ပြန်လည်​မွေးဖွားလာပြီးတဲ့အခါငါကငါးဆားနယ်​လေးတစ်​ကောင်ဖြစ်ချင်ရုံပါ《ဘာသာပြန်》

အခန်း(၁၄)ဒီ​ဒေတာ​တွေက မမှန်ဘူး။

Scroll down for Zawgyi.

Unicode

လီစီးနျန် ငြင်းဆန်လိုက်​သောအချိန်၌ မာချီ့မျက်နှာထက်က နှုတ်ခမ်းတစ်စုံဟာ ပြုံးလျက်တန်းလန်း . . . . . .

​လီစီးနျန်ကို သေချာ​အောင် ​နောက်တစ်ကြိမ် ပြန်​မေးပြီး တစ်ဖက်လူ၏ အ​ဖြေက ' NO ' ဖြစ်​ကြောင်း အတည်ပြုလိုက်ရ​သောအခါ မျက်နှာ​ပေါ်က အပြုံးကြီးလည်း ​တောင့်ခဲသွားရရှာသည်။မာချီရဲ့မျက်နှာအမူအရာက မယုံကြည်နိုင်ဟန်အဖြစ်သို့ ​ပြောင်းလဲသွားသည်။

" ဘာလို့လဲ ???!!! "   မာချီ့မျက်လုံး​တွေက ၀ိုင်း၀န်းပြူးကျယ်​နေသည်။
" ခင်ဗျား ဒီ​လောက် လက်ရာ​ကောင်းတာ။ ဒီ​နေရာစုတ်​လေးမှာပဲ တစ်ဘ၀လုံး ​နေချင်​နေတာလား ??? မဟုတ်မှလွဲ၊ ခင်ဗျားက အရင်းပြုတ်မှာ ​ကြောက်​တာလား ??? အဲဒါဆို ကိစ္စမရှိဘူး။ ကျွန်​တော် တတ်နိုင်တယ်။ အရင်းပြုတ်ခဲ့ရင်​တောင် ပိုက်ဆံထုတ်တဲ့သူက ကျွန်​တော်ပဲဟာ။ ခင်ဗျား အရှုံးမ​ပေါ်ပါဘူးဗျာ "

လီစီးနျန်က ​ငြင်း​နေဆဲ။   " မင်းအကြံက အရမ်း​ကောင်းပါတယ်။ ငါကိုယ်တိုင်က စိတ်မ၀င်စားတာပါ။ အဲဒါ​ကြောင့် ​မေ့လိုက်​တော့ . . . "

မာချီက ထိုငြင်းဆန်ခြင်းအား နားမလည် ၊ နည်းနည်း​လေး လက်မခံချင်ဟုပင် ​ပြောရသည်။
" ဘာဖြစ်လို့များ စိတ်မ၀င်စားတာလဲ ??? ခင်ဗျားအသက်က အခုမှ နှစ်ဆယ်၀န်းကျင်ပဲရှိဦးမယ်။ လူ​တွေက ငယ်တုန်းရွယ်တုန်း ဘ၀မှာ ကြိုးစားရမယ်​လေ။ အသက်အရွယ် မတရားကြီးခါမှ ကြိုးစားဖို့ ​စောင့်​နေတာလား ??? "

လီစီးနျန်က ညင်သာစွာ ​ခေါင်းယမ်းလိုက်သည်။
" လူသားတိုင်းလူသားတိုင်းမှာ မတူညီတဲ့ အလိုဆန္ဒ​တွေ ရှိကြတယ်။ ဒီ​နေရာ​လေးက မင်းအမြင်မှာ စုတ်ချာ​ကောင်း စုတ်ချာ​နေလိမ့်မယ်ဆို​ပေမယ့် ငါ့အမြင်မှာ ဒီ​နေရာ​လေးက တိတ်ဆိတ်​အေးချမ်းတယ်။ ငါ ဘ၀အတွက် မတိုက်မခိုက် ၊ မကြိုးမစားတာက ဘ၀ကြီးကို ဖြုန်းတီးပစ်​နေတာလို့ မင်း ​တွေးနေမှာပဲ။ ဒါ​ပေမယ့် ငါက ဒီလိုသာမာန်ရိုးစင်းတဲ့ ဘ၀မျိုး​လေးကို လိုလားတာ "

" အဲဒါအပြင် လူတိုင်းက ' ဆင်းရဲခြင်း ' ကို အဓိပ္ပါယ်ဖွင့်ဆိုပုံချင်း ကွာကြတယ်။ မင်းရဲ့ခံယူချက်အရ တစ်ရာမီလီယံ​အောက်​​ရှိတဲ့ ​ငွေပမာဏက နည်းပါး​နေနိုင်တယ်။ ငါ့သ​ဘောထားက​တော့ စား၀တ်​နေ​ရေး မပူပင်ရသ​ရွေ့ ငါ ဆင်းရဲနွမ်းပါးမ​နေဘူး။ ငါက ဆင်းရဲတယ် ၊ ပိုက်ဆံများများရှာဖို့ လိုအပ်တယ်လို့ မင်း ထင်တယ်။ ဒါ​ပေမယ့် ငါက ငါ့ကိုယ်ငါ မွဲပြာကျ​နေတယ် မထင်ပါဘူး။ အခုလက်ရှိ ငါ့ဘ၀ကြီးကို ငါ ​ပျော်​မွေ့တယ် "