"မင်းရဲ့လမ်းမှာပိတ်နေတဲ့သူတွေကိုရှင်းမထုတ်ချင်ဘူးလား ကျန်းစစ်လော့ "
ကျန်းစစ်လော့ ရုတ်တရက်ကြီး မတ်တပ်ထရပ်လိုက်တယ်။သူ့လက်ထဲကပြုတ်ကျသွားတဲ့ ခေါက်ဆွဲပန်းကန်ကြောင့် အသံတွေဆူညံကုန်တယ်။တခြားလူတွေသူ့ကို ပဟေဋ္ဌိဆန်တဲ့အကြည့်နဲ့ ကြည့်နေတဲ့အတွက် ဒီအသံကိုသူတစ်ယောက်တည်းကြားနေရတယ်ဆိုတာပိုပြီးသေချာသွားပြီ။
ဒီအသံကို အရင်ကလည်းကြားခဲ့ဖူးတယ်။ဒါပေမယ့် အဲ့တုန်းက လမ်းညွှန်စနစ်တစ်ခုလို သူ့ကိုလမ်းညွှန်ချက်တွေပေးနေခဲ့တာလေ။ဒီအသံကြောင့်သာ ကျောက်စိမ်းဆွဲပြားရဲ့ထူးခြားမှုတွေကိုရှာတွေ့ခဲ့ပြီး အရေးကြီးတဲ့အရာတွေကို ရယူပိုင်နိူင်ခဲ့ခြင်းဖြစ်တယ်။
ကျန်းစစ်လော့ ခေါက်ဆွဲပန်းကန်ကိုကောက်လိုက်ပြီး ရေသွားဆေးချင်ယောင်ဆောင်ဖို့ စပါးကျီထောင့်နားကိုသွားလိုက်တယ်။
မင်းကိုတားဆီးနေတဲ့သူတွေကို ရှင်းထုတ်ပစ်ချင်လား?"
အသံထပ်ကြားရပြန်ပြီ။
ဖန်ရုံရှီး ၊မူဖေး၊ချင်းယီတို့ရဲ့မျက်နှာတွေနဲ့အတူ
ကြောက်မက်ဖွယ်ရာအိမ်မက်ဆိုးနဲ့တူတဲ့ အတိတ်ကဖြစ်ရပ်တွေလဲ ကျန်းစစ်လော့ရဲ့ဉီးနှောက်ထဲမှာ အစဉ်လိုက်ပေါ်လာခဲ့တယ်။နောက်ဆုံးမှာကျန်းစစ်လော့ရဲ့အကြည့်တွေက ခေါက်ဆွဲထိုင်စားနေတဲ့ လုဟန်ဆီမှာအဆုံးသတ်သွားတယ်။ကျန်းစစ်လော့ ခေါင်းခါပြီး ရင်ထဲကနေလှိုက်တက်လာတဲ့ ဆိုးယုတ်တဲ့အတွေးတွေကိုရှင်းထုတ်လိုက်တယ်။
"ဟင့်အင်း၊ သူ ငါ့အပေါ်မှာအကြွေးတင်မနေဘူး။သူကရိုးသားပြီးအပြစ်ကင်းပါတယ်"
"အဲ့တော့ မင်းကဘာကိုလိုချင်နေတာလဲ?"
ဆန်းကြယ်လှတဲ့ ထိုအသံထဲမှာဖြားယောင်းသွေးဆောင်မှုတွေ ယိုဖိတ်နေတယ်။
"စွမ်းအား"
ထိုအသံဆီကနေတုံ့ပြန်မှုမရတော့ဘူး။ကျန်းစစ်လော့အတော်လေး စိတ်ပျက်သွားတယ်။ငါ့ကိုလာနောက်နေတာလား?
....... ...... ......... ..........
"ကျန်းစစ်လော့ ဒီကိုလာဉီး"
ESTÁS LEYENDO
How to die as heavy as mount Tai
Aventuraဝိညာဉ်သန့်စင်ရေးရာဌာနရဲ့ အလုပ်သင်သစ်လေး Lu heng ရဲ့ တာဝန်ထမ်းဆောင်ခြင်းများ
