رواية احببتك رغم الصعاب

الفصل السادس

الفصل السادس

وصلنا المره اللي فاتت على وليد و هو بيقول ل ندين
وليد : انتي كويسه بتعيطي ليه
ندين و هي بتحاول تمثل انها كويسه : ايوة يا فندم انا بس دخلت حاجه ف عيني انا تماام

عند زياد في شركته
زياد : صباح الخير يا سالي
سالي : صباح النور مستر زياد
زياد : بقلك يا سالي عايزك ف حاجه تعالي ورايا
دخل زياد و سالي المكتب و زياد راح قعد علي المكتب و ابتدى يتكلم
زياد : سالي عايزك تحجزي النهارده ف المطعم ده و (اداها اسمه و رقم التليفون) فردين احسن تربيظه علي الساعه 12:30 الظهر
سالي : تماام يا فندم تأمرني بحاجه تاني
زياد : اه صح مصطفى جه
سالي : لا لسه
زياد : طب لما يشرف خليه يجيلي
سالي : تمام يا فندم
ابتدى زياد يشوف شغله و عدى  حوالي ساعه الا ربع الباب خبط الخبطه المميزة بتاعت مصطفى
زياد : ادخل يا بيه
مصطفى : صباح الخير يا كبير
زياد : صباح النور ... عندك تأخير ساعه الا ربع
مصطفى : ايه ده انا افتكرت اني جاي بدري
زياد باستغراب علي ضحك : نعم يا خويا ..ليه ان شاء الله انت الساعه ف ايدك كام
مصطفى : 9 الاربع
زياد : طيب انت قولت اهو تبقا جاي بدري ازاي
مصطفى بقلق مضحك   : هو احنا بنجي هنا الساعه كام ؟؟
زياد و بيضحك عليه بهستريا : اول حاجه المفروض اننا نكون هنا ف الشركه الساعه 8 بالدقيقه
تاني حاجه حاجه انت شكلك عايز تنام صح
مصطفى : 😥😥 اه و الله عايز انام المهم سيبك من النوم هناكل فين النهارده يا زيزو
زياد : احم هو انت هتاكل لوحدك النهارده
مصطفى : نعم يا خويا ليه ان شاء الله رايح فين
زياد : ايه ده انت هتردحلي عندي اجتماع مهم
مصطفى : اجتماع و مهم و من غيري ايه الحوار يا ابن عمو امجد في مزة و خايف اعلقها منك و لا ايه
زياد : ولا اهدى شويه بلاش  الpower الزياده ده وحش
مصطفى : اومال ايه الحوار احكي احكي
.......
حكى زياد لمصطفى كل حاجه و مصطفى كان بيضحك عليه
مصطفى : انت وقعت يا صاحبي الفاتحه علي روحك
زياد : بص انا مش متأكد اذا كنت بحبها و لا بس خلاص انا هقابلها النهارده و اقولها اني معجب بيها و هشوف
مصطفى : انت باين عليك حبيتها
زياد : شكلي كده مش عارف اعمل ايه
مصطفى : خايف مش كده ؟!
زياد : من ايه ؟؟
مصطفى : من عقدة سلمى يا زياد
_
زياد : لاء .. ده حتى بعد ما اقول ل نادين  اني معجب بيها هحكيلها علي حوار سلمى ده كله 
مصطفى بفزع : زياد انت اتجننت
زياد : ليه بقا
مصطفى : انت عايز تحكى لندين عن سلمى ..لا لا طبعا اوعى مينفعش خالص
زياد : لا ينفع هو ده الصح لازم ف اي علاقه جديده يدخل فيها لازم يحكي لشريك حياته علي اللي حصله قبل كده ده الصح لازم نكون صرحه ده من الناحيه المنطقيه و الاخلاق اما بقا من الناحيه التفكيريه لو انا مقلتش لندين كل حاجه دلوقتي عن سلمى و حصل نصيب و اتجوزنا حتى و بعدين ظهرت سلمى تاني بالصدفه مش ده وارد تيجي بقا تحب تبوظ حياتي ف تروح لندين و تحكي اي كلام من عندها و حياتنا تتخرب لا لا لازم الصراحه العلاقه اللي بتتبني علي الكدب بتخرب و مش بيكون فيها بركه يا مصطفى (مش قلتلكم الواد زياد ده حاجه حلوة كده مش موجوده ف الدنيا ايه يا خواتي ده ايه العسل ده و ابه الحكمه و العقل ده .... الله قلتلكم ميت مره بطلوا تعكسوا فيه ...الواد مرتبط الله 😂💔)
مصطفى : طيب يا زياد انت عندك حق اعمل اللي يريحك
زياد : مش اللي يريحنى انا هعمل الصح
خرج مصطفى من عند زياد و راح مكتبه و زياد رجع تاتي يشوف اوراقه و ملفاته

