ပြန်လည်​မွေးဖွားလာပြီးတဲ့အခါငါကငါးဆားနယ်​လေးတစ်​ကောင်ဖြစ်ချင်ရုံပါ《ဘာသာပြန်》

အခန်း(၆)မိတ်ဆုံစားပွဲပြီး​နောက် ​ပျော်ပါးကြခြင်း

Scroll down for Zawgyi.

Unicode

[ T/N ; တာ့ကျား​ဟောင် ၊ ထိပ်ဆုံးတည့်တည့်ကြီးမှာမှ Translator note ထည့်ရတာလည်း အားနာပါတယ်။ အရင် အပိုင်း ၅ မှာ ကိုယ် လီစီးနျန်နဲ့ချွမ်းဟယ်​ဆောက်လုပ်​ရေးကလူ​တွေ ထမင်းစားကြတာကို Eng tran က dinner လို့သုံးထားတာနဲ့ ညစာစားပွဲလို့ ဘာသာပြန်လိုက်မိတယ်ရယ်။ အမှန်တကယ်က ညစာဆိုတဲ့သ​ဘောနဲ့ dinner လို့သုံးထားတာမဟုတ်ပါဘူး။ မိတ်ဆုံစားပွဲဆိုတဲ့အဓိပ္ပါယ်ပါ။ ကိုယ် အပိုင်း ၅ မှာ ညစာစားပွဲလို့ မှား​ရေးထားတာ​တွေကို ကိုယ် ရှာ​တွေ့သ​လောက် ပြန်ပြင်ထားပြီးပါပြီ။ တကယ်လို့ ကိုယ် မျက်စိလျှမ်းပြီး မပြင်ရ​သေးတဲ့​နေရာ​တွေ ​တွေ့ရင်လည်း ​ထောက်ပြပါဦး​နော်။ ပြန်​ပြောပါ့မယ်။ ညစာစားပွဲမဟုတ်ဘူး​နော်။ မိတ်ဆုံစားပွဲပါ။ အဲဒါဆို ​အောက်မှာ ဆက်ဖတ်လို့ရပါပြီ ]

~~~~~~~~~~~~~××××××~~~~~~~~~~~~~

တာ၀န်ခံအရာရှိငါးဦးတို့ဟာ ​မြွေတစ်​ကောင်လုံး ထီးထီးကြီးပါရှိ​နေတဲ့ အနှီအရက်ပုလင်းကြီးကို ကြည့်ရင်း သူတို့ရဲ့မျက်နှာ​တွေက အလန့်တကြား ​ကြောက်ရွံ့မှုမှ​နေ ဇ​ဝေဇဝါဖြစ်ခြင်းသို့ တဖြည်းဖြည်းချင်း ​ပြောင်းလဲသွားကြသည်။

ငါတို့က ဘယ်သူ​တွေလဲ ??? ငါတို့ အခု ​ဘယ်​နေရာ​ရောက်​နေကြတာလဲ ??? ငါတို့​တွေက ဘယ်လိုဖြစ်လို့များ ​မြွေနဲ့လုပ်ထားတဲ့ အရက်​သောက်ဖို့ကို ဒီ​နေရာဆီ ​ရောက်လာကြရတာလဲ​နော် ??????

လီစီးနျန်က အလွန် လျင်မြန်စွာ ပြုမူလှုပ်ရှားလိုက်သည်။ထိုလူငါး​ယောက် ကြက်​သေ,​သေ ​ကြောင်အ​နေစဉ်မှာပဲ လီစီးနျန်က အရက်ပုလင်း ဖွင့်တာ ၊ အရက်ခွက်​တွေ ​နေရာချတာနှင့် ​ယောက်ချိုဇွန်း ယူတာရယ်​တွေကို လုပ်​ဆောင်ပြီးသွားပြီဖြစ်ကာ အရက်ခပ်ထည့်​ပေးရန် အဆင်သင့်​တောင်ဖြစ်လို့​နေပြီဖြစ်သည်။

အရက်ပုလင်းအား အဖုံးဖွင့်လိုက်​သောအခါ၀ယ် ​ဆေးမြစ်​မွှေးရနံ့​တွေ ​ရောယှက်​နေတဲ့ အရက်နံက သီးသန့်အခန်းအတွင်းတွင် တစ်ပြိုင်နက် ပျံ့နှံ့သွားသည်။အထူး​ပြော​နေစရာကို မလိုအပ်ပါ​ချေ။အနံ့အသက်က အ​တော်​လေး ကြိုင်သင်း​ကောင်းမွန်လှပါ၏။