رواية " اغراب ولكن " .
بقلم الكاتبه : نور حمدي ♡
الفصل ال9 .
ريم ورضا وسها وهناء وعلي متجمعين علي السفره بياكلوا.
علي : بابا انا عاوز افاتحك ف موضوع كده .
رضا : اتفضل لما نشوف مواضيعك.
علي : انا بحب وعاوز اتجوز .
ريم بصتله من تحت لفوق بقرف كده وقالت ل نفسها : دي تبقي حظها اسود اللي تاخدك دي .
رضا بسخريه: انت عارف تفتح بيت ولا تشيل مسؤلية يافاشل.
سها بعصبيه: جرا ايه ي رضا دا بدل ماتفتح بنفس الواد مش كفايه انه عاوز يشوف مصلحته ويكون اسره .. مين سعيدة الحظ دي يا علي اللي حاطط عينك عليها .
رضا بسخريه : هو كمان بيحب ، مين دي وانا اجوزهالك يكش تفلح وتشوف مصلحتك وتسيبك من الصحاب العرر اللي عارفهم دول .
علي بص علي ريم بحب وريم تجاهلته وقال : بابا انا عاوز اتجوز ريم .
ريم اللقمه وقفت في زورها وكانت وزورت وهناء خبطت علي ضهرها وشربتها مايه .
ريم بانفعال: انت قصدك انا؟؟
رضا : يا زين مخترت، خلاص هجوزهالك.
ريم بعصبيه: اي دا ي عمي انا مش موافقه طبعا .
رضا : ومن امتي والحريم ليهم رأي .
ريم بعصبيه: من زمان اووي بس انتو اللي عقليتكوا رجعيه وعمرها ماهتفهم ان الدنيا اتغيرت .
سها بانفعال : وماله ابني ياختي راجل ملو هدومه وست البنات تتمناه ، رافعه مناخيرك علينا ليه ؟
هناء بعصبيه : دا قرارها ولازم نحترمه هي مش موافقه علي الجوازه دي انتو كلكوا عليها ولا ايه ؟
ريم : عمي انا مش موافقه وياريت من بكره تمشوا من الفيلا ، انا كنت فاكره ان وجودكوا هيريحني، بس انا كده بتعب اكتر ، عن اذنكوا.
رضا اتعصب : استني عندك .. بأي حق تمشينا من فيلتنا، أو بمعنى اصح هتبقي فيلتنا.
ريم بإستهزاء : قصدك ايه؟؟
رضا : قصدي انك هتمضي تنازل عن حقك ، وكل الأملاك دي هتبقي بإسمي .
ريم ربعت ايديها وقالت بثقه : وانت مالك بتتكلم بالثقه دي ليه ؛ ماسك عليا ذله ، العيب مش علي حد فيكوا، العيب عليا انا اللي خليتكوا تدخلوا بيتي من الأول.
رضا بعصبيه: امين ( فرد حراسه )
امين بسرعه : نعم يا باشا.
رضا : خدها طلعها علي اوضتها واحبسها فيها وخد منها اي وسيلة تساعدها علي انها تتصل بحد ، وبصلها بحده، وانا بقي هعرفك هجبرك ازاي ؟
ريم بعصبيه : انت ليه بتعمل معايا كده ، انت مستحيل تكون عاقل ، انت مريض، كلكوا مرضي ، حرام عليكوا ، انا مأذتكوش ، انتو فاكرنها سايبه، فيه حكومه تجيبلي حقي .
امين شدها وطلعها اوضتها وحبسها وخد منها اي وسيلة تساعدها انها تتصل بحد .
هناء بحزن : بابا انت ...
رضا قاطعها : كلمه كمان وهتحصليها، ودلوقتي اطلعي علي اوضتك .
هناء طلعت اوضتها بعصبيه.
علي : بابا انت هتخليها توافق ازاي ؟
رضا: الطرق كتير ، هتروح لمين ؟ مفيش حد يساعدها ، ولا حد يحميها مننا .
سها : متموتها ونخلص منها بدل شغل المنحيه دا .
علي بعصبيه: ماما .
سها : اهو سكت اهو وحطت ايديها علي بوقها .
__
ريم قاعده علي سريرها بتعيط وهتتجنن، مش فاهمه ايه اللي حصل، ف الاول جبرها علي الجواز، وبعدين هيخليها تتنازل عن حقها .
ريم بعياط : مستحيل يكونو بشر ، انا مش هسكت ، انا لازم اخرج من هنا ، لازم اخرج .
___
بقلم الكاتبه : نور حمدي ♡
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
