رواية احببتك رغم الصعاب

الفصل التاسع

الفصل التاسع

وقفنا البارت اللي فات لما جنى سابت زياد و مشيت و راحت تتكلم ف الموبيل

جنى : الو .. انا عرفت ندين فين
فاطمة : فين
جنى : احم انطى  احنا ف المستشفى
فاطمه : ايه مستشفى  ايه
ايه اللي حصل ....و انتي عرفتي منين
جنى : بصي انطى انا مش عارفه..
انا روحت دورت عليها ف بيتها ملقتش حد فكرت اكلم اخر شخص كانت معاه يمكن نقدر نوصلها
فاطمه : و مين ده بقا
جنى : زياد الشريف
فاطمه: الشاب اللي كان انقذها قبل كده
جنى : yup و اللي بيحبها
فاطمه : ايه نعم بتقولي ايه
جنى: ايوة يا انطى مع الاسف زياد قالي انه بيحب  ندين و انه اعترفلها ب ده كمان

في غرفه العمليات 🏥🏥
بيعملوا ندين غسيل معده عادي 
بس اللي مش عادي ان ضربات قلبها مش منتظمه خالص و كمان النبض مش مظبوط
و الدكاتره مش عارفه ايه اللي بيحصل
كل حاجه من النحيه الطبية كويسه
هيكون فيه ايه غير العقل الباطن يا ترى العالم التاني اللي عايشه في ندين دلوقتي بيحصل فيه ايه ............................

فلاش باااااك

ندين بأنهيار : يعني ايه
لا بجد يعني ايه
مش هنتجوز
يعني قعدنا سنه  نحلم و يوم ما اهلي يوفقوا تقولي انا غيرت رأي
ماجد : اديكي قلتي حلم ...حلم يا ندين و مش كل الاحلام بتتحقق
ندين : طب ايه اللي حصل قولي يمكن نقدر نحل المشكله ايه اللي غيرك
ماجد : رجعت لعقلي مش اكتر
ندين : نعم !!!! مش فهمه تقصد ايه
ماجد : بصي يا ندين مش هينفع اتجوز واحده اغنى مني علشان متجيش تعيرني بفلوسها و انها هي اللي بتصرف
ندين بصدمه : الكلام ده ليا انا
انا ندين  بتقولي انا الكلام ده و دلوقتي منا قلتلك مستعدة اعيش  ف اي حته و اتنازل عن كل حاجه مش عايزه فلوس و لا ايه حاجه المهم اننا نكون سوا و انك انت بس اللي فارق معايا
ماجد : اه و بعدين تيجي بردو تعيريني انك سيبتي كل حاجه علشاني مش كده لا لا مش هينفع
ندين : هو لعب عيال و لا ايه منا قلتلك مستعدة اعيش مع اهلك و انا و انت هنشتغل و هنكون مبسوطين
ماجد ب استهزاء : الظاهر الروايات اللي بتقرأيها  و الافلام العربي اللي بتشوفيها اكلوا دماغك علي الاخر
بقا ندين النشار اللي الاوضه بتاعتها اكبر من شقتنا كلها هتسيب املكها و فلوسها و تتجوزني 
بصي هو الموضوع  بس حلوة البدايات و ف الاخر هتسيبيني ف بلاش منها احسن خلينا ننهيها من دلوقتي
ندين : يعني ايه الحكاية خلاص خلصت
ماجد : لاء و انتي الصادقه هي اصلا مبتدتش

