رواية " اغراب ولكن " .
الفصل الأول.
بقلم الكاتبه نور حمدي ♡
ف فيلا حسن .
حسن وريم ع الفطار : صباح الخير ي أحلي داد ف الدنيا .. وباسته من خده.
حسن : الله دا إي الجمال دا صباح النور ي حبيبتي ربنا ميحرمني من ضحكتك اللي زي السكر دي .
ريم: هاا إي رأيك ف الفطار أنا اللي مجزهولك بإيديا.
حسن : أعمل فيكي إي ؟ مهما حاولت أفهمك إن الحاجات دي بتاعت الخدم وليها ناس يعملوها مصممه بردو تتعبي نفسك ، بس بيني وبينك مش بعرف أكل غير من إيدك.
ريم بضحكه: أيوه كده هو دا الكلام الحلو .
حسن : مش ناقصك حاجه ي ريم .
ريم بحب : والله ي حبيبي مش ناقصني غير حاجه واحده بس ،، وهي إنك تخرج معايا ف يوم نتفسح زي ما كنت بتعمل معايا وانا صغيره .
حسن : مش أنا إديتك الفلوس وقلت لك إخرجي مع أصحابك الرحله اللي هما طالعينها دي .
ريم : يابابا ي حبيبي أنا زهقت من صحابي خلااص شبعت منهم أنا عاوزه أخرج معاك إنت وحشتني ولا هو خلاص الشغل هينسيك إن عندك بنت ومحتاجاك تخرجها وتفسحها.
حسن : شغل إي دا اللي ينسيني بنتي حبيبتي خلاص من بكره نكون مسافرين .
ريم بفرح : هييي يحيا بابا
لتقوم بإحتضانه وطبع قبلة علي خده وتصعد لغرفتها لتجهيز ملابسها .
___
ف الشركه .
حسن : إي الأوراق دي كلها ممكن أعرف الأوراق دي مش خلصانه لي ومتسلمه ف ميعادها.
رضا ( اخو حسن ) : الشغل كان كتير ومعرفتش اخلصهم ع ميعادهم.
حسن : والناس اللي أنا مشغلها تحت إيديك دي مشدتش عليهم لي ؟ انت عارف إن أنا بالإهمال دا هخسر اهم صفقه للشركه.
رضا : حصل خير ياخويا روق دمك .
حسن : أخويا دي ف البيت إنما هنا إحنا ف شغل ي رضا ،، وكده كتير أووي دا إنت زي ماتكون متعمد تخسرني الصفقات دي ، انت لو فضلت ع الحال دا أنا هسلمك حسابات أو أسلمك أي شركة تانيه ، وأنا عامل حساب بس إنك أخويا وفي بنا صلة رحم .
رضا : كتر خيرك ياخويا عن إذنك واللي يريحك إعمله مش همنعك
___
رضا بغضب ف التلفون: وحياة ربنا لندمه.
علي : إهدي بس يابابا وفكك منه طلعه من دماغك .
رضا : أهه أنا بشكي لمين منت فاشل وصايع وضايع ، إقفل وأنا هتصرف .
رضا قفل وقال بخبث: زعلان أوي إنك خسرت صفقه ، أنا لو مخسرتك حياتك كلها مبقاش أنا ياا هه .. ياخويا.
___
حسن : يوسف ( سكرتير حسن ) أنا هغيب عن الشركه يومين كده الشركه ف امانتك يا يوسف وهاخد معايا شويه أوراق كده أخلصها وأنا بقضي اليومين دول .
يوسف : متخافش ي حسن بيه الشركه ف أمانتي بس لعل تكون الأجازه خير .
حسن : أه خير إن شاء الله هخرج أنا وبنتي كده يومين .
يوسف : تروح وترجع لنا بالسلامه ان شاء الله
بقلم الكاتبه: نورهان حمدي البادي ♡
___
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
