unicode
ပထမဆုံးဒိတ်၏ချိုမြိန်မှု
ချန်ယွိ : !!!
"တခြားသူတွေဒိတ်ကြရင်လဲရုပ်ရှင်ကြည့်ကြ
မုန့်စားကြတာပဲမလား?ဒီတော့ငါတို့လဲ
အဲ့လိုလုပ်ကြမယ်လေ"
ချန်ယွိမှာလင်အန်းလန်ကို မှင်တက်စွာကြည့်နေမိရင်း
အခုလိုအခိုက်အတန့်မှာဘယ်လိုစိတ်အခြေအနေမျိုး
ရှိနေသင့်သလဲဆိုတာပင်မသိတော့ချေ။
"ကိုယ်တို့? ဒိတ်ကြမယ်?"
"မင်းကမဒိတ်ချင်ဘူးလား?"
"ကိုယ်ဒိတ်ချင်တာပေါ့!"
နောက်ကျမှနောင်တရနေရမှာစိုးတာကြောင့်
ချန်ယွိချက်ချင်းပင်သဘောတူလိုက်လေ၏။
မျက်ဝန်းတွေထဲပျော်ရွှင်မှုတို့အပြည့်ဖြင့်
လင်အန်းလန်အားသူစိတ်လှုပ်ရှားစွာကြည့်ရင်း
နှလုံးသားဟာပျားရည်ထဲနစ်ခံထားရသကဲ့သို့
ခံစားနေရပြီးနှုတ်ခမ်းထောင့်စွန်းတွေလည်း
မတွန့်ကွေးပဲမနေနိုင်တော့ချေ။
"အန်းအန်း မင်းကိုယ်နဲ့အတူအပြင်ထွက်
လည်ချင်တာပေါ့?"
"အင်းလေ မရဘူးလား?"
"သေချာပေါက်ရတာပေါ့"နှလုံးသားထဲ၌ချိုမြိန်မှုတို့
ပြည့်လျှံကျလျက်ချန်ယွိသူ့ကိုမျက်တောင်မခတ်
ကြည့်နေမိတော့၏။
သူ့အကြည့်တွေကြောင့်အနည်းငယ်ရှက်လာတာနဲ့
လင်အန်းလန်လည်းကားထဲကထွက်ကြဖို့
ပြောလိုက်တော့သည်။
"အိုး"ချန်ယွိကသူ့ရဲ့ထိုင်ခုံခါးပတ်ကိုအလျင်အမြန်
ဖြုတ်ကာကားထဲမှထွက်လိုက်တော့သည်။
ထိုအခိုက်အတန့်ထိတိုင် ဒိတ်ကြတော့မယ်ဆိုတဲ့
စပရိုက်ကနေသူရုန်းမထွက်နိုင်သေးဘဲ
ချိုမြိန်မှုတို့ဖြင့်နှလုံးသားကိုထွေးပတ်ထားရင်း
လင်အန်းလန်အားလှမ်းပြောလိုက်၏။
"ကိုယ်တို့ဘယ်ရုပ်ရှင်ဇာတ်ကားကိုကြည့်ကြမှာလဲ?
မင်းရွေးပြီးသားလား?"
"အင်း"
ချန်ယွိခေါင်းကိုငုံ့ကာသာတိတ်တဆိတ်ပြုံးလိုက်ပြီး
လင်အန်းလန်၏လက်အားသူ့လက်အတွင်းသို့
တင်းကြပ်စွာဆွဲယူဆုပ်ကိုင်ထားလိုက်တော့၏။
YOU ARE READING
လောကကြီးထဲ ကိုယ်မင်းကိုအချစ်ဆုံးပဲ : ေလာကႀကီးထဲ ကိုယ္မင္းကိုအခ်စ္ဆံုးပဲ
RomanceGot the permission from E translator. Quan shijie wo zui ai ni [Ent. circle] I Love You The Most In The World 全世界我最爱你 [娱乐圈] Original author - 林盎司 163 Chapters + 94 (3 Parts) Extras Myanmar translation I don't own the story.All credits go to original...
