"اغراب ولكن " بقلم الكاتبه نور حمدي ♡

الفصل ال 18

رواية " اغراب ولكن " .
الفصل ال 18 .
بقلم الكاتبه : نور حمدي ♡.
ريم بدموع : كويس انك موجود،  كنت قربت افقد الأمل، خليك جمبي علي طول .
مراد : وعد اني مش هسيبك وحضنها بحب .
وبعدين قعد علي ركبته وطلع الخاتم من جيبه : ودلوقتي اللحظه اللي بستناها بقالي سنين ، اللحظه اللي بحلم بيها كل ليله ، كنت بشوفنا في اي اتنين بيحبو بعض ، دايما مستني انك تبقي ليا وانا ليكي ، اليوم دا بالنسبالي حلم السنين ، تتجوزيني يا من احتلت قلبي واصبح ملكها ، فلا يتمني شئ سواها ولا يتمني غير حبها .. بحبك .
ريم عيطت من الفرحه : كل دا علشاني انا ؟
مراد : انا عايش عشانك انتي وبس ، ومهما اتكلم ومهما قلت كل دا نقطه من بحر حبي ليكي .
ريم عيطت وحضنته وقالت : بحبك لأنك العوض ، لأنك السند ، بحبك لأنك كل شئ جميل هعيشه ، بتمني كل لحظه اكون جمبك ، واتمني تكون جمبي ونفضل سوا طول العمر  .
____
مراد وريم كتبوا كتابهم ومراد وعدها انه هيعمل الفرح بس بعد مايجبلها حقها .. وريم كانت خايفه عليه من عمها ودايما قلبها مقبوض .
وعم ريم اتأكد ان مراد عرف ان دي ريم اللي بيدور عليها وعرف انها حكتله ، وكان قلقان من سكوت مراد المده دي كلها
بعد مرور يومين .
علي ورضا في الشركه..
علي : احنا هنفضل ساكتين كده ولا ايه ، مش دي المفروض ان انا كنت هتجوزها؟
رضا : بقلك ايه ، انا دماغي اتقفلت،  اتصرف ورينا شطارتك هتفضل معلق خيبتك دايما علي شماعتي، طب لو جرالي حاجه هتعمل ايه ؟ كل دا هيبقي تراب هتضيعه ، انت لو متصرفتش وحليت الموضوع دا لانت ابني ولا انا اعرفك .
علي سكت يفكر وبعدين قال : انا هعرف ازاي اربيها ، ماشي ياريم وخرج من الشركه بعصبيه .
___
مراد في الشركه ..
مراد : الو ايوه يا حبيبتي.
ريم : حبيبي انا عارفه اني ممكن اكون ازعجتك بس انا حبيت ارن اعرفك ان انا هخرج اشتري شوية حاجات كده .
مراد : طب مش ينفع تستني نخرج نجيبهم سوا .
ريم بحب: لا اصل انا عاملالك مفاجأة وضحكت .
مراد بحب : خلي بالك من نفسك ومتسوقيش انتي العربيه خدي معاكي السواق ولما توصلي ابقي طمنيني عليكي .
ريم : متقلقش،  خلي بالك انت من نفسك .
____
بعد مرور 3 ساعات .
علي في التلفون : تمم اوي ودوها علي المخزن وانا جاي حالا .
___
مراد خلص الشغل ووصل الفيلا واستغرب لما ريم موصلتش كل دا.. رن علي تلفونها كتير لاقاه مغلق .
مراد بعصبيه : لا بقي دا انت كده اللي ابتديت بالاذي ، والبادي اظلم..وخرج بعصبيه من الفيلا ..
____
علي دخل المخزن اللي فيه ريم وكانت متربطه وبتحاول بأقصي جهد تفك نفسها..
علي بخبث : معقوله يا ريم الغيبه الطويله دي ؟ هو انا موحشتكيش ولا اي ؟
ريم بغيظ : انت متعرفش انت عملت ايه في نفسك ؟ مراد مش هيسكت.
علي بعصبيه: يادي الليله الزفت ، كل حاجه مراد مراد ، وبعدين هو ينفع مراد دا ياخد حاجه مش بتاعته هاا وقرب علي ريم ورجع وشعرها ورا ودانها وكانت هيقرب منها هي زقته .
ريم : اوعي تفكر تلمسني انت متعرفش عواقب اللي انت بتعمله دا ايه.
علي: انا كنت عايزك وشاريكي،  بس انتي بعتي ، وانا هاخد اللي انا عاوزه برضاكي غصب عنك بقي مش فارقه .
ريم بعياط : حرام عليك انا بنت عمك دا الغريب ميعملش معايا كده وقرب منها ولسه هيعمل اللي في نيته وهي بتترجاه يسيبها لقي التلفون رن .
علي رد وقال بثقه : ايوه يابابا جبتها متربطه، عشان تعرف اني قدها واني اقدر اتصرف .
رضا بزعيق : انت لسه هتتكلم يا حيوان،  انت ايه اللي عملته دا ، خطفتها ؟ يفرحة امك بيك ، الزفت مراد دا حرقلي مخزنين الواحد فيهم بس كان فيه بضاعه ب 6 مليون وانت تقول خطفتها..
مراد بقلق: يعني اعمل ايه دلوقتي ؟
رضا بعصبيه : سيبها خليها تمشي ، لو موصلتش في خلال ساعتين هيولع فينا كلنا دا شراني وايديه طايله.
علي : يعني بعد كل دا اسيبها ؟ لا مش هتمشي ومش هتكون لحد غيري .
رضا بنرفزه: ولااا انا علي اخري منك عليا النعمه ان مارجعتها لكون حرمك من ميراثك ولا انت ابني ولا اعرفك .. وقفل التلفون في وش علي .
علي بص لريم بغيظ: ماشي ياريم بس وربنا ماهسيبك وبص للحراس وقال بعصبيه : فكوها وخلوها تمشي .
___
ريم مش كانت مصدقه وكان نفسها تغمض عنيها وتفتحها تلاقي نفسها في حضن مراد ..
ريم وصلت الفيلا لقت مراد واقف علي اعصابه وبيروح يمين وشمال ومتوتر..
ريم بعياط: مرااد .. وجرت عليه وحضنته جامد ومراد كان بيشم ريحتها بحب وكأنه افتقدها من زمان اووي وكأنه بقاله سنين مشفهاش.
ريم بعياط: شوفته يامراد شوفته،  كان شكله وحش اووي،  كنت خايفه منه يامراد ، كانت لحظه وحشه اووي.
مراد حضنها جامد وحاول يهديها ويطمنها انه جمبها وأنه عمره ماكان هيسيبها لوحدها .

بقلم : نور حمدي ♡
متنسوش التصويت