روايه " اغراب ولكن " .
بقلم الكاتبه نور حمدي ♡
الفصل ال 2 .
ف منزل رضا .
رضا بغضب : شفتي يا سها هيسافر هو وبنته يتفسحوا وسايب الشركه تضرب تقلب وسايبني انا ألم وراه وف الاخر يقولي خسرتني.
سها بغيظ: انت مش لازم تسكتله ي رضا انت لازم توقفه عند حده هو شايف نفسه اي ؟ .
رضا : انا وجوده هو وبنته خانقني حاسس انهم قاعدين ع نفسي انا بفكر اخلص منهم نهائي وكمل بخبث : عارفه ي سها لو هو وبنته ماتو كل الحاجات والشركات والعمارات دي هتبقي بتاعتنا ، بتاعتنا احنا وبس .
سها بفرح: ومستني اي خلينا نخلص منهم ونقب بقي ع وش الدنيا دي .
___
ف اليوم التالي .
هناء: وحشتني اووي يا احمد.
احمد ( بن الجنايني باباه بيشتغل عند حسن والد ريم وهناء بتروح تزور ريم ع طول عشان تشوفه بيحبوا بعض بقالهم 7 سنين ومحدش كان عارف غير ريم ورحمه مامت ريم الله يرحمها وف كلية حقوق آخر سنه ليه).
احمد : وحشتيني دي كلمه بسيطه ع اللي جوايا انا بقالي 5 أيام مشوفتكيش .
هناء : مش بإيدي والله ي احمد انت عارف بابا مش بيخليني اجي عند عمي كتير انا بقعد اصر عليه بالايام عشان يوافق.
احمد : طب وآخر دا كله اي ي هناء ، انا عاوز اتجوزك زهقت من اننا نتقابل كده ف السر خلاص مش قادر .
هناء : والله انا بحلم باليوم دا من سنين بس انت عارف بابا عاوز معجزه عشان يوافق .
احمد : انا لما اخلص حقوق السنادي هقدم ف مكتب محاماه وهيبقي معايا وظيفه محترمه وهاجي ع طول اتقدملك.. وهعمل المستحيل عشان باباكي يوافق .
هناء: بحبك اووي يا احمد .
ربنا يخليك ليا .
___
ريم بحماس : اي رأيك ي هناء البس الفستان دا ولا دا ؟
هناء بفرح : انتي مالك مستعجله كده لي لسه عمو مجاش براحه كده ، وبعدين مش تضايقيني عشان انا كنت عاوزه اجي معاكوا بس بابا مرضاش.
ريم : انا ممكن اخلي بابا يرن عليه يقوله.
هناء : لا مش مهم وسكتت شويه وبعدين قالت: ريم احمد قالي انه هيستلم وظيفه وبعدين يجي يتقدملي.
ريم بفرحه : الااه هنلبس فساتين. وضحكت.
هناء بإحباط: بس بقي ي ريم ، انا خايفه لبابا ميوافقش انتي عارفه بابا عاوز يجوزني لواحد غني .
ريم : انتي خايفه كده لي وشايله الهم ، ع فكره بقي انا عندي الحل .
هناء بحماس : قولي .
ريم : بابا بيحب احمد اووي وشايفه انسان طموح ولو قاله يقف جمبه في يوم زي دا مش هيمانع ابدا وطبعا باباكي مش هيكسف اخوه.
هناء بحده : لا لا احمد عمره مايقبل علي نفسه كده ومهتم انه يبني نفسه ويعتمد ع ذاته وانا هقف معاه ضد اي حاجه صعبه وهسانده وعمري ماهتخله عنه، حتي لو هقف ف وش بابا .
ريم : ماشي يست روز خليكي كده تحبيلي ف جاك الغلبان دا لحد ما السفينه تتقلب بيكوا ف الاخر .
___
بقلم الكاتبه نور حمدي♡
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
