رواية " اغراب ولكن ".
الفصل ال 19.
بقلم : الكاتبه : نور حمدي♡.
بعد مرور أيام قليلة .
علي سهران مع صحابه وبيشرب وبيفكر ازاي ينتقم من ريم ، ومش شايف قدامه غير انه كرهها ولازم ياخد حقه .
( حسام .. صديق علي بس كان فيه خلاف بينهم آخر فتره علي واحده )
حسام بسخرية : ايه يعم الحنين ، لسه بردو مش معبراك ، وقعد يضحك هو وصاحبه والبنتين اللي كانو معاهم .
علي بغيظ : ابعد عني الساعادي علشان مش فايقلك.
حسام بتريقه : يمي يمي خفت انا كده ، وقعد يضحك بصوت عالي .
علي محسش بنفسه غير انه كسر الكوبايه اللي في ايده علي رأس حسام لحد ما حسام وقع علي الأرض وعلي مسك رقبته وقعد يخنق فيه وطلع الغيظ اللي في قلبه تجاه ريم علي حسام وحاولو ينقذو حسام من ايديه بس مقدروش، لحد ما مات.
علي اتصدم لما شاف حسام مات قدامه ورجليه مش شلته، والبنات قعدت تصوت والكل بيقول مات مات .
علي بتوهان : مش ممكن مستحيل ، لا وقعد يعيط وطلع يجري وركب عربيته وروح علي الفيلا .
____
علي بتوهان وخوف دخل لابوه اللي كان نايم ..
علي بخوف : الحقني يابابا ، الحقني يابابا .
رضا بخوف : ايه اللي حصل .؟
علي جسمه متلج ومش قادر يتكلم وسها صحت لقيته علي الحالة دي اتخضت.
سها : مالك يبني ، شوف الواد ماله يا رضا.
رضا بقلق : عملت مصيبه ايه يا علي ؟
علي بيتكلم بالعافيه : قتلت واحد .
سها صوتت ولطمت : يالهواااي، ياحظي الاسود ياني اهه ياني وقعدت تعيط .
رضا مصدوم : قتلت مين يعلي؟ قتلت مراد . !
علي بإستغراب : لا مش مراد ، قتلت واحد صحابي .
رضا بعصبيه : بدل منت فالح اهو وقلبك جامد وبتقتل، مش عارف تقتل مراد دا ، كنت تعمل حاجه واحده نافعه في حياتك.
علي بصدمه : انا مش قاصد أقتله، انا قتلته وانا مش في وعيي، انا مش قاتل ، انا مش زيك، ومش عاوز اكون زيك ، انا مش فاشل بس انت كنت عاوزني ابقي نسخه منك وبس ، كنت علي طول بطلع الاول ومتفوق، عمرك ماشفت اي إنجاز بعمله بعين الرضا ، دايما شايفني فاشل .. انت اللي خلتني كده ، انت لازم تخرجني من اللي انا فيه، انا مستحيل اتسجن، انت فاهم .
رضا بزعل : الظاهر اني كنت غلطان من الأول في تربيتك ، اطلع حضر شنطتك، وانا هجهزلك الاوراق المزوره اللي تخرجك بره مصر ، ياريت كده اكون قدرت انفعك واخرجك من اللي انت فيه.
علي : الحكومه هتكون هنا ااقل من ساعه ، انت لازم تخلص الاوراق دي بدري .
رضا : اطلع انت حضر شنطتك ، وسيب الباقي عليا .
___
علي جهز هدومه ورضا جهز الاوراق اللي خدت منه 5 ساعات والمده دي كان مخبي علي في مخزن من مخازنه السريه علشان الحكومه متقدرش توصله ..
وعلي خرج بره مصر وقرر يبني ذاته ويعيش الحلم اللي كان بتمني يحققه، وميرجعش مصر ابدا .. وسافر أمريكا.
____
بعد مرور اسبوع ..
رضا قاعد في مكتبه بيفكر لقي انه خسر كتير اووي ، خسر ابنه اللي شايفه اب فاشل، وخسر بنته اللي شايفاه قاتل، وخسر مراته اللي طلبت منه الطلاق لأنه اناني ومش بيفكر غير في نفسه ، وقبل كل دا خسر اخوه اللي قتله بإيديه، بس شيطانه عميه ومصمم يمشي في الطريق الغلط .
___
رضا في نص تفكيره لقي الباب بيخبط .
السكرتير دخل : رضا بيه استاذ مراد بره طالب يقابل حضرتك .
رضا بتوتر : خليه يدخل .
رضا حاول يمسك نفسه قدام مراد ويستجمع قوته .
مراد دخل وقعد حط رجل علي رجل ..
رضا بإستغراب : خيير؟!
مراد بثقه : كل خير ان شاء الله .. انا جاي عشان ارجع المايه لمجاريها ، ومن غير كلام كتير والغاز .. طلع ورقه وقلم من جيبه وحطها قدامه..
مراد : دا عقد بإنك ترجع وتتنازل عن كل املاكك، اللي هي مش بتاعتك اصلا لريم .
رضا بسخريه : انت اتهبلت ولا ايه ؟ وانا ايه اللي يخليني اعمل كده ؟
مراد : ضميرك.
رضا ضحك بصوت عالي : ضميري، وهو كان فين ضميري دا لما قتلت اخويا بقلب بارد علشان اخد ورثه ولا لما قتلت مراته عشان سابتني واتجوزته، ولا هو فين وانا ببص في عين بنته بكل بجاحه وانا اللي ميتمها، ولا كان فين وانا بمضيها تنازل غصب عنها عن حقها ، انا معنديش ضمير واللي انت طالبه دا من سابع المستحيلات ، والظاهر أن عقلك جراله حاجه عشان تيجي تطلب مني حاجه زي دي .
مراد بهدوء : والله انا قلت نتكلم الأول بالمعروف ، انت بردوا عم مراتي ، بس الظاهر ان الزوق مش جاي معاك ..
وخد الورقه وحطها في جيبه ومشي بثقه ...
___ بقلم الكاتبه : نور حمدي ♡
متنسوش التصويت
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
