رواية " اغراب ولكن " .
بقلم الكاتبه : نور حمدي ♡
الفصل ال 10.
هناء قابلت احمد .
احمد : انت زعلانه ليه، ايه اللي مضايقك؟
هناء : مفيش يا احمد انا بس قلقانه من اللي جاي .
احمد ابتسم ومسك ايديها : اللي جاي كله خير ،، انا قابلتك النهارده عشان اقلك اني حددت ميعاد مع باباكي، وهاجي اتكلم معاه.
هناء بفرحه : انت بتتكلم جد يا احمد ، يعني خلاص هتتقدملي.
احمد : وانتي كان عندك شك في كده ولا ايه ؟ اهه هتقدملك وباباكي لو موافقكش هاخدك واخطفك واجوزك غصب عنه ، انتي مكتوبالي وانا مش هجوز غيرك .
هناء فرحت ودمعت وحضنته : بحبك اووي يا احمد.
___
ريم قررت انها تهرب وتروح تشتكي عمها للقانون، وقعدت طول اليوم تخطط هتهرب منه ازاي ..
____
ف المساء .
احمد ومصطفي لابسين بدل واحمد ماسك بوكيه ورد ورايح يتقدم لهناء .
رضا قعدهم: اهلا يا احمد، اهلا يامصطفي، خير ؟
مصطفي بص لاحمد بقلق وبعدين اتكلم : احنا جايين نخطب بنتكو هناء لابني احمد، ونجوزهم علي سنه الله ورسوله.
رضا بص لاحمد : وانت ايه رأيك ف الكلام دا يا احمد.
احمد بقلق : مش فاهم .
رضا قعد بتكبر وحط رجل علي رجل : قصدي انك شايف نفسك مؤهل للجوازه دي ، لا بيت و لا شغل ولا فلوس ، هتتجوز ازاي ؟
احمد بثقه : انا الحمد لله معايا شغل بشتغل بشهادتي في مكتب محاماه، وعندي شقه صغيره بره عن هنا بقعد فيها أيام الكليه ، وبسيبها عشان اقعد مع ابويا ، وافتكر ان مفيش شخص عاقل هيروح يتقدم لحد وجيبه مش مليان .
رضا : كل الكلام دا جميل ، بس مش ينفع لهناء ، انت تاخد واحده عاديه من مستواك يعني ، إنما هناء مش نافعالك.
احمد بتحدي: علي الرغم اني مبحبش اتكلم في المسائل المادية الا اني حبيت هناء من وقت مكانت بنت بصفاير افتكر وقتها ان مستواكو المادي كان ااقل من مستوانا كمان ، البركه في اخوك ، اللي انت قاعد في خيره وناكر جميله ومفكر ان كل دا من شطارتك .
مصطفي : اهدي يابني مش كده .
رضا بعصبيه : هناء محجوزه لواحد غني وشاريها، بنتي مش ليك اتفضل مع السلامه .
احمد : انا همشي بس هناء هتكون ليا برضاك او غصب عنك ، إلا بقي لو مكنتش راضيه ، انا مش هسمحلك تساوم ف الإنسانه اللي بحبها واخليك تديها للي يدفع اكتر .
رضا بثقه : اتفضل مع السلامه ، ياريت متنورناش تاني .
احمد مشي هو ومصطفي ..
مصطفي : عجبك قلة القيمه دي يبني ، كان لزومه ايه دا كله .
احمد : كل اللي هو فيه دا نقص ، شبعه بعد جوعه ،، احنا روحنا ورجعنا بكرمتنا يابا ، اهم حاجه بس متقولش لأمي اللي حصل احسن تشمت فيا و تفتحلي موضوع بنت خالتي دا وانا مش ناقص .
___
هناء بعصبيه: انت رفضته لي يابابا انا بحبه.
رضا : كلمه كمان وهقطع لسانك .
سها : حب اي يبنت الهبله ، هو الحب دا بيأكل عيش ، خدي اللي جيبه مليان تعيشي مرتاحه .
هناء بعياط : انا مش هتجوز غير احمد ولو مش وافقته يبقي بلاها جواز خالص ، انتو فاهمين ، وطلعت تجري علي اوضتها بتعيط .
____
سها: هتعمل ايه مع البت اللي فوق دي ؟
رضا: سيبيها، مصيرها تعقل.
سها: ياخويا بتكلم علي اللي متتسمي دي .
رضا: اهه ريم ، بكره هطلعلها بعد اما ارجع مش الشغل ، مش طايق اشوف وشها النهارده .
___
بقلم الكاتبه: نور حمدي ♡
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
