رواية " اغراب ولكن" .
بقلم الكاتبه نور حمدي ♡
الفصل ال 7.
رضا راح الشركه ودخل وكان حاسس بإنتصار رهيب ع اخوه .
رضا قعد ف مكتب اخوه ومدد ع الكرسي بتاعه براحه وغمض عينه : ياااه الدنيا دي غريبه اووي بتتغير ف غمضه عين ، مين يصدق ان حسن مبقاش موجود خلاص ،وكمل بسخريه والله وليك وحشه ياخويا .
رضا مسك تلفون الشركه وطلب يوسف .
يوسف باستعجال: ايوه ي فندم.
رضا بحده : اطلب من كل العمال يروحوا علي قاعه الاجتماعات .
يوسف : أوامر حضرتك ي فندم.
رضا باستحقار : اهه وابقي فكرني ارفدك من الشغل .
يوسف باستغراب: هو انا عملت حاجه وحشه او الشركه خسرت بسببي .
رضا عرف ان يوسف بيلمحله ع حاجه وقال بخنقه: دي شركتي وانا اتصرف فيها زي منا عاوز امشي اللي أمشيه ، واشغل اللي أشغله.
يوسف بثقه: ملوش لزوم ترفدني انا هقدم استقالتي .ومشي .
رضا اتخنق منه ورن علي ابنه : ايوه انت فين يابيه، سايب ابوك يخطط ويتعب وانت ولا ف بالك عيشه.
علي كان نايم : ايه يابابا ايه لزومه الكلام دا دلوقتي .
رضا: تعالي ع الشركه حالا .
علي : شركة عمي ؟
رضا بضيق: اللي بقت شركتي ، اخلص وإلا هرجع ف كلامي .
__
رضا ف قاعة الإجتماعات.
دلوقتي بما انكو عارفين ان اخويا مات وكتب كل حاجه بإسم بنته اللي هو انا واصي عليها لحد ما تبقي قادره تتصرف وتكون صاحبة مال ، فأحب اعلنلكوا اني مدير وصاحب الشركه وكل شركات حسن عز الدين واملاكوا، ليا حق التصرف فيها ، والسكرتير العام للشركه هيبقي علي رضا عز الدين .
علي اتصدم وقال ف نفسه : ليه كده يعم منا كنت عايش جمب الحيط ، شركات اي دي اللي امسكها بس .
رضا خلص الاجتماع وقاعد حاسس بنصر .
علي : الله عليك يا حسن لا جامد .
رضا بحده : احترم نفسك يالا .
علي : ايوه يعم اتكبر علينا اتكبر ، بس عارف لو عاوز تمشي صح والشركه دي تعلي لفوق وتبقي ضاربه ف السوق تعمل اي ؟
رضا بإنتباه: اعمل اي؟
علي: ترفضني من قبل ما اشتغل.
رضا : وانا اللي بقول عقلت ي شمام يابتاع النسوان ورمي فيه طفايه. الحق عليا اني عاوز انطفك وخايف ع مصلحتك
علي : خلاص يعم خلاص وطلع بره الشركه .
___
ريم حضنت هناء جاامد : انتي مش متخيله انا فرحانه قد اي انك هتكوني معايا .
هناء : ع الرغم اني قلقانه بس بردو فرحانه اوووي .
سها خدتها بالحضن : عامله اي ي ريم مالك خاسه كده لي ؟
ريم بضيق: دا من زوقك ي طنط .
سها : لا طنط ايه قوليلي ي ماما احنا خلاص هنعيش تحت سقف واحد ، اعتبريني زي مامتك.
ريم : صعبه دي بس هحاول.
هناء: تعالي ي ريم نطلع فوق عن إذنك ي ماما .
سها : يلا يبنت رحمه اما وريتك النجوم ف عز الظهر مبقاش انا سها .
__
علي راح ع الفيلا ..
ياااه ع العز دا احنا مكناش عايشين ي جدع ، كل دا واخده عمي ف كرشه ، ولا وشكلها هتحلو ي علوه.
ريم كانت نازله ع السلالم وشافت علي وبصتله بضيق .
علي : احلي بنت عم ف الدنيا دي ولا اي ؟ ازيك ي جميل .
ريم بخنقه : اهلا وسابته وطلعت فوق .
علي: ماشي مصيرك هترجعيلي.
___
بقلم الكاتبه : نور حمدي ♡
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
