رواية " اغراب ولكن " .
الفصل ال 20 .
بقلم : الكاتبه نور حمدي.
رضا روح علي الفيلا اللي كانت فاضيه ومفهاش حد ، الكل سابه ومشي ، رضا قعد وبص للسقف وبيفكر في اللي جاي وانه ازاي هيعيش من غير مراته وأولاده، وبيفكر ازاي يخلص من مراد اللي زي الشوك واقف في طريقه .
قطع تفكيره ناس اقتحمت الفيلا.
رضا بعصبيه : ايه دا انتو ازاي تدخلو الفيلا كده بكل همجيه .
الظابط : انت رضا عز الدين ؟
رضا بقلق : ايوه !
الظابط : انت مقبوض عليك بتهمة القتل العمد وقضايا نصب واحتيال تانيه ، فياريت من غير شوشره تتفضل معانا عشان نتناقش مع بعض في القضايا دي.
رضا بتوتر : انا معملتش حاجه انا رجل أعمال مشهور ، مينفعش اللي بتعملوه دا ، والبوليس خده علي القسم .
___
في فيلا مراد .
مراد : انا مش عاوزك تخافي منه كلها كام جلسه وهيتحكم عليه وساعتها باباكي ومامتك يرتاحو في نومتهم لما حقهم يرجعلهم.
ريم حضنته: انا خايفه اووي .
مراد بحب : متخافيش كله هيبقي تمام .
___
رضا في القسم اتصل علي محامين كتير عشان يجوا يخرجوه من القضيه .
رضا : ماشي ياريم رافعه عني قضيه ، وريني الحكومه هتعملك ايه ؟ اخرج منها بس ومش هرحمك.
___
في منزل احمد وهناء .
هناء : بلاش انت يا احمد.
احمد : انا عاوز افهم انتي ليه مش عاوزاني اترافع لريم ، وكمل بضحكه انتي فاكراني محامي فاشل ولا ايه ؟
هناء : بالعكس دا انا عشان كده بقلك بلاش ، دا مهما كان الشخص دا ابويا ، ومش اتمني انك تقف قصاده في محكمه ، ياريت تفهمني مقدرش اشوف جوزي بيوصل ابويا لحبل المشنقة ، خلينا احنا بره ، ومراد هيجيب اي محامي تاني .
احمد بحب : يعني انتي شايفه كده .
هناء : ممكن !؟
احمد : خلاص بدل دا طلبك انا مستحيل ارفضه.
____
في المحكمه ..
محامي رضا كان بيدافع ومحامي ريم كان بيرد عليه وكان محامي شاطر.
محامي رضا : حضرتك كل دا تزوير لموكلي وانا لن اسمح بأي تهم موجهه له مع عدم وجود دليل او حتي شهود .
محامي ريم : سيادة القاضي انا معايا الدليل اللي بيثبت كلامي وهو ان رضا عز الدين هو اللي مدبر حادثة موت اخوه ومرات اخوه وغيرها من الاعترافات التي أقرها بنفسه واثبتها ضده...
رضا خاف وكان واقف متوتر ، وريم بصت لمراد اللي طمنها انه كله تحت السيطره.
محامي ريم خرج تسجيل لرضا وهو بيعترف انه قتل حسن ورحمه وغصب ريم انها تتنازل عن حقها ، هتقولوا حصل امتي دا ؟؟ هقلكوا لما مراد راح لرضا عشان يمضيه علي عقد تنازل كان عارف انه من سابع المستحيلات رضا يوافق عشان كده عمل حسابه واخد معاه تسجيل واستدرجه في الكلام لحد مااعترف علي نفسه بنفس ذات نفسه .
..يابن اللعيبه.
____
رضا لما سمع التسجيل رجليه مش شلته ووشه ضرب الوان.
ونفذ الحكم اللي نص علي إعدام رضا .
هناء راحت لرضا وعنيها كانت مليانه دموع : انت اللي حكمت علي نفسك يابابا ، مش حد تاني ، كان نفسي نكون في مكان احسن من كده .
رضا مش عارف ينطق والصدمه كانت تقيله عليه لدرجة انه مقدرش يتكلم والعساكر خدوه السجن ...
_____
خارج المحكمه .
مراد حضن ريم ..
مراد : اتمني اني اكون قدرت اساعدك .
ريم : انت اجمل هديه حصلتلي.
ريم شافت هناء اللي كانت بتعيط واحمد بيصبرها وراحتلها..
ريم بحزن : انا اسفه ياهناء .
هناء بابتسامه وحضنتها : لا ياريم متقوليش كده ، انا اللي لازم اتأسف ، مبروك عليكي القضيه .
ريم طلعت شيك وادته لهناء .
هناء بإستغراب: ايه دا ياريم ؟
ريم : دا حقك يا هناء اللي انتي اتنازلتي عنه مقابل باباكي يسيبك انتي واحمد تتجوزوا . دا ميراثك ، شيك ب نص مليون دولار .. اتمني اكون وفيتك حقك .( ارقام مبنسمعهاش غير في الروايات بس والله )
هناء حضنت ريم : ربنا يخليكي ليا ياريم كفايا وجودك جمبي اللي هيعوضني عن اي حاجه تانيه .
____
بعد مرور مده قصيره .
مراد وريم عملوا فرح كبير جدا وكانت ليلة جميله مليانه حب .
احمد لاحظ هناء زعلانه وعرف انها بتتمني تلبس الفستان الأبيض زي ريم .. قرب من ودنها وقال : هتبقي جميلة فيه .
هناء انتبهت : ايه ؟
احمد: اقصد ان الفستان الأبيض هيبقي عليكي حلو اووي، تحبي نعمل فرحنا فين ؟
هناء بصدمه : فرحنا احنا ؟
احمد : اهه انت فاكره اني همشيها سوكيتي كده، انا هعملنا فرح هيبقي احلي من مراد وريم كمان .
هناء بفرحه : بجد يا احمد ؟
احمد خدها في حضنه : بجد يا عيون احمد .
____
بعد مرور شهرين علي الفرح والحياة البمبي .
مراد وريم ركبوا في العربيه ومراد حط قماشه سوده علي عيون ريم ..
مراد وريم نزلوا من العربيه وشال القماشه وطلب من ريم تفتح عنيها.
ريم فتحت لقت ارض كبييره اووي قدامها.
ريم بإستغراب : ايه دا ؟
مراد قرب منها ومسك ايديها : دي الارض اللي هيتبني عليها أكبر مطعم فيكي يا مصر، مطعمك انتي ياريم ، انا كان ممكن ابنيه واقدمهولك علي طبق من ذهب، بس حبيت انتي اللي تشاركي في تصميمه، حبيت يكون كل ركن فيه علي زوقك انتي ، حبيتك تشوفي حلمك وهو بيكبر قدام عنيكي يوم بعد يوم .. وتقدري تعتبري دي هدية فرحنا .
ريم بدموع حضنته: انت اجمل هديه ، اتمني تكون جمبي دايما.
النهاايه♡
_____
بقلم الكاتبه : نور حمدي ♡
متنسوش التصويت
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
