رواية " اغراب ولكن "
الفصل ال 11 .
بقلم الكاتبه : نور حمدي♡.
اليوم التالي ..
ريم قعده ف اوضتها ومستعده تنفذ خطتها وبتدعي من ربها انه يساعدها .
امين واقف بيحرص اوضة ريم.
داده فاطمه جت وادته صينيه الاكل عشان يدخلها لريم .
امين دخل وحط الصينيه قدامها ولف وشه عشان يمشي ،ريم كسرت كوباية المايه ع دماغه وطلعت تجري من الاوضه .
امين بيصوت وماسك دماغه اللي بتنزل دم ، وريم خرجت لجنينة الفيلا ومشت بهدوء عشان الحراس مياخدوش بالهم .
ريم بهدوء : افتح البوابه .
الحارس : أوامرك يا فندم.
ريم كان فاضلها خطوتين وتخرج بره الفيلا نهائي ، لقت امين بيجري وراها وماسك راسه
امين بزعيق : وقفوها، هتهرب وقفوها بسرعه.
ريم طلعت تجري والحراس جريوا وراها ومسكوها وحبسوها تاني في اوضتها .
___
في الشركه.
رضا بزعيق ف التلفون : ايه حاولت تهرب يعني ايه ؟ وانت كنت فين ولازمتك اي؟ اقفل يحيوان وانا جاي وحسابك معايا بعدين .
___
سها وعلي واقفين تحت ف الفيلا .
علي بقلق : تفتكري بابا هيعمل معاها اي ؟
سها : يولع فيها بجاز خلينا نخلص .
علي : مش قبل ما اخد اللي انا عاوزه الأول.
__
ف اوضة ريم .
ريم قعده ع طرف السرير وخايفه ورضا بيمشي قدامه رايح جاي بهدوء ومره واحده مسكها من شعرها وريم صوتت .
ريم بدموع: حرام عليك يا عمي انت بتعمل معايا كده لي ، دي الامانه اللي بابا سابهالك .
رضا بزعيق : اخرسي مش عاوز اسمع صوتك ، انتي حكمتي علي نفسك بالإعدام.
وخرج ورقه وقلم من جيبه وحطها قدامها وقال بحده : امضي .
ريم : مش همضي علي جثتي .
رضا ضحك وطلع مسدس من جيبه وحطه علي راس ريم : امضي عشان مش يبقي علي جثتك فعلا وتحصلي ابوكي ونرتاح كلنا .
ريم بخوف قالت بتوتر : انا عارفه انك بتهددني وخلاص ، انت مش هتقدر تقتلني.
رضا بثقه : والله لو كانت اول مره كنت ممكن اوافقكك.
ريم : أول مره ازاي يعني؟
رضا : يعني اللي قتل حبيبته عشان فضلت اخوه عليه واللي قتل اخوه عشان واقف في طريقه ، عادي جدا بعد كده يقتل اي حد واقف في طريقه ، اللي زيي مش بيبقي عندهم عزيز ولا غالي .
ريم بصدمه : قصدك اي ؟ انت عاوز تفهمني انك قتلت بابا وماما ، انت السبب في موتهم ، مستحيل انت أضعف من كده ، مستحيل تقتل روح.
رضا : يبقي انتي معرفتنيش كويس .
وقال بحده: لو عاوزه تشتري نفسك وحياتك امضي علي الورقه اللي قدامك .
ريم مصدومه والدنيا لفت بيها ومسكت القلم ومضت وكان جسمها بيرتعش من الخوف.
رضا بفرحه خد الورقه وحطها في جيبه : ودلوقتي هخليكي تتمني الموت ومش تطوليه ، فرحك انتي وعلي هيبقي في خلال أسبوع وسابها ومشي.
ريم مصدومه ومش قادره تستوعب اللي حصل وفجأة صرخت وقعدت تعيط طول الليل علي الارض وكانت خايفه من عمها اووي وخايفه تشوفه ، كان كل حلمها تهرب من السجن اللي هيا فيه .
