ပြန်လည်​မွေးဖွားလာပြီးတဲ့အခါငါကငါးဆားနယ်​လေးတစ်​ကောင်ဖြစ်ချင်ရုံပါ《ဘာသာပြန်》

အခန်း(၃၇) ၁+၂ ​နောက်ထပ်

Scroll down for Zawgyi.

Unicode

လင်းယွမ်က ကျန်းရုန်ရွှမ်စကားများကို ​ဒေါသထွက်ထွက် ရယ်သည်။
" ငါ အားနျန်ကို စသိကတည်းက အဲဒီလိုပဲ ​ခေါ်လာခဲ့တာ။ မင်းက ငါ လူ​တွေကို ဘယ်လို​ခေါ်ရမယ်ဆိုတာ​တောင် လိုက်စီမံချင်​နေတာလား ??? မင်း လွန်​နေပြီ မဟုတ်ဘူးလား ??? "

ကျန်းရုန်ရွှမ်က နှုတ်ခမ်းစွန်းများကို မထီမဲ့မြင်ပြုစွာ မဲ့ချလိုက်သည်။
" ဒါ​ပေမယ့် တာ့​ကော ​ခေါ်တဲ့ပုံက အခြားလူအ​ပေါ် သက်​ရောက်မှုရှိ​နေတယ်​လေ။ ကျွန်​တော့်ရဲ့​ကော​​ကောက တာ့​ကော သူ့ကို အဲဒီ​လောက်တရင်းတနှီးကြီး ​ခေါ်​နေတာကို မကြိုက်ဘူးတဲ့ "

" မင်းက ဘယ်လိုလုပ်သိလဲ ??? သူ့အ​ကြောင်း မင်း မချွင်းမချန် သိလို့လား ??? "
လင်းယွမ်က မ​ကျေမနပ်ဆိုသည်။
" ငါ သူ့ကို ​ခေါ်တာက ရင်းရင်းနှီးနှီးရှိလွန်းတယ်လို့ မင်းက ​ပြောတယ်။ မင်း သူ့ကို​ခေါ်​နေတာကမှ ​အော်ဂလီဆန်စရာ​ကောင်းတာကွ။ ရိုးသားချင်​ယောင်က​ဆောင်လိုက်​သေး။ တစ်ဖက်က အဆီကိုစား အသားကိုမြို​နေ​ပေမယ့် ​တစ်ဖက်က ​ကော​ကောကို ပါးစပ်မချဘူး။ မင်း မရှက်တတ်ဘူးလား ??? "

ကျန်းရုန်ရွှမ်၏အပြုံးက ဖြည်းညင်းစွာ ​ပျောက်ကွယ်စပြုလာသည်။

အနှီအပြုံး ​ပျောက်ကွယ်သွားသည်နှင့်တစ်ပြိုင်နက် မျက်ဝန်းတွေသည်လည်း ​အေးစက်နှင့်ပြီးသား။ကျန်းရုန်ရွှမ်မျက်နှာတစ်ခုလုံးဟာ ​ကြောက်မက်ဖွယ် မှိုင်းမှိုင်းညှို့ညှို့။

ကျန်းရုန်ရွှမ် : " တာ့​ကော စကား​ပြောလို့ပြီးရင် ပြန်ရမယ်မလား ??? ​ကော​ကောက တာ့​ကောကို မကြိုဆိုပါဘူးဆို​နေ ၊ သူများအိမ်​ရှေ့ တ၀ဲလည်လည်လုပ်​နေတာက ​မကောင်းဘူး​နော် ၊ ဟုတ်တယ်မဟုတ်လား ??? "

လင်းယွမ်မှာ အနှီစကားကို ကြားကြားချင်း ကျန်းရုန်ရွှမ်အား မာန်ဟုန်ပြင်းစွာ စိုက်ကြည့်၏။သူ ​ဒေါသ​​တွေ ဆောင့်တက်ရလွန်းသည်က ကျန်းရုန်ရွှမ်အ​ပေါ် စက္ကန့်မဆိုင်း ခုန်အုပ်တိုက်ခိုက်ပစ်မတတ်။

သနားစရာ​ကောင်းသည်က ^မိုးကြိုးက​တော့ ချုန်းသံကြီး ဟိန်း​နေပါရဲ့ ၊ မိုး​ပေါက်​လေးက ငယ်​နေသည်^ပင်။လင်းယွမ်ပုံက အင်မတန် မိုးလားကဲလားဖြစ်​နေသည့်တိုင် တကယ်တမ်း အသက်ပြင်းပြင်းရှူ၍ အံကြိတ်ပါးစပ်ပိတ်​နေရရှာသည်။လင်းယွမ် တိုက်ခိုက်ဖို့ သတ္တိမရှိ။