رواية " اغراب ولكن " .
الفصل ال 15.
بقلم الكاتبه : نور حمدي ♡.
رضا قاعد في الفيلا لقي هناء داخلة بغضب وقالت بإنفغال : جوزي فين ؟ عملت فيه ايه ؟
سها قامت وضربتها قلم: اتكلمي مع ابوكي بأسلوب احسن من كده ودلوقتي جه الوقت اللي هنربيكي فيه من اول وجديد .
هناء بصتلها بحده : لو جوزي جراله حاجه هوريكوا الوش اللي انتو نفسكوا تشوفوه من زمان ، وهطلع عليكو القديم والجديد.
رضا بهدوء وبرود أعصاب: جوزك موجود بنربيه بس شويه ،، وبما انك جيتي لبيتك هنرجعه بيته .
هناء بعصبيه : انت عاوز مني ايه ، حرام عليك انا بنتك ، مش عاوز تشوفني مبسوطه وعايشه مع الشخص اللي بحبه .
رضا بإنفعال : افهمي بقي دا عاوز فلوسك مش عاوزك انتي .
هناء : مش كل الناس شبهك.
رضا سكت ومعرفش يتكلم وقال : انا موافق اسيبك تعيشي حياتك انتي والحيوان اللي بتحبيهولي دا ، بس بشرط واحد .
هناء سكتت تسمعه .
رضا : ملكيش حاجه عندي وتخرجي من البيت دا وتنسي ان ليكي اب وام وخليه بقي ينفعك .
هناء بسخريه: كنت عارفه ان اهم حاجه عندك الفلوس وبس ، اطمن انا وهو مش محتاجين منك اي حاجه غير انك تسيبنا في حالنا .
رضا بصلها بتحدي : اتمني مترجعيش في رأيك .
هناء بحده : جووزي فيين؟؟!!.
____
مراد : عندي بكره لقاء مع شخص مهم ، الغيلي كل الإجتماعات.
السكرتير: أوامر حضرتك يا فندم.
مراد رتب الورق والملفات وحط الاوراق المهمه في الدرج وراح علي الفيلا .
___
" الحياة واقعية جداا.. نريد بعض المعجزات "
كانت آخر جملة تكتبها ريم في مذاكرتها وقفلت المذكره وحضنتها واتنهدت: وحشتني يابابا، ،وحشتيني يا ماما.
___
هناء لقت احمد مرمي علي الأرض في اوضة ضلمه وجسمه مليان جروح وبينزل دم ومش قادر يتكلم .
هناء صوتت وجرت عليه والدموع جرت من عنيها: احماااد ، حبيبي قوم انا اسفه، كل دا بسببي، قوم يحبيبي، كل حاجه هتبقي كويسه ، قوم ياحمااد.
احمد بصعوبه وبيكح: انتي جيتي ليه ، هيأذيكي، مستحيل يكون بني ادم .
هناء بتعيط وبتسنده عشان يقوم : جيت عشان اخدك، قوم متقلقش، معدش ليه علاقه بينا خلاص ، تعالي بس نروح المستشفي اطمن عليك .
هناء سندته وراحو علي المستشفي وحكتله انها اتنازلت عن ورثها .
احمد نايم علي السرير في الستشفي: اوعدك يا حبيبتي اني هعوضك علي كل حاجه، صدقيني مش بالفلوس اهم حاجه دا وشاور علي قلبه .
هناء : بحبك اووي وحضنته .
____
في اليوم التالي .
مراد : اتفضل يا رضا بيه ، تحب نقعد في الجنينه ولا عندي في المكتب .
رضا بضحكه: مكتب اي بس ، خليها مفتوحه علينا كده .
وقعدوا في الجنينه يتكلموا في الشغل.
ريم حضرت عصير وجت تطلع عشان تقدمه سمعت صوت عمها ..
ريم ايديها ارتجفت وحاولت تمسك اعصابها وقربت ببطء من الجنينه لقت عمها قاعد هو ومراد وبيضحكوا..
الصينيه وقعت من ريم ورجعت ورا بسرعه قبل مايشوفها وحطت ايديها علي بوقها من الصدمه وعنيها برأت واتجمدت في مكانها ..
مراد : عن إذنك اشوف ايه حصل .
مراد دخل لقي ريم علي نفس الحاله والدموع بتجري من عنيها..
مراد بقلق : ريم مالك جرالك حاجه.؟
ريم مش قادره تتكلم وقالت بقلق : انت جبته عشان ياخدني ، انت ليه قلتله ان انا هنا ، ليه ؟؟ حرام عليك هيموتني، متودنيش معاه ، ارجوك متودنيش معاه ، دا دا هيعذبني .
مراد خاف لما شافها كدا وحاول يهديها وهي بتردد نفس الجمل..
___
بقلم الكاتبه : نور حمدي♡
متنسوش التصويت
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
