رواية " اغراب ولكن "
بقلم الكاتبه : نور حمدي ♡
الفصل ال 13.
مراد راح الشركه وخلص فيها أوراق مهمه وبعدين راح علي الفيلا .
مراد نام علي سريره وبص للسقف واتنهد تنهيده طويله وقال : الاقيكي فين دلوقتي ، وحشتيني .
___
ريم اتأقلمت علي الميتم والأطفال وعلي حياتها الجديده ، وكان خوفها الوحيد ان عمها يلاقيها.
روحيه بفرحه : عندي ليكي خبر حلو اوي بس يارب يظبط .
ريم بفرحه: ايه ي داده قولي .
روحيه : في راجل أعمال كبير اووي في السوق جاي يشوف الميتم ويتبرعله ولو وافق تشتغلي عنده طباخه ، يبقي كويس اووي.
ريم بتردد : بس انا مش متعوده اشتغل عند حد ياداده وخصوصا اكون خدامه ، لا لا هنا احسن خلينا هنا .
روحيه : ربنا يعملك الخير واللي كاتبه هيكون .
ريم : انا هدخل انام بقي عشان تعبت اووي النهارده.
___
السكرتير : حضرتك ميعادنا في الميتم النهارده الساعه 4 .
مراد : لا الغيه مش رايح النهارده .
السكرتير : ياباشا احنا ادنالهم ميعاد وهما مستنينا، ولو مروحناش يبقي خدوا عننا فكره وحشه ، واننا مش قد كلمتنا.
مراد : خلاص روح انت ووزع المبلغ عليهم ، ولا اقلك خلاص هاجي ، جهز انت العربيه.
السكرتير: أوامر حضرتك يا فندم.
مراد كان بياكل لقي حاجه تحت ضرسه وشافها لاقاها بهارات مطبخ.
مراد بحده نده علي الطباخ .
الشيف : أوامر حضرتك يا فندم.
مراد بحده : تاخد باقي حسابك وتتفضل من غير مطرود.
الشيف : طب ممكن اعرف ...
مراد بحده : انا مبحبش اعيد كلامي اتفضل .
الشيف : أوامر حضرتكك.
وقام جهز وسحب فلوس من حسابه واشتري لعب للاطفال وراح يزور الميتم اللي باباه كان دايما بيزوره ومراد كان دايما بيروح معاه وهو صغير قبل مايسافر.
___
مراد وصل لقي الميتم نظيف جدا وكل حاجه مترتبه ، دخل بفرحه.
روحيه : أهلا وسهلا اتفضل دا الميتم نور والله اتفضل .
مراد بأدب : يزيد فضلك شكرا .
دخل ولعب مع الأطفال ووزع عليهم اللعب .
ريم من بعيد: داده روحيه مقلتش انه حلو كده، يلا طول عمري فقريه.
روحيه من وراها : جهزتي الغدا يا فالحه .
ريم اتفزعت: خوفتيني ياداده، اهه جهزتوا معرفش ايه لزوم كل دا مش أطفال الميتم أولي بيه ، وف الاخر هيتكبر ومش هياكل.
روحيه : اعملي بس انتي اللي عليكي ، وسيبي الباقي علي ربنا وعليا ..
روحيه قربت من مراد اللي كان بيتعرف علي الأطفال ويدردش معاهم: احنا حضرنالك الغدا يا باشا اتفضل .
مراد : لا ملوش لزوم والله انا ورايا شغل كتير يادوب الحقه.
روحيه : لا يبقي احنا مش قد المقام.
مراد ابتسم : لا طبعا متقوليش كده ، طب انا جاي ورا حضرتك اهو اتفضلي .
ريم جهزت السفره ودخلت المطبخ بسرعه كانت خايفه ليشوفها وهي لابسه مريلة المطبخ وهدومها متبهدله كده .
مراد دخل وأعجب بنظام الأكل وترتيبه، مراد في نفسه : يارب يبقي طعمه حلو كده زي شكله .
مراد قعد وأكل وأعجب جدا بطعم الأكل ، وأن كل حاجه حواليه مترتبه ونطيفه.
روحيه : عجب حضرتك .
مراد بإنبهار: طعمه حلو جدا ، تسلم ايد حضرتك.
روحيه ضحكت : حضرتي مش اللي عامله الأكل، دا ريم بنت طيبه كده علي نيتها لو ينفع تشغلها عندك شيف هتعجبك اووي ، هي رافضه الموضوع اصل نفسها عزيزه شويه ، بس قلت افاتحك فيه واهو مش هنخسر حاجه.
مراد في نفسه : ريم ؟!
مراد: طب ممكن اقابلها، يعني اشوف رأيها اتغير ولا لا ؟
روحيه بفرحه ياسلام من عنيا .
روحيه دخلت لها المطبخ.
ريم كانت متوتره واول ماشافت روحيه جرت عليها : ها يا داده الاكل حلو ولا وحش عجبه ولا ايه ي داده قولي .
روحيه سكتت وبعدين قالت : هو بره وعاوز يشوفك ومتقلقيش الأكل عجبه خالص ، وعاوزك تشتغلي عنده طباخه، تكوني مشرفه علي المطبخ ونظافته يعني .
ريم بصت لشكلها وعنيها دمعت وصعب عليها نفسها انها تشتغل عند حد خدامه : انا اسفه ياداده مش هقدر .
مراد خبط ودخل : انا اسف .
ريم اتوترت من شكلها ولبسها وواقفه في نص هدومها.
روحيه : اتفضل يا بيه ياخبر.
مراد عنيه علي ريم اللي بصه في الأرض من الخجل : انا لقيتك اتأخرتي قلت هي رافضه الموضوع، وحسيت ان نا عاوز أتدخل، اصل بصراحه اكل زي دا فوق الوصف وانا مش مستعد اسيب شيف ماهره زي دي ، فلو ممكن يافندم تقبلي دعوتي وتتكرمي وتطبخيلي، ومتحرمنيش من اني ادوق اكلك اللي فوق الوصف دا ،وابتسم.
ريم اتوترت اكتر ورفعت عنيها في عنيه اللي اتقابلوا لمده طويله وبعدين بصت لروحيه اللي شجعتها انها توافق .
ريم : دا شرف ليا يافندم بس انا ..
مراد قاطعها وقال بتمني : ممكن مترفضيش طلبي .
ريم بخجل : ممكن ، وابتسمت .
___
بقلم الكاتبه : نور حمدي♡
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
