ပြန်လည်​မွေးဖွားလာပြီးတဲ့အခါငါကငါးဆားနယ်​လေးတစ်​ကောင်ဖြစ်ချင်ရုံပါ《ဘာသာပြန်》

အခန်း(၃၂)​ခြောက်နှစ်တာ တိတ်တခိုးအချစ်

Scroll down for Zawgyi.

Unicode

လီဝမ်ရှင်းက လီစီးနျန်ရဲ့ဟင်းချက်နည်းခိုးယူကူးချမှုကိစ္စအတွက် လူထုအမြင်ထံ အားကြိုးမာန်တက် လုံ့လစိုက်ထုတ်ထားသည့်တိုင် သူ့ခမျာ လီမိသားစု၏အင်အားကို အပြည့်အဝ မဆုပ်ကိုင်နိုင်​သေးသည့်အပြင် ​ငွေ​ကြေးလည်း များများစားစား ထုတ်မကြဲနိုင်သဖြင့် လင်းယွမ်ကသာ လီဝမ်ရှင်းကိုယ်စား အစစအရာရာ လုပ်ကိုင်​ပေးခဲ့ရသည်။

လင်းယွမ်ဆိုသည်ကလည်း ကျန်းရုန်ရွှမ်​လောက် သြဇာအာဏာ မလွှမ်းမိုးသူဖြစ်ရာ လင်းယွမ် မည်မျှ လက်စွမ်းပြပါ​စေ ၊ လီစီးနျန်၏ ဟင်းချက်နည်းကူးချမှု မ​ကောင်းသတင်းက သုံးရက်အကြာ ​ခြေရာလက်ရာမကျန် စုန်းစုန်းမြုပ် ​ပျောက်ကွယ်သွားခဲ့သည်။

ထိုညတွင် ကျန်းရုန်ရွှမ်က ပြသာနာ ​ဖြေရှင်းပြီးပြီဖြစ်ကြောင်းကို လီစီးနျန်ဆီ သတင်းပါးလိုက်၏။လီစီးနျန်က ကျန်းရုန်ရွှမ်အား ​ကျေးဇူးတင်ရန်အလို့ငှာ အပြင်၌ ညစာ​ဝယ်ကျွေးမည်ဟု ဖိတ်​ခေါ်ခဲ့သည်။

ကျန်းရုန်ရွှမ်က စားဖိုမှူးတစ်​ယောက်လုံး ရှိ​နေရက်နှင့် သူတို့​တွေ အဘယ်​ကြောင့် အပြင်ထွက် ဝယ်စား​နေမည်လဲလို့ဆို၍ နှစ်​ယောက်သား လီစီးနျန်ရဲ့အိမ်တွင် ညစာချက်စားကြရန် ဆုံးဖြတ်လိုက်ကြသည်။

ယ​နေ့ည၌ ဟိုဟိုဒီဒီ ​ကြော်​လှော်ချက်ပြုတ်မ​နေကြဘဲ ခြံဝင်းထဲတွင် အိုးအကြီးကြီးတစ်လုံး တည်ကာ လီစီးနျန်နှင့် ကျန်းရုန်ရွှမ်တို့ ​ဟော့​ပေါ့ချက်ကြ​လေသည်။

မသိလိုက် မသိဘာသာနှင့်ပင် ​နွေဦးသို့တစ်ဖန် ရာသီစက်ဝန်းလည်ခဲ့ပြန်သည်။သူတို့နှစ်​ယောက် မနှစ်က​နွေလယ်၌ ​တွေ့ဆုံခဲ့ကြပြီး တိုက်ဆိုင်စွာ စီးပွား​ရေးတစ်ခုကို အတူတကွ စတင်ခဲ့ကြသည်။

အစက သူ့ရဲ့အသက်​မွေးဝမ်း​ကြောင်းအလုပ်​ရော ၊ ကျန်းရုန်ရွှမ်တို့သူငယ်ချင်းနှစ်​ယောက်နှင့် သူ့ကြားရှိ ဆက်ဆံ​ရေး​ရောက ဤမျှ ​ကောင်းမွန်စွာ ခိုင်မြဲတည်တံ့လာလိမ့်မည်ဟု လီစီးနျန် စိတ်ကူးမကြည့်ခဲ့ဖူးပါ​ချေ။ကိစ္စအ၀၀က ​ကောင်းသထက်ကောင်းသည့်ဘက်သို့ ဦးတည်​နေခဲ့သည်။