ပြန်လည်​မွေးဖွားလာပြီးတဲ့အခါငါကငါးဆားနယ်​လေးတစ်​ကောင်ဖြစ်ချင်ရုံပါ《ဘာသာပြန်》

အခန်း(၂၅)​ဖျော်ရည်​ရောင်းတဲ့ ပထမရက်

Scroll down for Zawgyi.

Unicode

နေ့လယ်ခင်းတွင် လီစီးနျန်က စား​သောက်ဆိုင်သို့ သွားခဲ့သည်။လူတန်းရှည်ကြီးက ယခင်​နေ့ရက်နှင့် ထူးမခြားနား။အရင်ကထက် ပိုပင် ရှည်လာသ​ယောင်။

ဒီလိုကြိတ်ကြိတ်တိုး အဖြစ်မျိုးကို တစ်ခါ မြင်ဖူးထားစရှိ​လေ​တော့ လီစီးနျန် မည်သည့်နှယ့်မျှမ​နေ။ဝယ်သူ​တွေရဲ့ ​မျှော်တလင့်လင့် မျက်လုံးရွှဲကြီး​တွေ​အောက်၌ လီစီးနျန် လက်​ရေး​ကြေညာစာတစ်ခုအား စား​သောက်ဆိုင်တံခါးတွင် ကပ်လိုက်သည်။

||| ချစ်လှစွာသော စားသုံးသူများခမျာ ၊ ကျွန်​တော်တို့၏ ဆိုင်​နေရာ ၊ ကုန်ကြမ်းပစ္စည်းပမာဏ ၊ စားဖိုမှူးအ​ရေအတွက်တို့သည် အကန့်အသတ်ရှိ​နေပါသဖြင့် ဝယ်သူအ​ယောက်​​စေ့၏ ဟင်းလျာမှာယူမှုကို မဖြည့်ဆည်း​ပေးနိုင်ပါ။ ယ​​နေ့ကစ ကျွန်​တော်တို့စား​သောက်ဆိုင်ဟာ ​နေ့လယ် ၂၅ ဝိုင်း ၊ ည ၂၅ ဝိုင်းနှုန်းနှင့် တစ်​နေ့လျှင် စုစု​ပေါင်း စားပွဲဝိုင်း ၅၀ ကိုသာ လက်ခံမည်ဖြစ်သည်။ စားသုံးလို​သော ဝယ်သူများအ​နေနှင့် အချိန်ကြိုတင်တန်းစီ​ပေးကြပါခင်ဗျာ။ လူကြီးမင်းတို့၏ နားလည်မှုအတွက် အထူး​​ကျေးဇူးတင်ရှိပါသည် |||

​မျှော်လင့်ထားတဲ့အတိုင်း ​ကြေညာစာ ကပ်ပြီးပြီးချင်းပင် ​ရှေ့တန်းမှာစီ​နေတဲ့သူ​တွေပဲဖြစ်ဖြစ် ၊ ​နောက်တန်းမှာစီ​နေတဲ့သူ​တွေပဲဖြစ်ဖြစ် လူအားလုံးခမျာ ​ဒေါသထွက်လွန်းလို့ ​သွေးတက်ကုန်သည်။

​ကောင်းပါ​ပေ့။ ငါတို့ဝယ်သူ​တွေက ကိုယ့်ပိုက်ဆံနဲ့ကိုယ်လည်း လာစားရ​သေး ၊ ​နေပူကျဲတဲကြီးထဲ တန်းစီဖို့လည်း လို​သေး။ အခုဆို စား​တောင်စားရပါ့မလားက မ​သေချာ။ ရယ်ရချက်။

တချို့လူ​တွေက ​လက်​ရေးမူကြေညာစာကို ဖတ်ပြီးသည်နှင့် ဘာမ​ပြောညာမ​ပြော ​ကောက်ထွက်သွားကြသည်။သူတို့​တွေက လီစီးနျန်​ဘေးမှ ဖြတ်အသွား ဆဲဆိုကြိမ်း​မောင်း​လှောင်​ပြောင်ကြ၏။

လူတိုင်းက သူတို့ရဲ့မ​ကျေမှု​များကို ပုံစံအဖုံဖုံဖြင့် ​​ထုတ်​ဖော်ပြသ​နေ​ကြပေမင့် ​ယေဘုယျအဓိပ္ပါယ်ကမူ တစ်ထပ်တည်းသာ။သူတို့ ​ဆိုလိုသည်က လီစီးနျန်ဟာ အင်တာနက်​ပေါ်က ​ကျော်ကြားမှု​လေးအနည်းငယ်၌ ​မျောပါ​နေသည်ဟု။