Make Mr Fierce Mine (Adonis Series 2) COMPLETED

Chapter 2

Chapter 2

[ Luna Pov. ]

Hindi na ako nakaligo sa sobrang inis ko sa kanya, Nakaupo lang ako sa bato at pinapanuod silang magtampisaw sa tubig. Ilang beses na nila akong niyaya ngunit tinanggihan ko lang ang mga ito.

Si dennis at william ay nauna na dahil may gagawin pa daw ang mga ito, Nalaman ko rin na taga rito sila at may bahay sila dito.

Pinsan din nila si miguel at tawag nila dito ay kuya, Mabait naman daw siya hindi nga lang palaimik..

Halos irap lang ang nagagawa ko sa tuwing naririnig ko ang paguusap nila tungkol dito, Naiinis ako sa kanya kung aaminin niya lang na kinuha nito ang cellphone ko ay hahayaan ko na siya, Kaya ko naman bumili ng limang cellphone.
Pero dahil matigas ito at feeling ko ay nagmumukha akong tanga dahil pilit niyang tinatanggi na hindi niya ito ninakaw kaya mas lalo akong naiinis.

"Uuwi pa ba kayo? Mag-gagabi na bukas na lang kaya.." saad pa ni vanz, napatingala naman ako sa langit.

Magdidilim na nga, Baka gabihin na kami sa paglalakad patungo sa kotse at hindi rin kami aabot ng alas otso sa bahay.

Sh*t siguradong beast mode na si mommy! Kailangan kong mag-isip ng dahilan.

"Pwedi naman kayong mag stay dito dahil may mga kwarto pa naman na bakante.." anas ni neil, nakangiti naman ang dalawa kong kaibigan dahil  pabor sa kanila ang pag oover night dito.

Siguradong alam ko na ang mangyayari mamaya dahil sa ngisi nila.

"Sure! Pwedi naman ipagpabukas ang biyahe sabay sabay na lang tayo.." masayang wika ni antonette, nakaakbay naman si neil dito.

Nakakainggit! Kung wala lang sana ang hayop na yun dito ay hindi ako nawalan ng gana, baka pinatulan ko na siguro si zeke ngayon at may kayakap narin ako! Nakakaleche talaga siya.

"Let's go luna, Hindi ka man lang nagbabad.." anas ni zeke, nilahad nito ang kamay para tulungan akong tumayo.

"Sorry, Nawalan ako ng gana.." ani ko, Sumunod naman kami sa mga kasama namin na nauunang naglalakad.

"Nabadtrip ka ba kay miguel?.."

"No.." mabilis na sagot ko, hindi niya pweding malaman na apektado ako dito, nakakahiya baka isipin niya nalungkot ako sa pag alis niya.

"Okay, Hindi talaga palakibo iyon. Isang taon palang kaming magkakilala pero alam ko na ang ugali niya.."

"Bakit ganyan siya?" curios na tanong ko habang naglalakad.

"Ugali niya na daw talaga iyon, Si vanz matagal na silang magkaibigan magtanong ka sa kanya.."

"Uh? Wag na, Hindi naman ako interasado sa pagkatao niya.." asik ko, natawa naman ito sa sagot ko.

Matapos ang paglalakad ay nakarating kami sa isang lumang bahay, Malaki ito at halatang namana pa sa matatanda dahil sa lumang disenyo sa labas,

Binuksan ni giovanni ang gate at malalaman mo talaga na may pumasok dito dahil sa ingay nito,

Dalawang palabag ang bahay at sobrang lapad nito sa harap, Mapapansin mo na maraming kwarto at parang nasa dormitoryo ka kung iisipin mo.

Sh*t, parang hounted house din sa sobrang luma ng bahay.

"Kanino bahay ito?" usisa ni vivian habang papasok kami sa loob, malawak naman sa labas at may garden pa. May luma ding fountain sa harapan.

"Sa lolo ni miguel, Nasa loob ang tiyahin niya.." anas ni vanz, Binuksan nito ang malawak na pintuan at namangha naman ako dahil sa ganda ng loob.