رواية احببتك رغم الصعاب

الفصل العشرون

الفصل العشرون

في شركة زياد

زياد : سالي ابعتيلي مصطفى بسرعه
سالي : تحت امرك يا فندم
بعد شويه جه مصطفى
مصطفى : مالك يا boss في ايه مش علي بعضك كده
زياد : نادين جاية
مصطفى : جايه فين !!!
زياد : هنا المكتب
مصطفى بدهشه : احلف كده و حياه نادين جاية
زياد : اه و الله جاية بس انا مش عارف انا متوتر اوي
مصطفى : عقبالي يا رب
زياد : عقبالك ايه ان شاء الله
مصطفى : عقبال كده ما اخت واحد صاحبنا تحن علي اللي خلفوني وتيجي تزورني انا كمان في الشركه.
ضحك زياد : يا ابني بطل لسه حركاتك دي وهي توافق
مصطفى : لا يا عم اختك اسيا دي..
زياد : مالها
مصطفى :طلع على اخوها قمر
زياد: ايوه كده اتعدل في الكلام احسن انت عارفها مجنونه

في مكتب وليد

وليد : الو ايوة يا عمي عندي لك خبر انما اية جامد جدا
ابراهيم : قول لما نشوف
وليد : نادين النشار بنفسها طلبت انها تكون مصممه الازياء بتاعه الشركه
ابراهيم بفرحه كبيره جدا : بجد اخيرا انا مش قادر اصدق
وليد : لا لا لا صدق يا عمي حتى جايبه صاحبتها جنى علشان تساعدها
ابراهيم : تمام شكرا يلا مع السلامه

في فيلا الشريف

ليلى : اسيا انت رايك ايه في نادين
اسيا : بصي يا ماما نادين بنت كويسه جدا ومن عيله محترمه
ليلى: يعني هتقدر تنسى اخوكي اللي حصل من الزفته اللي اسمها سلمى دي واللي عملته اسيا : زياد بيحب نادين يا ماما وكمان نسي موضوع سلمى ده بس دلوقتي المشكله مش في زياد
ليلى: امال المشكله في ان شاء الله
اسيا : المشكله في نادين يا ماما الظاهر في حاجه حصلت لها زمان وده اللي مخليها عايشه لوحدها هي حتى زعلانه مع باباها ومظنش انها حاجة بسيطه .
ليلى : ربنا يستر و يجعلك من نصيب ابني يا نادين يا بنت .....
اسيا بضحك : فاطمه يا ماما مامتها اسمها فاطمه
ليلى بتعجب : فاطمه !!! هي نادين تبقا بنت ابراهيم النشار و فاطمه الصياد
اسيا : انا معرفش اسم مامتها ايه غير فاطمه و باباها اه اسمه ابراهيم النشار
ليلى : ماشي يا حبيبتي روحي يلا شوفي وراكي ايه

في شركه وليد

نادين : جوجو انا انا ماشية اوكى
جنى : اوكى يا نودي و ادعيلي بقا انا كمان احسن وليد ده ........
نادين : بس اسكتي و الله شكلك هترفدينا كده من اول يوم
جنى : ربنا يستر .... اه متنسيش تبقى تسلميلي علي زيزو
نادين : جنى و الله همد ايدي عليكي
جنى : اووف ياه انتي اتاخرتي اوي

طلعت نادين من الشركه و هي في طريقها ل زياد

فضلت جنى قاعده لوحدها شويه تشوف هتاكل ايه و هتاكل فين
و بعدين دخل وليد عليها الورشه
وليد : ايه نادين مشيت
جنى : اه يا فندم لسه ماشيه من شويه
حضرتك كنت عايزها في حاجه
وليد : لا ابدا انا قولت بس افكرها بمعاد الاجتماع
جنى : هي عارفه المعاد و ماكده عليا انها مش هتتاخر
وليد : طيب تحبي اخدك افرجك علي الشركه و اعرفك علي الشغل
جنى بحماس بان اوي في عنيها : احب جدا
وليد : طيب اتفضلي