رواية " اغراب ولكن "
الفصل ال 14 .
بقلم الكاتبه: نور حمدي♡
علي بحده : لسه ملقتهاش.
مجهول : قلبت عليها الدنيا ، روحت كل الاقسام والمستشفيات والمحطات واي مكان ممكن تروحه وملقتش ليها أثر.
علي بعصبيه : يعني ايه يعني الأرض انشقت وبلعتها، آخر فرصه ليك لو ملقتهاش اعتبر نفسك مرفوض .
مجهول بخوف : حاضر يافندم .
علي قفل التلفون وقعد يفكر: ياتري انتي فين ياريم ، والله ماهسيبك.
____
ريم اشتغلت عند مراد وحست بالأمان اكتر ، وهي في فيلته ، وكانت بتحاول تعمل اكلات جديده عشان تبهر مراد .
مراد قاعد علي السفره مستني يفطر ويطلع علي الشركه .
ريم حطت الاطباق قدامه وهو مشغول في التلفون.
مراد : شكرا تقدري تتفضلي .
ريم انسحبت بهدوء .
ريم واقفه في المطبخ بتروقه وبتغني : يا دنيا طفيتي شمعي ، ياناس كترتوا دمعي ...
سمعت صوت مراد من وراها : انا اسف ياأستاذ عبدالباسط بس كنت جاي اشكرك علي الفطار الملوكي دا .
ريم اتخضت والكوبايه وقعت من ايديها اتكسرت .. ووطت تلمها.
مراد : لا لا سيبيها لتعورك وانا بقي اجي انفخ فيها ونقلب فيلم هندي دلوقتي ، هخلي الخدم يجوا ينطفوا دلوقتي.
ريم ابتسمت ووقفت : يعني الفطار عجبك؟
مراد : كل مره انبهر اكتر من الاول .. وكمل ، انا رايح الشغل هتلاقي عندك الافته اللي مكتوب فيها وجبة النهارده ، اتمني متخالفش توقعاتي.
ريم ابتسمت وبصت في الأرض من الخجل : إن شاء الله .
___
رضا بتكلم في التلفون : بنتي حبيبتي .
هناء بخوف : بابا؟
رضا بسخريه: اخص عليكي نسيتي صوت باباكي بالسرعة دي ، ايوه انا يقلب بابا .. جوزك فين يا هناء؟
هناء خافت : انت عملت في ايه ؟
رضا : زكية زي ابوكي.. جوزك اللي اتجوزتيه غصب عني دا بيعذبوه تحت وانتي وشاطرتك بقي لتلحقيه لمتلحقهوش.
ريم بدموع: انت كداب احمد في الشغل .. حرام عليك .
رضا بسخريه : تحبي تسمعي صوته .؟
هناء بخوف سمعت احمد بتوجع و بيقول: متجيش يا هناء متخافيش مش مهم انا ، متجيش يا هناء ..
رضا خط منه الفون : 24 ساعه ان مكنتيش هنا اترحمي علي جوزك وقفل السكه.
هناء بعياط : أحمد لااا حرام عليك ربنا ينتقم منك ورمت التلفون وطلعت عشان تلحق احمد من غير ماتفكر في اي حاجه غير انها لازم تلحقه.
___
في المساء ..
مراد اتعشا وطلب من ريم تطلعله العصير فوق .
ريم حضرت العصير وخبطت سمعت مراد بيقلها ادخلي ..
ريم دخلت لقت مراد في الحمام .
مراد : حطي العصير عندك ياريم .
ريم : تمم وراحت عشان تحط العصير لقت سلسله شدتها اووي ..
ريم مسكتها وبدأت تتأمل فيها وحست انها شافت السلسله دي قبل كده .
مراد طلع من الحمام لافف فوطه علي جسمه وفوطه ماسكها بينشف شعره .
مراد لقي ريم واقفه بتتأمل في السلسله.
مراد : عجباكي؟
ريم اتخضت: انا اسفه مش قصدي انا اسفه جدا وانتبهت انه مش لابس حاجه من فوق غمضت عنيها بسرعه وقالت : انا اسفه تاني والله انا خارجه اهو ولفت وشها وطلعت تجري برا الاوضه .
___
بقلم الكاتبه: نور حمدي ♡.
أنت تقرأ
"اغراب ولكن " بقلم الكاتبه نور حمدي ♡
Romansaفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
