رواية احببتك رغم الصعاب

الفصل الثامن و العشرين

الفصل الثامن و العشرون

في لحظه كان زياد سامع صوت صرخه واحده هزت جدران البيت

دخل زياد جري علي الفيلا و هو بينادي علي نادين

زياد : ناادين .. نادين انتي فين

سمع زياد صوت ارتعاش و بكاء هستيري من المطبخ دخل المطبخ لقى نادي قاعد علي الارض و بتترعش جامد و ضامه رجليها و في حاله فزع جامده و بعدين شاف الارض لقى انها في دم كتير
من غير ما يفكر جري زياد و شال نادين و جري بيها بره الفيلا و طلع علي اقرب مستشفى من بيت اياد

____________________________

في فيلا الشرقاوي ( اوضة هبة بالتحديد )

هبة قاعده سرحانه في كلام نادين

" لو اتجوزتوا و هو مش بيحبك هتتعذبي اوي "

" لا لو كده خدي بالك كويس لان في شخص هنا بيحبك اوي و خايف يصرح بمشاعره خوفا من انه يخسرك للابد "

" بس خدي بالك الشخص ده قريب منك جدا "

هبة في نفسها : يا تري مين ده العاشق السري

و فجأة رن موبيل هبة و كان ماذن

( الانسان الجيد يأتي عند ذكر اسمه 😂)

هبة : ايه يا ميزو

ماذن : ايه يا قلب ميزو وحشتيني جدا
( ده اللي كان نفس ماذن يقولوا لكن هو للاسف مقلش كده ماذن قال "

ماذن : ايه يا هبة عامله ايه
هبة : الحمد الله ماشية
ماذن : بقلك يا هبة انتي فاضيه
هبة : اه جدا حتى زهقانه كمان
ماذن : طب ايه رايك نخرج نتمشى شويه لاني انا كمان زهقان اوي
هبة : ماشي اهي حاجه حلوة بدل القاعده في البيت
ماذن : حلو اجهزي و هعدي عليكي
هبة : قشطاط
ماذن : بالعسليات و المربات

( لا و النبي و حياتك انت و هي جو السكلنس ده مش علينا روحوا اعملوا سندوتشين بدل الاوفر ده )

____________________________

في المستشفى ( عند اياد )

دخلت عليه واحده بتجري

سحر ( صاحبة نورا و الممرضه اللي خيطت الجرح ) : نورا ... قولي نورا فين .. نورا كويسه صح ...
كملت بعياط شديد : قلتلها بلاش كفايا كده .. قلتلها روحي بلغي عنه .. قلتلها المرة الجاية ممكن يجرالك حاجه مسمعتش كلامي كان كل تفكيرها في امها و اخواتها و اكتر واحد بتحبه في حياتها

و هنا اتصدم اياد هل هناك شخص اخر تحبه نورا

( الغبية سحر يعيني متعرفش انها واقفه قدام اللي نورا بتحبه )

اياد : احم هي مخطوبة ؟
سحر بسخريه حزينه : مخطوبة .. لا هي مش مخطوبة بتحب مديرها في الشغل .. يعني حب بلا جدوى