رواية احببتك رغم الصعاب

الفصل الحادي والعشرين

الفصل الحادي و العشرون

في الوقت الحالي

زياد في مكتبه حاط ايده علي وشه و كل تفكيره هيعمل ايه في المصيبه السودة و الاتفاق اللي عمله مع اياد ده
( هتقولولي ايه الاتفاق هقولكم ي ولاد الناس متتحشروش في اللي ميخصكوش .. بهزر طبعا انتوا حبايبي بس مش هتعرفوا دلوقتي )
قطع تفكيره و سرحانه خبط علي الباب
زياد : اتفضل
نادين : ممكن ادخل

زياد اول ما شاف نادين كان نفسه يصرخ و ازاي هسيبها و امشي ازاي ده انا اسيب روحي و ما سبهاش
نادين : زياااااد انت سرحان في ايه بقالي ساعه داخله
زياد : ها لا ابدا تعالى اقعدي واقفه ليه

نادين حطط اكياس الاكل علي المكتب و راحت ل زياد
نادين : مالك يا زياد انت كويس
زياد : انا كويس ليه مالي
نادين : زياد انت مش شايف نفسك وشك اصفر اوي و عنيك حُمر
زياد : لا ابدا ده بس ارهاق من الشغل
نادين : طيب بص انا جايبه معايا شاورما و فراخ زي ما بتحب
زياد : تسلم ايدك
نادين : العفو .. و بعدها هنعمل شويه قهوة كده من عمايلي يلا بقا بسرعه بدل ما الاكل يبرد و ندوخ علي مايكرويف في الشركه الحلوة دي
زياد بياكل و بيبص علي نادين و بيقول لنفسه : يعني يا رب بعد ما خلاص كل حاجه بتتحل واحده واحده اسيبها و بعد ما قالتلي انها بتثق فيا و ان المسألة مسألت وقت و نكون مع بعض اسيبها ليه الامتحان الصعب ده ليه ليه حراام و الله مقدر علي كده

زياد دموعه بتنزل ببطئ و نادين لاحظت
نادين : زياد متقلقنيش عليك انت كويس
زياد بيمسح عنيه : اه الحمد الله كويس هي بس مشكله في الشغل
نادين سابت الاكل و قامت راحت قدام زياد و قالتله : بص يا زياد انت لو مش حابب تحكي ده حقك بس انا هقولك حاجه
لو في اي مشكله في الحياة لازم الواحد ميخدش اي قرار و هو في اي موود و لا و انت غضبان و لا زعلان لازم تكون هادي جدا و مفيش اي حاجه حاسس بيها غير ان المشكله دي لازم تتحل علشان متعملش حاجه تندم عليها او تاخد قرار غلط في لحظه انفعال
زياد مركز جدا في كلامها لا و مركز اكتر في عنيها اللي بيحاول يحفظ شكلهم و نظرتهم لانه خلاص ممكن ميشفهمش تاني
زياد : انا مش عارف حياتي من غيرك هتبقا عامله ازاي

ضحكت نادين و ده االي كان عايزه زياد كان عايزها تضحك يحفظ صورتها و هي بتضحك علشان تفضل في دماغه دايما
نادين ضحكت و بتحاول تفكه : كل ده علشان نصيحه يااه انت طيب اوي
زياد : نصيحه بس... لا ... انت بجد في كل موقف بينا بتسبتيلي انك قد ايه انسانه نضيفه من جواكي و طيبه و تستاهلي كل حاجه حلوة
نادين : مش عارفه اقولك ايه يا زياد و الله كلامك حلو بس مش عارفه ارد عليه
زياد : تردي عليه بانك توعديني وعد محتاجه اوي دلوقتي وعد تفضلي فاكراه و عمرك ما تخلفيه
نادين : وعد ايه
زياد : ان مهما يحصل مهما تشوفي مهما تسمعي اوعي تصدقي اي حاجه غير لما اجي و اوضحلك
نادين : مش فاهمه حاجه يا زياد
زياد : ارجوكي اوعديني عمرك ما تصدقي اي حاجه تتقالك او حتي تشوفيها بعينك
نادين حست انها لازم تهديه لانها حاسه انه مش كويس : خلاص يا زياد وعد صدقني وعد