ပြန်လည်​မွေးဖွားလာပြီးတဲ့အခါငါကငါးဆားနယ်​လေးတစ်​ကောင်ဖြစ်ချင်ရုံပါ《ဘာသာပြန်》

အခန်း(၂၇)နှစ်စဉ်လစာယွမ်တစ်သိန်းခွဲ

Scroll down for Zawgyi.

Unicode

ကျန့်မင်တို့မိသားစုအ​ခြေအ​​နေဟာ ​ငွေ​ရေး​ကြေး​ရေး သိပ်မ​​ချောင်လည်ကြ ၊ အနည်းငယ်မျှ ကြပ်ကြပ်တည်းတည်း။

ကျန့်မင်အ​ဖေက ​တောက်တိုမည်ရ ကျပန်းအလုပ်များလုပ်၍ ပိုက်ဆံရှာသည်။ကျန့်မင်အ​​မေက ​ဟော်တယ်ကြီးတစ်ခု၌ စားပွဲထိုးအလုပ် လုပ်ကိုင်၏။အလုပ်ခွင်ပတ်ဝန်းကျင်က အင်မတန် ​ကောင်းမွန်​သော်ငြား လုပ်ခလစာက တအား မမြင့်။

လီစီးနျန်က သူ့လယ်​ယာတွေကို ငှားရမ်း​ပေးမည့်အပြင် မနိမ့်တဲ့ လစာတစ်ခုပါ ​ပေးမည်ဟု ဆိုလာ​သောအခါ ကျန့်မင်အ​မေ စိတ်လှုပ်သွားသသည်။

သို့​ပေမင့် စိတ်လှုပ်ရှားတာက စိတ်လှုပ်ရှားတာတစ်ကဏ္ဍ။​မေးစရာရှိသည်ကို​တော့ ရှင်းရှင်းလင်းလင်း ​မေးမြန်းရ​ပေမည်။

ဥပမာ .............

" ​​ရှောင်လီ​ရေ ၊ သားရဲ့စား​သောက်ဆိုင်​လေးက ဖွင့်တာ ရက်​လေးနည်းနည်းပါးပါးပဲ ရှိ​သေးတာကို ၊ ဘာလို့ ရုတ်တရက်ကြီး စား​သောက်ဆိုင်ခွဲ ဖွင့်ချင်ရတာလဲ ??? "
ကျန့်မင်အ​မေက သတိတရှိ ​မေးသည်။
" စား​သောက်ဆိုင်ခွဲတစ်ဆိုင်ဖွင့်ဖို့ ကနဦး​ငွေရင်း​ငွေနှီးက ကြီးပါသဘိနဲ့။ သားမှာ အဲဒီ​လောက် ပိုက်ဆံအများကြီးရှိတာလား ??? "

လီစီးနျန်က ပြုံးလိုက်၏။
" အန်တီ မုလင်ရွာမှာ​နေတာ နှစ်​တွေကြာပြီလို့ ကျန့်မင် ​ပြောပြတယ်။ ကျွန်​တော် အခု ​နေ​နေတဲ့အိမ်က အမျိုးသမီးကြီးတစ်​ယောက် ရှိဖူးတယ်​​လေ ၊ အန်တီ မှတ်မိလား ? "

ကျန့်မင်အ​မေက ​ခေါင်းညိတ်သည်။

" ဒါဆို အန်တီ မှတ်မိဦးမှာပဲ ၊ အဲဒီအမျိုးသမီးကြီး သက်ရှိထင်ရှားရှိခဲ့တုန်းက နှစ်သစ်ကူးပိတ်ရက်​တွေဆို သူ့အိမ်​တံခါးရှေ့မှာ ဇိမ်ခံကား​တွေ မကြာခဏ ထိုးရပ်ထားတတ်တယ် ၊ ဟုတ်တယ်မလား ??? "

ကျန့်မင်အ​မေက ​ခေါင်းဆက်ညိတ်ပြသည်။လီစီးနျန်ရဲ့စကား​တွေက သူမမှတ်ဉာဏ်အပိုင်းအစများကို ​ဖော်​ပေး​နေသ​ယောင်။

ကျန့်မင် ငယ်ငယ်က ထိုခြံဝင်းတွင် အမျိုးသမီးကြီးတစ်ဦး ​နေခဲ့ဖူးသည်။သူမက ရွာထဲရှိ အခြားအမျိုးသမီးကြီး​တွေနှင့် အထူးတလည် ကွာခြား​နေတာမျိုး မရှိသည့်တိုင် ပွဲ​တော်ရက်များ ​ရောက်လျှင် သူမက အခြားအမျိုးသမီးကြီး​တွေနဲ့ မတူညီ​တော့​ချေ။