___
عدي يومين علي ريم وهي محبوسه في اوضتها وخايفه من كل اللي حواليها والدموع في عنيها مبتنشفش ومش راضيه تاكل ولا تشرب .
___
في المساء
سها بتصحي رضا من النوم بزعيق : الحق ي رضااا الحق ابنك .
رضا قام مطروب: ايه ياوليه انتي ايه اللي حصل .
سها : ابنك محبوس مسكوه في قضيه آداب.
رضا اتصدم وقام من علي السرير بسرعه : انتي بتقولي ايه ياست انتي ياليله طين ولبس بسرعه وخد معاه حراس وراح هو وسها علي القسم عشان يخرجوه.
ريم قعده بتعيط وبتبص للسما وللنجوم والدموع لمعه في عنيها لقت حد بيرمي طوب في البلكونه.
ريم جرت بتبص لقت هناء واحمد واقفين تحت وبيشاورولها .
هناء : انزلي ياريم اربطي اي ملايه وانزلي محدش في الفيلا كلهم خرجوا ومفيش غير امين واقف علي باب اوضتك .
ريم حست بأمل والفرحه ملت قلبها : بس انا خايفه ليعمل فيكي حاجه.
هناء : انزلي بس وبعدين نتفق ونشوف هنعمل ايه .
ريم فتحت دولابها وربطت ملايات ببعض وربطته في سور البلكونه واحمد وهناء حاولو يساعدوها لحد مانزلت.
ريم حضنت هناء جاامد : ربنا يخليكي ليا ي هناء ، بس هتعملي ايه لو عرف ؟
ريم انتبهت لشنطه كبيره هناء ماسكاها.
ريم : ايه دي يا هناء ؟
هناء مسكت ايد احمد : انا همشي من هنا ، انا مستحيل اعيش مع حد قاتل، مستحيل يكون أب.
انا واحمد هنتحوز علي سنة الله ورسوله وهمشي بعيد عن هنا ونعيش حياتنا .
ريم : وانتي فاكره هو هيسيبك في حالك .؟
هناء : بس اسمي حاربت ومستسلمتش للأمر الواقع .
ريم بصت لأحمد: خلي بالك منها يا احمد.
احمد : متقلقيش هناء في عنيا ، اهم حاجه دلوقتي نخرج من الفيلا .
ريم واحمد وهناء هربوا من الفيلا .
ريم : امشوا انتو يا احمد كفايا عليا كده وانتو خلوا بالكوا من نفسكوا.
احمد : مينفعش ياريم هتروحي فين لوحدك ؟
ريم : متقلقوش، لو كل واحد راح مكان كده هنشغل تفكيرهم اكتر ومش هيلاقونا بسهولة ، خلو بالكو من نفسكوا.
هناء : بس الوقت متأخر ياريم ، انك تمشي لوحدك.
ريم : خلاص يا هناء انتو كده عملتو اللي عليكو وزياده، انا هعرف اتصرف، اللي عشته مش شويه .
احمد : خلاص يا هناء هي ادري.
هناء حضنتها : خلي بالك من نفسك .
ريم : وانتي كمان .
هناء واحمد مشوا وركبوا قطر خرجوا من البلد كلها وراحو علي محافظه تانيه .
ريم فضلت ماشيه خايفه لحد ما وصلت دار أيتام.
ريم بفرحه : الحمد لله منستش العنوان .
ريم خبطت علي الدار...
صاحبت الدار فتحت لها .
ريم : ازيك ي داده روحيه.
روحيه بإستغراب : مين ؟! وفجأه افتكرت : مش معقول ريم وحضنتها جاامد ودخلتها الدار .
____
بقلم الكاتبه : نور حمدي ♡
أنت تقرأ
"اغراب ولكن " بقلم الكاتبه نور حمدي ♡
Romanceفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
