رواية احببتك رغم الصعاب

الفصل الخامس و العشرون

الفصل الخامس و العشرون.....

في امريكا

عند حازم ....

الحوار باللغه الانجليزيه لكن انا هترجموا

حازم : اه كمان اربع ايام ايه اتفأجتي ليه
جيسي : لا ابدا بس بسرعه كده
حازم : بسرعه ايه بقالك ٣ اسابيع تقولي بسرعه .. خلاص انا حجزت طياره
جيسي توترت جدا : طيب تمام انا هنزل هجيب حاجه نسيتها من العربيه
حازم : اوكي يا حبيبتي

نزلت جيسي و اتكلمت في موبيلها السري ( اكيد اشترت واحد جديد غير اللي اتكسر )

اتصلت برقم كذا مرة لكن مفيش رد
جيسي : اوووف الغبي مش بيرد عليا و بعدين يتعصب عليا انا

في بيت نادين

جنى خبطت ...
نادين : ادخل
جنى : نادين انتي صاحية صح
نادين : اه يا جوجو تعالي

دخلت جنى و قعدت جمب نادين

نادين : كلمتي عمو و قلتيلوا انك هتباتي هنا النهارده
جنى : اه اه كلمته ... بس ايه ..
نادين : مالك .. عايزة تقولي حاجه
جنى : اه وليد كان هنا
نادين برقت : ايه وليد ... هنا ...هنا فين !!!
جنى : هنا يا نادين جه قبل ما انتي تيجي بشويه كده
نادين : ليه كان عايز ايه
جنى بصوت واطي : احم جه يعتذر
نادين : علي صوتك
جنى بنفس درجه الصوت الواطيه : جه يعتذر
نادين : علي صوتك يا جني جه ليه
جنى رفعت صوتها : جه يعتذر و يطلب مننا اننا نرجع الشركه و كان عايز يقابلك بس قلتله انك نايمه
نادين : اه و بعدين قولتيلوا ايه سايدتك
جنى : قلتله عايزنا نرجع يبقا اللي غلط فينا هو اللي يعتذرلنا

نادين اتصدمت من جراءة جنى اللي كانت تتحدث بها مع وليد

نادين : ها و بعدين قالك ايه بقا
جنى : اتصدم من كلامي و مشي مقلش حاجه عايزنا نروح الشركه بكره علشان هو يعتذرلنا قدام الناس كلها
نادين : و بعدين
جنى : قلتله هشوف نادين و مشي و قفلت الباب

مسكت نادين موبيلها و هتتكلم مع شخص

جني : هتكلمي مين هتكلميه

نادين اشارت لجنى بالسكوت

نادين : الو ايوة يا شادي عامل ايه
شادي : ايه يا نادين انا كويس انتي عامله ايه و ايه اللي حصل رجعت لقيت الشركه فاضيه لا انتي و لا جنى و لا وليد موجودين رحتوا فين
نادين : شادي عايزة احكيلك علي حاجه كده
شادي : احكي انا سامعك

حكت نادين كل اللي حصل معاهم في الشركه هي و جنى من هبة و الاستقالة

شادي : عايزة رايي يا نادين لو بتثقي فيا
نادين: طبعا يا شادي بثق فيك انا علشان كده كلمتك علشان تقولي اعمل ايه
شادي : روحي بكره و خلي هبة تعتذرلك و بعد كده متتعامليش معاها خالص و لو اضطريتي تتعاملي معاها بعد كده اتعملي businesses wayes ( طريقه شغل و بس )
نادين : انت شايف كده يا شادي
شادي : اه الصراحه الشركه محتاجاكي جدا و انتي محتاجه تثبتي نفسك في مجال الفاشون .. و اظن لما تبقا خطوتك الاولى هي التصميم موديلات ل شركه ذي شركه اللي شاغلين فيها دي حاجه تستحق تطنيش بعض الامور انتي كسبانه اكتر منهم علي فكره
ابتسمت نادين : انت عندك يا شادي و شكرا بجد علي النصيحه
شادي : طيب ممكن اكون قليل الذوق و اطلب منك خدمه
نادين : طبعا يا شادي انت تأمر
شادي : طيارتي ل فرنسا كمان ٤ ايام ينفع توصليني المطار لان مش هينفع اسيب العربيه كل الشهور دي مركونه قدام المطار
نادين : اه طبعا بس انت ليه مسافر علي طول كده مش تقعد شويه تفهمني اعمل ايه
شادي : معلش بقا هي جت كده و انا و انتي هنتكلم في الموبيل باستمرار و انتي قد المسؤليه يا نادين انا واثق فيكي
نادين : ميرسي اوي يا شادي بجد علي كل حاجه
شادي : مفيش شكر بينا احنا اصحاب و اخوات تصبحي علي خير
نادين : و انت من اهله