عند وليد ف الشركه .....
وليد : ندين ايه رأيك نتغدى سوا النهارده بالمرة نكمل بقيت الشغل
ندين بأحراج : اسفه يا فندم والله مش هينفع النهارده لاني عندي plan مرتبلها من فتره ف مش هقدر الغيها ف اخر وقت
وليد : تماام مفيش مشكله

  بعد شويه                                
زياد اتصل ب ندين
زياد : ايه انتي فين ؟؟
ندين : لسه ف المكتب
زياد : يعني اجي اخدك من الشركه و لامن البيت ؟؟
ندين : و ليه تيجي تاخدني ما نتقابل هناك و خلاص
زياد : لا اصلي ماحبتش تروحي لوحدك و كده كده المطعم قريب منك ف فطريقي يعني
ندين : طيب اوكى تعالى تحت البيت و نبقا نروح سوا
قفلوا مع بعد و خلاص الوقت عده و كمان نص ساعه لازم تنزل ندين من الشركه تلحق تروح و تجهز علشان تقابل زياد

فلاش باك ...............
ندين : انت قلت ايه دلوقتي ؟؟
ماجد : يعني مسمعتيش
ندين : قول تاني عايزه اتأكد اني سمعتها
ماجد : تتجوزيني يا ندين
ندين كانت هتطير من الفرحه مع انها كانت متوقعه اصل دي هي لازم تكون النهايه لقصتهم
ماجد : انتي مش بتردي ليه مش موافقه و لا ايه طب سلامو عليكو
ندين : لا لا اقعد موافقه اكيد بس يعني سرحت شويه ههههههه

ندين فاقت من ذكريتها و راحت الحمام و فضلت تعيط جاامد و بعدين خرجت من الحمام و اخدت شنتطها و راحت علي البيت اخدت شاور و لبست فستان ابيض طويل فيه تطريزات بسيطه و كان شكلها ياخد العقل و كانت فارده شعرها زي الاميرات
زياد كان قاعد تحت مستنيها و اول ما شفها تنح
( ايوة هي التتنيحه الرومانسيه اللي احنا عرفنها  دي😂😂💖💖 ) 
ندين : اتأخرت
زياد: ها
ندين : زياااااد انت يا بني روحت فين
زياد : روحت ف الجنه بس رجعت بسرعه
ندين : هههه طب يلا علشان عندي شغل بعد العزومه دي مش عايزة حد يرفدني
زياد : مين ده اللي يقدر يرفدك و انا موجود حد يستجري
ندين : حيلك حيلك... طب يلا بقا
زياد : يلا بقا ايه
ندين : زياد هروح اتغدى لوحدي
زياد : خلاص خلاص متأفشيش بسرعه كده بهزر
المهم ركبوا العربيه و وصلوا المطعم و كان الاستقبال تحفه  وكانت التربيزه حلوه اوي ( بس طبعا اللي قاعدين عليها احلى 😂😂)

قعدوا و طلبوا الغدا و هما ساكتين
المهم خلاص زياد جمع كل قوته و هيتكلم
زياد : ندين انا عايز اقولك علي حاجه
ندين : اتفضل قول
زياد : ندين انا م ..
لسه هيتكلم ندين قامت وقفت و تنحت علي البوابه في شخص متوقعتش ابدا انه يكون هنا

__________________________
خلص البارت بتاعنا يا رب يكون عجبكم
استنوا البارت الجديد قريب 💖💖🌸🌷