Scroll down for Zawgyi.
Unicode
ပိုင်ယွီရှန်းနှင့်လီစီးနျန်တို့ဟာ မြို့တော်အရှေ့ဘက်ရှိ ကော်ဖီဆိုင်တစ်ခုတွင် တွေ့ဆုံခဲ့သည်။
လီစီးနျန် ကော်ဖီဆိုင်ကို ရောက်တော့ ပိုင်ယွီရှန်းက ဆိုင်ထဲတွင် ကြိုရောက်နှင့်ပြီးသားဖြစ်နေသည်။ပိုင်ယွီရှန်းက ဆိုင်နံရံနဲ့ ဆန့်ကျင်ဘက်နေရာတွင် ထိုင်လျက် ကော်ဖီတစ်ခွက်က သူ့ရှေ့၌ ချထားသည်။နောက်ထပ်ကော်ဖီတစ်ခွက်က သူနှင့် မျက်နှာချင်းဆိုင်တွင် ရှိနေသည်။
ကော်ဖီဆိုင်အရောင်းစာရေးက 'ကြိုဆိုပါတယ်' ဟု နှုတ်ဆက်လိုက်သည်။လီစီးနျန် ခေါင်းညိတ်အသိအမှတ်ပြုကာ ပိုင်ယွီရှန်းထံ လျှောက်သွားလိုက်သည်။
သူ လီမိသားစုကနေ ထွက်ခွာခဲ့ကတည်းက ဤကဲ့သို့ မြို့ပြအငွေ့အသက်ပြင်းထန်သော နေရာမျိုးသို့ လာရောက်တာ ဒါ ပထမဆုံးအကြိမ်ဖြစ်သည်။ယခင့်ယခင်တုန်းက သူ ဒီလိုနေရာမျိုးနေကို အလုပ်လုပ်ရန် နေ့တိုင်း လာခဲ့ဖူးသည့်တိုင် သုံးလခန့် အေးအေးလူလူ သက်တောင့်သက်သာရှိသော ကျေးလက်ဘ၀တွင် နေထိုင်ပြီးနောက် သူ့ရဲ့အတိတ်ကိုပင် မေ့ပျောက်နေပြီဖြစ်သည်။သူ ဒီနေရာမျိုးသို့ နောက်တစ်ကြိမ် ခြေပြန်ချသောအခါ အနည်းငယ် စိမ်းသက်နေသလိုတောင် ခံစားရသည်။
သူ့နှလုံးသားထဲက ပြွတ်သိပ်နေသော စိတ်ခံစားချက်များကို သိမ်းဆည်းရင်း လီစီးနျန် ရှေ့ဆက်လျှောက်ကာ ပိုင်ယွီရှန်းရှေ့၌ ၀င်ထိုင်လိုက်သည်။
ပိုင်ယွီရှန်းက သူ့ဖုန်းအား သဲကြီးမဲကြီး ခေါင်းငုံ့ကစားနေသည်။သူ အလွန်တရာ အာရုံစူးစိုက်နေ၏။သူ့ရဲ့မျက်လုံးထောင့်စွန်းကနေ စားပွဲကို ခေါက်ခေါ်နေသည့် လက်တစ်ဖက်အား မြင်တဲ့အချိန်မှာ ပိုင်ယွီရှန်းတစ်ယောက် ဆတ်ခနဲ ခေါင်းထောင်လာသည်။
" အားနျန် ! အိုင်းယား . . . မင်း ရောက်ပြီပဲ !! "
ပိုင်ယွီရှန်းက ရှေ့ကကော်ဖီခွက်ကို ညွှန်ပြလိုက်သည်။
" မင်း ဒါကြိုက်တာ ငါ မှတ်မိလို့ မင်းအတွက် ငါ မှာထားပေးတယ် "
أنت تقرأ
ပြန်လည်မွေးဖွားလာပြီးတဲ့အခါငါကငါးဆားနယ်လေးတစ်ကောင်ဖြစ်ချင်ရုံပါ《ဘာသာပြန်》
عاطفيةOriginal ~ ချုံရှင်းဟုတ် ဝေါ်ကျစ်ရှန်ရှန်းယွီ English ~ အာဖတာ ရီဘတ်ဒ် ၊ အိုင် ဂျက်စ်ဝမ့် တူဘီအေ ဆော့စ်တက်ဖစ်ရှ် Author ~ သျောင်းသျောင်းဇစ်
