رواية احببتك رغم الصعاب

الفصل الرابع و الثلاثين

الفصل الرابع و الثلاثين

قبل اللي حصل ب ساعه

في بيت اياد

اياد : اهي نورا جابت لينا فشار
محمد : عايز فيلم رعب
هند : لا رعب لاء انا بخاف .. انا عايزة كارتون
اياد : و انتي يا نورا مش هتدخلي في الصراع ده
نورا : لا اللي انت تختاره انا موافقه عليه
محمد : احم طب انا راي نقوم ننام يا هند و نسيبهم يشغلوا حاجه رومانسي كده تليق مع الجو
اياد : الواد ده برنس
محمد : عد الجمايل
نورا بحده : ولد اتكلم كويس
اياد : سيبيه براحته ده اخويا الصغير و صاحبي و لا يهمك يا ميدو بعدها
بس لو مش عايزين تناموا في شاشه في اوضتك اتفرجوا عليها اختاره اللي يعجبكم
محمد : تصدق انك عظمه يلا يا هند
هند : لا انا عايزة اقعد ما ايدو
نورا بحده : قولت ايه .. اسمه عمو اياد او ابيه اياد
اياد : ما تخليها جدو اياد احسن في اي يا ابلة النظرة ما تفكيها كده
نورا : ممكن تبطل دلع فيهم
اياد : لو انا مدلعتهمش مين هيدلعهم ها
هند حبيبتي انا ايدو ماشي بلا عمو بلا ابيه
هند : ماشي انا هطلع مع محمد علشان ابلة نورا مش تزعل بس شويه و هاجي اقعد معاك
اياد : و انا مستنيكي يلا في الحضن الحلو بتاع ايدو

هند حضنت اياد و نورا مبتسمه مع دموع و محمد منبهر بطريقة اياد مع نورا و هند و نفسه لو يكون زيه كده

اياد : ها يا ابلة نورا تحبي تتفرجي علي ايه
نورا : انا زعلانه منك
اياد : ايه ده ليه
نورا : متقوليش ابلة دي بدايق
اياد : خلاص حقك عليا انا بس بهزر معاكي و عايزك متشديش علي هند و محمد كده اول حاجه لان هند مكملتش ١٠ سنين ف عايزة حنيه و عايزين نعوضها عن عمو الله يرحمه و طنط الله يرحمها و محمد خلاص بقا راجل و لازم نعامله على كده و انا عارف انك خايفه عليهم بس شويه حنية زياده مش وحشين
نورا : انت شايف كده
اياد : انا شايف حاجه احلى
نورا : ايه
اياد : عنين عسلي كل ما بشوفهم بحس اني غرقان في العسل

( يا رب جو التلزيق ده اوف عسل و نحل بقا و حاجه كده صعبة )

نورا : انت بتجيب كلامك الحلو ده منين
اياد : من هنا من قلبي كلام مطلعش غير ليكي و محستش بيه غير في وجودك
نورا : طب انا عايزة اتفرج على الخلية
اياد : ليه يا بنتي ضرب نار و موت و ناس تعيط ليه
نورا : كلكم شايفينه كده محدش بياخد باله بتغير سيف ( احمد عز ) لما حب سلمى ( امينة خليل ) بقا عامل ازاي
اياد : بقا عامل ازاي
نورا : بقا عامل زيك كده بالظبط
اياد بضحك : لا و الله ازاي بقا
نورا : يعني انت كنت .. يعني اوقات لما كنت بشوفك متعصب يعني ..
اياد : بارد و همجي و شرير و معنديش قلب
نورا : عمري ما فكرت فيك كده
اياد : اومال فكرتي فيا ازاي
نورا : قلت علي قد الشر اللي بيكون في عنيه في دموع و وجع كبير جوه قلبه
علي قد ما بيكون جاحد مع الناس بس عنده حنيه تكفي العالم كله لو بيحب حد
اياد : هو انا قتلك اني بعشقك قبل كده
نورا بالصدمة : ايه
اياد ضحك : لا ي حبيبتي انا بقول الحاجة مرة واحده بس
نورا : انا كمان بحبك اوي و عمري ما كرهتك ابدا
اياد : هو انا ممكن اطلب طلب صغير
نورا : احم خير
اياد : لا متفهميش غلط عايز حضن بس بعد المشهد الرومانسي ده