လူသစ်တစ်ယောက်ရောက်လာတဲ့အတွက်
ဝိဉာဉ်သန့်စင်ရေးရာဌာနရဲ့ အဖွဲ့ခေါင်းဆောင်တစ်ယောက် ကျေနပ်နေပါတယ်။ ဝန်ထမ်းသစ်လေးက အချိန်တိုတိုနဲ့ အကျိုးရှိအောင်ဆောင်ရွက်နိုင်ခဲ့တယ်။
သို့ပေမယ့် အဖွဲ့ခေါင်းဆောင် လူကြီးမင်းက ဖြစ်စဉ်အသေးစိတ်ကိုကြည့်ဖို့အချိန်မရှိတာကြောင့် အကြမ်းဖျင်း ရလဒ်ကိုပဲကြည့်ပြီးဆုံးဖြတ်ချက်ချခဲ့ပါတယ်။Missionပြီးမြောက်သွားတဲ့ ကမ္ဘာရဲ့
အခြေနေက တည်ငြိမ်နေတယ်။အလုပ်အပ်တဲ့သူရဲ့ ဝိဉာဉ်ကလဲ 100%သန့်စင်သွားပြီ။သာမာန်အဆင့် မုန့်ပေါင်စွပ်ပြုတ်တစ်ခွက်ကိုလဲ ပြန်လည်ဝင်စားခြင်းဌာနကို ပို့ပြီးခဲ့ပြီ။
မနေ့တုန်းက ကျင်းပတဲ့ ပုံမှန်အစည်းအဝေးမှာတုန်းက မုန့်ပေါင် ဌာနခေါင်းဆောင် ကအတော်လေးပျော်နေခဲ့တာကြောင့် သူမရဲ့ မျက်နှာတစ်ခုလုံး ဝင်းပနေခဲ့ပါတယ်။သူမ ထင်ထားခဲ့တာက ဒီဝိဉာဉ် (ရိုင်နာ ရဲ့ ဝိဉာဉ်)ပြန်လည်ဝင်စားရေးစက်ဝန်းထဲကိို ဝင်ဖို့အတွက် အဆင့်မြင့် မုန့်ပေါင် စွပ်ပြုတ်လိုအပ်မယ်လို့တွေးထားခဲ့တာပါ။တစ်ခုသိထားရမှာက အစွဲအလန်းကြီးတဲ့ ဝိဉာဉ်တွေအတွက် သုံးရတဲ့ အဆင့်မြင့် မုန့်ပေါင် စွပ်ပြုတ်မှာ ပါဝင်တဲ့ ပစ္စည်းတွေက ရှားပါးပစ္စည်းတွေဖြစ်ပါတယ်။ အနည်းငယ်သောစွပ်ပြုတ်လေးအတွက်တောင် သူမရဲ့ နှလုံးသားတွေနာကျင်ရပါတယ်။ဒါကြောင့် ဝိဉာဉ်သန့်စင်ရေးရာဌာနအတွက် တိုးတက်မှု ရလဒ်ကို သူမ က S အဆင့် ပေးခဲ့တာပါ။
မုန့်ပေါင်ဌာနရဲ့ S အဆင့်သတ်မှတ်ချက်ကို မရတာ နှစ်တစ်ရာလောက်ရှိနေခဲ့ပါပြီ။
[TN:မုန့်ပေါင်= တရုတ်ပုံပြင်တွေထဲက ဘဝအသစ်ပြန်လည်ဝင်စားမယ့်သူတိုင်းကို အတိတ်မေ့စွပ်ပြုတ်တိုက်တဲ့ အဖွားအိုမုန့်ပေါင်]
ဒါကြောင့် ဒီနှစ်ရဲ့ ဌာနဆိုင်ရာအဆင့်သတ်မှတ်ချက်မှာ ထိပ်တန်း ၃ နေရာဝင်လောက်တယ်လို့တွေးပြီး ဝိဉာဉ်သန့်စင်ရေးရာအဖွဲ့ခေါင်းဆောင်တစ်ယောက် ပျော်ရွှင်စွာ လက်ဖက်ရည်ကြမ်းသောက်နေခဲ့ပါတယ်။ သို့ပေမယ့် No.666 ရဲ့ လက်ထောက် နောက်ဆုံးပေးပို့ထားတဲ့ Report ကို မြင်တဲ့အခါ သူ လက်ဖက်ရည်သီးသွားခဲ့ပါတော့တယ်။
KAMU SEDANG MEMBACA
How to die as heavy as mount Tai
Pertualanganဝိညာဉ်သန့်စင်ရေးရာဌာနရဲ့ အလုပ်သင်သစ်လေး Lu heng ရဲ့ တာဝန်ထမ်းဆောင်ခြင်းများ
