Make Mr Fierce Mine (Adonis Series 2) COMPLETED

Chapter 27

Chapter 27

Luna Pov.

KINABUKASAN..

Pagmulat ko ay agad ako'ng lumingon sa'king tabi, Nagtataka ako ng makitang wala na akong katabi. Kung sabagay ano pa bang bago?

Lagi naman siyang maagang nagigising kesa sa'kin.

Bumangon na ako para makaligo, Hindi ko na rin gaanong nararamdaman ang sugat sa labi habang nilalakad ang banyo. Pasalamat na lang ako dahil ganito lang ang naitamo ng jasper na iyon sakin, Kung hindi lang dumating si miguel malamang isa na akong maruming babae ngayon.

Dumiretso ako sa banyo dala ang malinis na towel, agad na akong naligo at halos ilang minuto lang ang itinagal ko ng lumabas ako. Isinuot ko lang muli ang bigay ni tita elizabeth na pulang bestida.

Pagbaba ay agad akong nagtungo sa kusina para tingnan kung may pagkain na, gumuhit  ang simpleng ngiti saking labi ng makitang may nakatakip doon. Nakuha niya pa akong ipagluto bago umalis, Pero saan nga ba siya nagpunta? Naalala ko pa ang sinabi niya kagabi na aalis kami ngayon.

Naghanda na ako ng sariling plato bago hilain ang upuan, Baka may inasikaso muna siya bago umalis.

Kumuha ako ng kanin at naglagay na rin ng ulam, mabilis lang ang pagkain ko at agad na rin iyon hinugasan. Nilagay ko na sa ref ang natirang pagkain bago magtungo sa sala, pansin ko ang panlalabo ng salaming mesa kaya lumapit ako doon. Napupuno na pala iyon ng alikabok maging ang mga ibang gamit kaya naisipan ko ng maglinis habang wala pa si miguel, Sa sobrang busy nito hindi niya na maharap ang paglilinis sa bahay. Bakit kasi hindi na lang siya kumuha ng maid kahit isa lang.

Para hindi niya na rin iniisip ang mga gawaing bahay.

Matapos maglinis ay pagod akong sumandal sa sofa at itinindig ang ulo sa sandalan. Pumikit ako saglit at hinayaang matuyo ang pawis sa katawan.

"Did you clean the house?" napamulat ako ng marinig ang baritonong boses ni miguel, nag-angat ako ng tingin at nakitang nakaduwang siya sakin. Agad akong tumayo at nagkamot ng ulo.

"Ah oo, Wala naman akong ginagawa  kaya naglinis muna ako habang hinihintay kita." bumuntong hininga siya bago libutin ang paningin sa paligid, kalaunan ay bumalik rin iyon sa mata ko.

"Kumain ka na?"

"Hmm." tumango ako "Ikaw kumain ka na ba?" tumango rin siya bago tumalikod sa'kin.

"Magpahinga ka muna bago tayo umalis." sinundan ko siya ng tingin habang papalakad ito patungo ng hagdan, huminto rin siya ng hindi ako sumagot.

"Tara." anas niya ng lingunin ako.

"Ha, Saan?" takang tanong ko,

"Sa taas." kaswal niyang sagot "Get rest before we go."

"I'm not tired" agarang turan ko "And besides kakagising ko lang."

Natawa siya at napapailing na humarap sakin. "Ang aga ha." ani niya pa sa pagitan ng pag ngisi.

Hindi ako agad nakasagot dahil nanatili akong tulala sa labi niyang nakangiti, Thanks god at bumalik na ang dating miguel.

Sa wakas hindi na siya galit.

Napawi ang ngisi niya kaya napapahiya akong  nag-iwas ng tingin.

"Hindi mo naman ako kagaya na parang alarm kung magising.." nasabi ko sa bandang huli bago maunang maglakad patungo sa kwarto.

MEDYO mainit na sa labas  ng lumabas kami, Hindi na ako nagpahinga dahil hindi naman talaga ako pagod. Si miguel lang ang hinintay ko dahil inasikaso niya pa ang mga dadalhing damit.