ပြန်လည်​မွေးဖွားလာပြီးတဲ့အခါငါကငါးဆားနယ်​လေးတစ်​ကောင်ဖြစ်ချင်ရုံပါ《ဘာသာပြန်》

နိဒါန်း

Scroll down for Zawgyi.

Unicode

လီစီးနျန်ဟာ သူ၏ညီဖြစ်သူနှင့် ဘ၀တစ်​လျှောက်လုံး ပြိုင်ဆိုင်တိုက်ခိုက်ခဲ့သည်။သူ့မိသားစုရဲ့စည်းစိမ်ဥစ္စာ ၊ သူ့မိဘ​တွေရဲ့အာရုံစိုက်မှု ၊ ပြီး​တော့ ...... သူက ချစ်ပြီး သူ့ကို မချစ်တဲ့ အဲဒီလူ  ..........

တိုက်ခိုက်ရင်း တိုက်ခိုက်ရင်းနဲ့ပဲ ရှာ​တွေ့ခဲ့ရတာက သူဟာ လူပြက်တစ်​ယောက်သာဖြစ်တယ်ဆိုတာပင်။

သူ့ညီက သူ လိုချင်တဲ့ အရာမှန်သမျှကို ဘာမှလုပ်စရာမလိုဘဲရနိုင်သည်။ဒါ​ကြောင့် လီစီးနျန် သူ ဘယ်​လောက်ပဲ ကြိုးစားလုပ်ကိုင်​နေပါ​စေ အဆုံးသတ်၌ သူ့တွင် ​ကောင်းမွန်သည့် နိဂုံးတစ်ခုရှိလာမှာမဟုတ်​ပေ။

သူ ​သေဆုံးတဲ့​နေ့​ရောက်တဲ့အချိန်ကျမှ သူ သိလိုက်ရတာဟာ သူ အသက်ရှင်​သန်နေထိုင်ခဲ့တဲ့ ကမ္ဘာကြီးက ပျိုတိုင်းကြိုက်သည့် နှင်းဆီခိုင်၀တ္ထုတစ်ပုဒ်ဖြစ်​နေသည်။သူ့ညီငယ်​လေးက လူတိုင်း အသည်းစွဲ ဇာတ်လိုက်​လေးဖြစ်ကာ သူက​တော့ ဇာတ်လိုက်ကို ထင်ရှား​​အောင်လုပ်​​ပေးမည့် လူယုတ်မာအ​မြောက်စာ​လေးဖြစ်သည်။

လီစီးနျန် ခါးသက်စွာ ပြုံးလိုက်မိသည်။
အံ့သြစရာမရှိ​တော့ပါဘူး ......

လီစီးနျန် ​သေဆုံးသွားခဲ့သည်။သို့​သော် သူ့မျက်လုံး​တွေ ​နောက်တစ်ကြိမ် ပြန်ဖွင့်လာပြီး ဒုတိယအကြိမ် သူ သတိလစ်သွားခဲ့သည်။

သူ ပြန်လည်​မွေးဖွားလာခဲ့သည်။သူ ပြန်လည်​မွေးဖွားလာတဲ့နှစ်က သူ ​ကောလိပ်က​နေ ဘွဲ့ရပြီးခါစ ၊ မိသားစုစည်းစိမ်ဥစ္စာ​တွေအတွက် အ​မွေလုပွဲစတင်တဲ့အချိန် ၊ ၀မ်းနည်းစရာ အဖြစ်ဆိုး​တွေအားလုံး ဘာမှမဖြစ်ပျက်ရ​သေးခင်။

သူ့ရဲ့အရင်ဘ၀တုန်းက ရလဒ်​တွေကို စဉ်းစားကြည့်၍ လီစီးနျန် ပြတ်ပြတ်သားသား ဆုံးဖြတ်ချက်ချလိုက်သည်။အမှားအမှန်​တွေက​နေ ​ဝေး​ဝေး​နေထိုင်ကာ ပုန်းကွယ်သွားရန်။ဒီဘ၀မှာ​တော့ လီမိသားစုနဲ့တကွ လီမိသားစုထဲရှိ အရာရာတိုင်းကို ကန့်လန့်မတိုက်ဖို့က အ​ကောင်းဆုံးဖြစ်သည်။