نرجع بقا للواقع

دكتور : الحق يا دكتور ضربات قلبها وقفت خالص  😮😮😮😮

دكتور : بسرعه صدمات كهربا بسرعه

فلاش باك

ندين : يعني ايه يا بابا طب بس اعرف ليه حضرتك مش موافق علي ماجد
ابراهيم : مش مناسب
ندين : مش مناسب ل ايه انا مش فهمه
ابراهيم : تقدري تقوليلي ابوه شغال ايه
و عايشين فين 
ندين : اه هي الحكاية كدة
ابراهيم : حكاية ايه
ندين : حضرتك فاكر  ان once ان هما فقراء يبقوا مصلحوش يناسبوا عيله النشار مش كده
بابا الفقر مش عيب ابدا
و بعدين احنا متولدناش اغنيا شفنا ايام صعبة كتير لغايت ما وصلنا ل هنا ف القصر ده
ابراهيم : اديكي انت قلتي بنفسك تعبنا كتير علشان نوصل لهنا عايزاني علشان خاطر مشاعر مرهقة ملهاش لازمه اضيع كل ده
ندين : انا مش  فهمه ايه علاقه جوازي ب ماجد بالثروة و الفلوس و الحاجات دي كلها و الكيان  حضرتك عملته
ابراهيم : واحد زي ماجد بمستواه المدي ده اكيد محتاج واحده غنية و طيبه و هبلة  زيك علشان تطلعوا من اللي فيه
ندين : لا لا بابا حضرتك بجد مصدق ده مستحيل طبعا هو عمره ما فكر اني غنية و لا فقيرة
ابراهيم : الموضوع ده انتهى خلاص انتي مخطوبه ل اياد خلاص خلصت
ندين بصدمة : ايه اياد مستحيل  مش ممكن
بابا حضرتك راجل متعلم تعليم عالي محدش بيجوز حد غصب عنه احنا كنا بنشوف الحاجات دي ف التليفزيون و كنا نضحك
لكن مستحيل تعمل فيا كده صح مش هتجوزني حد مبحبوش
ابراهيم : انا بعمل اللي فيه مصلحتك خلاص الموضوع ده انتهى و مش هنتكلم فيه تاني

نرجع للمستشفى

ضربات قلب ندين رجعت تاني و النبض بقا مظبوط و ابتدت تاخد نَفَسها بانتظام
دكتور : الحمد الله
طلع الدكتور من العمليات و الكل جرى عليه
زياد : خير يا دكتور ندين كويسه صح
الدكتور : الحمد الله هي كويسه بس انا لغايت دلوقتي مش مستوعب ايه اللي حصل و لا نجينا منه ازاي
جنى : هو ايه اللي حصل
الدكتور : كان عندها تسمم و كنا بنعمل غسيل معده و كل حاجه كانت ماشيه بصورة طبيعيه و مفيش مشكله و الموضوع مش خطير
بس اللي حصل ف الاخر رعبنا كلنا
زياد : ايه اللي حصل هي كويسه
امجد : يا بني استنى و انت تعرف
الدكتور : ضربات قلبها و قفت و النبض مفيش
و قلنا خلاص فقدناها بس الحمد الله بعد محاولات كتير ب الصدمات الكهربا استجابت و رجعت تاني احنا مش عارفين ده كان سببه ايه كان مفاجئ بس الحمد الله لحقاناها
جنى : طب اقدر اشوفها
الدكتور : اه طبعا بس لما تفوق كمان ساعه هينقلوها اوضه ٢٠٠  حمدالله علي سلامتها مرة تانيه
اتسحبت جنى و راحت تتكلم ف الموبيل
جنى : انطي فاطمه خلاص ندين طلعت من العمليات
فاطمه : معقول كل ده غسيل معده
جنى : معلش انطي اصل ضربات قلب ندين مكنتش منتظمه ف الموضوع طول شويه
فاطمه : يا حبيبتي يا بنتي جنى انا جاية
جنى : يا انطي مفيش داعي خالص هي هتروح علي بكرة كده و انا هبقا اخليها تكلمك يلا باي دلوقتي

و بعد شويه

دخلت جنى عند ندين بعد ما فاقت
جنى : ندين حبيبتي حمد الله علي سلامتك
ندين : الله يسلمك يا جنى
هو زياد فين
جنى : احم زياد برة معاه بابا و مامته و واحده كده معرفهاش شكلها خطيبته 😛😛
ندين : لاء يا رخمه دي اسيا اخته
جنى : ممم ماشي عارفه حماكي اللي بره ده صعب اوي
ندين : حماية مين
جنى : ابو زيزو
ندين : عارفه لو مكنتش تعبانه كنت جيبتك من شعرك
جنى : wherever يعني صعب جدا قعد يسأل ميت سؤال عنك و عن اهلك و ليه مجوش... حاجه الصراحه اصعب من امن الدولة
ندين : الظاهر ان شخصيتي و تاريخي و لقبي اللي بحاول اهرب منهم بقالي سنتين هيفضلوا يطاردوني بقيت حياتي
هفضل طول عمري ندين النشار
ناديلي زياد يا جنى
جنى : هتعملي ايه
ندين : اللي بقا مع الاسف لازم يحصل

_______________________________

خلص البارت بتاعنا استنوا الجديد 😊😊💙💙
لو عجبكم يا ريت فوت حلو كده و كومنتات كتير تشجعوني بيها علي الاستمرار