رواية " اغراب ولكن " .
الفصل ال 12 .
بقلم الكاتبه نور حمدي♡
داده روحيه دخلتها وجبتلها اكل وريم كانت بتبكي وبتحكيلها ان عمها السبب في موت امها وأبوها وان قد ايه تعبت عشان توصل هنا .
داده روحيه : يحبيبتي يابنتي ، انتي ربنا بيحبك ، أن انا مروحتش النهارده، كان مين هيفتحلك.
انتي من بكره هتيجي تعيشي معايا وعمك دا ربنا ينتقم منه .
ريم : ربنا يخليكي ي داده انا مش عاوزه اتعبك ، انا بس عاوزه شغل ، ومكان انام فيه وعمي ميلاقنيش.
داده روحيه : والله ياريم معارفه اقلك ايه ؟ انا مش ليا معارف و لا واسطه ، دا انا اشتغلت هنا بالبركه كده .
ريم : طب متشغليني معاكي ياداده.
روحيه : تشتغلي في الميتم.
ريم بثقه : اهه ، ايه رأيك لو طبختلهم، انا بعرف اطبخ حلو اووي.
روحيه : بس دا هنا الشغل نسبته قليلة اووي يعني يعتبر عمل لوجه الله .
ريم : وانا مش عاوزه فلوس ، هنام هنا في الميتم واشتغل شيف .
روحيه : يعني انتي عاوزه كده ، هترتاحي يعني .
ريم : اي مكان بعيد عن عمي هكون مرتاحه فيه ، عشان خاطري ياداده وافقي .
روحيه : ياخبر انتي بتتحايلي عليا ياريم طب دا اسمه كلام دا انتي ابوكي الميتم دا لولاه كان اتقفل من زمان ، ونص أعماله الخيريه، جايبها هنا في الميتم ، كان راجل طيب وبتاع ربنا ، وربنا هيجبر بخاطرك ، وعمك دا اشوف فيه يوم ، يوم بس لا ؟ دا انا اشوف فيه أيام وشهور ، يمهل ولا يهمل .
____
اليوم التالي ..
رضا هيتجنن وشايط من كل اللي حواليه .
رضا بزعيق وبعصبيه : يعني ايه هربووو، انت قصدك ايه ، وكنتو واقفين لزمتكوا ايه .
انت عارف لو ريم اشتكتني للمحكمه هيجرا ايه ؟
حارس : ياباشا احنا كنا مع حضرتك في القسم .
رضا : انتو تخرسوا خالص انتو تقلبو عليها الدنيا ، لازم تلقوها فاهمين، و اطلعو بره دلوقتي مش عاوز اشوف وشكو .
علي : اهدي يابابا مفيش حاجة مستاهله لكل...
رضا بعصبيه: الله الشمام بيتكلم، طلعله صوت ، كل دا بسببك يابيه يابتاع الخمره والنسوان، دا انت الناس خبتها السبت والحد وانت خبتك ماوردت علي حد يلا يابايظ، دا انا جايبك من آداب يلا يا وسخ، شوفي الواد بكلمه وبيحط عينه في عيني وبجح، وانا اللي كنت عاوز انضفك واجوزك، اطلع فوق ولا غور من وشي مش طايقك، ولولا موضوع ريم دا كنت فضتلك.
علي قرر يمشي بهدوء .
وسها قعده بتعيط : هتعمل ايه في بنتك اللي هربت دي هي كمان ، ولا انت مش بتفكر غير في نفسك وبس .
رضا: هناء أمرها سهل، عارف هجبها ازاي ، المشكله في ريم دلوقتي .
___
في المطار ..
السكرتير: مراد بيه اتفضل يابيه مصر نورت .( والروايه نورت والله )
مراد ابتسم : شكرا ، وركب العربيه والسكرتير حط الشنط ورا وساق العربيه .
السكرتير : تحب نروح علي الشركه يابيه ولا علي الفيلا الاول .
( مراد شاب وسيم ، كان عايش بره مصر من صغره مع باباه ولما باباه مات مسك كل شركاته وأعماله، عنده 26 سنه ، طويل وعضلات بقي وشغل عالي )
مراد : لا اطلع علي العنوان اللي هدهولك دلوقتي ، وطلع سلسله من جيبه وباسها : وحشتيني .
___
ريم واقفه في المطبخ وبتحضر الفطار لأطفال الميتم .
روحيه : بسم الله ماشاء الله المطبخ احلو كده ليه ، مين اللي رتبه كده .
ريم ببتسامه: صباح الخير ي داده ، عجبك المطبخ انا قلت ارتبه قبل ماابدا.
روحيه : دا ايه الجمال دا ، صباح النور ي قمر . دا أطفال الميتم لو شافوكي هيفرحوا اووي .
ريم : وحشوني اووي ياداده مش جتلهم من مده كبيره .
ريم جهزت الفطار للأطفال ولما شافوها فرحوا اووي وعجبهم الأكل جدا علي الرغم انه كان بسيط وقليل .
___
بقلم الكاتبه : نور حمدي ♡
أنت تقرأ
"اغراب ولكن " بقلم الكاتبه نور حمدي ♡
Romansaفتاة ذات ملامح بريئه عاشت مع ذئاب بشريه ، لم تري من عائلتها سوي الذل والقهر ، لم تري منهم اي خير ، كانت تبكي ع وسادتها ليالي ، حتي رأته، رأت الملاك الناجي ، غريب لكنه حبيب ، أعاد لها حريتها عزوتها، كان لها عوض عما رأته .. اغراب ولكن ، بقلم الكاتبه...
