رواية " اغراب ولكن "
بقلم الكاتبه نور حمدي♡
الفصل ال 5.
ريم رجعت الفيلا اللي كانت زي البرد من كتر ما هي فاضيه ، وحشها ضحكة باباها وحضن مامتها، بصت ع السفره وافتكرت أحداث كتير هي وباباها وفضلت تعيط طلعت لأوضة باباها ومامتها ونامت ع سريرهم تشم ريحتهم وتعيط من قلبها ، اتحرمت من اعز اتنين ف حياتها ، من سندها وملجأها الوحيد ، مسكت صورتها هي وباباها ومامتها وحضنتها وقعدت تعيط لحد ماتعبت ونامت.
___
اليوم التالي.
داده فاطمه : قربت ع ريم ببطء ست ريم ، ست ريم .
ريم بتعب وعنيها ورامه من العياط وصوتها مجروح : نعم ي داده.
داده فاطمه : رضا بيه تحت كان عاوزك.
ريم : وبتصحيني لي يداده ، تلاقيه جاي لبابا صحي..
مكملتش الجمله وافتكرت ان باباها خلاص مبقاش موجود ، واتصدمت كأنها لسه عارفه الموضوع.
داده فاطمه: ياحول الله يارب والنبي يست ريم متعمليش ف نفسك كده، انزلي لعمك تلاقيه عاوزك ف حاجه مهمه .
ريم بدموع : عمي ؟! اكيد جاي عشان الورث، جاي يخلص حقه ، اخوه مات بقي ولا بنت اخوه اتيتمت مش فارقه .
داده: يعني اقوله اي يست ريم .؟
ريم بابتسامه ع عكس اللي جواها : خلاص ي داده هنزل اشوفه.
___
ريم جهزت ونزلت .
ريم بحده: ازيك ي عمي.
رضا : البقاء الله يبنتي وحضنها .
ريم مكنتش حاسه بالأمان ف حضنه ، كانت عارفه ان ورا الموضوع دا حاجه .
ريم : حياتك الباقيه.
رضا : انا قلت مينفعش اسيبك ف ظروف زي دي لوحدك ، قلت لازم اجي واطمن عليكي واشوفك ، مش بنت اخويا ولا اي ، يعني ف مقام بنتي بردوا .
ريم : شكرا ي عمي عارفه ان كلك واجب .
رضا : عشان كده احنا قررنا مش نسيبك تعيشي لوحدك.
ريم بإستغراب: مش فاهمه ، يعني عاوزني اجي اعيش معاكوا.
رضا بضحكه : معانا احنا، يبنتي دا احنا شقتنا اوضتين وصاله .
ريم باستفاهم : اومال ؟!.
رضا : احنا هنيجي نعيش معاكي هنا ماشاء الله الفيلا واسعه وتسيع من الحبايب الف .
ريم بدهشه : انتو مين ؟
رضا : انا ومراتي وولاد عمك .
بقلم الكاتبه: نور حمدي ♡
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
