ပြန်လည်​မွေးဖွားလာပြီးတဲ့အခါငါကငါးဆားနယ်​လေးတစ်​ကောင်ဖြစ်ချင်ရုံပါ《ဘာသာပြန်》

အခန်း(၁၉)စုန့်ယွမ်၏​ငွေ​ကြေးအ​ထောက်အပံ့

Scroll down for Zawgyi.

Unicode

စုန့်ယွမ်ဘက်က တက်လာတဲ့ သတင်းကို မြင်​သောအခါ အနည်းငယ် ရယ်စရာ​ကောင်းသည်ဟု လီစီးနျန် ခံစားရသည်။

ရက်စက်တဲ့ အရှင်းရှင်​တွေ။ သူတို့ရဲ့လုပ်ငန်းတွဲဖက်က အခု နာမည်ပျက်လည်းရှိ​ရော မကြာချက်ချင်း လက်ငင်းဆတ်ဆတ်မှာတင် တခြားအွန်လိုင်းဆယ်လီတစ်​ယောက်နဲ့ အကျိုးတူပူး​ပေါင်းဖို့ စိုင်းပြင်း​နေပြီ။

စင်စစ် ​ပြော​ရေးဆိုခွင့်ရှိသူ၏ စာချုပ်​ကြေးကို ​စျေး​နှိမ်ခြင်းသည် အဆန်းတပြားကိစ္စကြီးမဟုတ်။သူလည်း ပူး​ပေါင်းလုပ်ကိုင်​သော စတားများ၏ စာချုပ်အဖိုးအခကို ​စျေး​လျော့ခဲ့ဖူးပါသည်။

ယခင်အတိတ်ဘ၀ သူ ဒုဥက္ကဋ္ဌလီရာထူး၌ ထိုင်ခဲ့စဉ် ကုမ္ပဏီ၏ အကျိုးအမြတ်ကိုသာ ​ရှေးရှူ​နေခဲ့သည်မို့ သူ့တွင် မတူညီ​သော ​တွေး​ခေါ်ပုံမျိုးရှိသည်။သို့​ပေတည့် ယခုဘ၀ အဖိနှိပ်ခံ ၊ စာချုပ်​စျေးနှိမ်ခံ​နေရ​သော အင်တာနက်ဆယ်လီ​လေးဘ၀၌ ရပ်တည်​နေရသည့်အခါတွင်မူ လီစီးနျန် စိတ်မသက်သာ​တော့​ချေ။

ထို့ပြင် စာချုပ်​စျေးနှိမ်ရန်အလို့ငှာ မဆိုင်တဲ့လူ​တွေကို ဆွဲထည့်တာကား ယုတ်မာခြင်း​ပေ။သူဟာ ပူး​ပေါင်း​ဆောင်ရွက်​သော စတားများ၏ စာချုပ်​ကြေးကို ​လျော့ချခဲ့ဖူးသည်ထား ၊ စုန့်ယွမ်ကဲ့သို့ တခြားမဆိုင်တဲ့လူ​တွေကိုပါ ဆွဲထည့်တာမျိုး​တော့ လုံး၀ မလုပ်ပါ​ချေ။

လီစီးနျန်က စုန့်ယွမ်နှင့် ပူး​ပေါင်းရန် အစီအစဉ်မရှိ​ပေ။စာချုပ်​ကြေး​ကြောင့် ဘာ​ကြောင့်ရယ်မဟုတ်​။သူ ငြင်းဆန်ခဲ့သည်။

စုန့်ယွမ်က သူ ​လော​လောဆယ် ဟိုး​လေးတ​ကျော် နာမည်ကြီး​နေတာကိုပဲ စိတ်၀င်စားလို့လား ၊ အခြားဘာကို ဓါတ်ကျ​နေတာလဲ​တော့ လီစီးနျန် မသိ​ပေ။သူတို့ကို ငြင်းပယ်လိုက်​သော် စာချုပ်​စျေးကို ပမာဏတိုး​ပေးလာခဲ့သည်။
\ ဒီ​​ကြေးက ကျူးကျူးဆီ ကမ်းလှမ်းခဲ့တာရဲ့နှစ်ဆပါ။ လူကြီးမင်း ​နောက်တစ်ကြိမ် စဉ်းစား​ပေးဖို့ ​မျှော်လင့်ပါတယ် /