافيتريا
منى : ساندى خدي بالك اسيا جايه
ساندي : ماشي                       
اسيا : ايه بنات اخبركم ايه          
منى : الحمد الله تمام و انتي        
اسيا : الحمد الله كوبسه مدخلتوش المحاضرة ليه ؟؟
ساندي : ملناش مزاج و تعبنين
اسيا : تعبنين من ايه مكنش عندنا النهارده غير محاضره واحده محضرتوهاش
منى : فكك بس يا اسيا من حوار المحاضرة  ......ساندي مش ملاحظه كده ان نظرات طارق لواحده صاحبتنا بقت واضحه زي عين الشمس و بقت اوفر اوي
ساندي : اه و الله صعبان عليا الجامعه كلها بقت ملاحظه و لا ايه يا اسيا
اسيا : ها ... كنتوا بتقولوا ايه
منى : اوه انتي مش معانا خالص اللي واخد عقلك
اسيا : لا مفيش حاجه سرحت شويه كنتوا بتقولوا ايه بقا
ساندي : بنقول طريقه طارق و نظراته و حركاته ليكي بقت اوفر
اسيا بعدم اهتمام : طب و انا مالي انا مليش دعوة بيه و لا بكلمه
منى بضحك : ما هي دي المصيبه ان انتي و انتي بعيده عنه و مفيش بينكم تعامل غير ف حدود معينه بيحصله كده اومال لما تديله ريق حلو و تكلميه هيحصله ايه
اسيا : مين قال بقا ان ده هيحصل
ساندي : مين قدك يا عم مش ملاحقه طارق من ناحيه و اللي بالي بالك من ناحيه تانيه
اسيا : ساندي اسكتي خالص
و بعد شوية موبيل اسيا رن ......
اسيا : الو
ندين : الو يا اسيا عاملة ايه ؟
اسيا : الحمد الله انتي اخبارك ايه
ندين : الحمد الله انا تمام قوليلي انتي ف البيت
اسيا : لاء انا ف الجامعة
ندين : طيب خلصتي محضرات
اسيا : اه خلصت و قاعده مع صحباتي شويه و هروح
ندين : طيب ممكن اشوفك النهارده
اسيا : ممكن طبعا بس حصل حاجه يعني
ندين : لاء متقلقيش بس في موضوع يخصني كنت عايزاكي فيه
اسيا : طيب تمام هكلم ماما استأذنها اني هتأخر و تعالى
ندين : طيب هستناكي تكلميني علشان انزل من البيت
اسيا : اوكى يلا باي
اسيا كلمت مامتها و قالتلها ان ندين هتعدي عليها لانها عايزاها ف موضوع
منى : هو ايه الموضوع انتي هتسيبينا و تروح فين
اسيا : مفيش هخرج مع واحدة معرفة زياد
ساندى بغيرة بتحاول تداريها : ايه معرفته ازاي يعني
اسيا : ايه عادي ندين صاحبه زياد حتى امبارح جابها عندنا علي العشا
منى : اوبا كمان جابها عندكم لا الحوار كده شكله كبير اوي و هنسمع اخبار حلوة قريب
ساندي بغضب : منى استنى انتي .. كملي يا اسيا و بعدين
اسيا : عادي يعني انتوا عارفين زياد اخويا لخمة شوية بس هي بنت ناس و كويسه
يلا انا همشي بقا اروح استناها عند البوابة
ساندي : انا هاجي معاكي مينفعش تقفي لوحدك
منى : انتوا هتسيبوني لوحدي انا كمان هاجي ....
راحوا البنات وقفوا قدام البوابة و ساندي واقفه و صبرها قرب ينفذ نفسها تشوف مين دي اللي علاقتها ب زياد توصل انه يجبها البيت و يعرفها بأهله
ندين جت و اسيا سلمت علي صحابها و ركبت العربيه مع ندين
ندين : صباح الخير
اسيا : قولي مساء الخير الساعه 3:00pm
ندين بضحك : طيب يا ستي مساء الخير
اسيا : مساء النور ها قوليلي بقا هنروح فين
ندين : اي كافيه اللي انتي عايزاه
اسيا : بصي اي حته علي النيل
ندين : اوكي تمام
راحوا كافيه علي النيل و جه الجارسون
الجارسون : اتفضلوا
ندين : لو سمحت عايزه نسكافيه بس باللبن بودر لو مفيش خليه black
الجارسون تحت امر حضرتك
و بص لاسيا  : و حضرتك ؟
اسيا : فانيلا لاتيه
مشي الجارسون
اسيا  : ندين ممكن سؤال ؟؟!!
ندين : اتفضلي
اسيا : ليه بتشربيه باللبن بودر مش باللبن الحليب العادي
ندين : ممممم علشان عندي حساسيه منه