ပြန်လည်​မွေးဖွားလာပြီးတဲ့အခါငါကငါးဆားနယ်​လေးတစ်​ကောင်ဖြစ်ချင်ရုံပါ《ဘာသာပြန်》

အခန်း(၃၉)ဒဏ်ခတ်ခံရခြင်း

Scroll down for Zawgyi.

Unicode

အစက လီစီးနျန်တစ်​ယောက် ဝမ်း​ရေး​ဖြေရှင်းရန် ကြုံရာကျပန်း ဟင်း​လေးနှစ်ခွက်​လောက် ချက်မည်စီစဉ်ထားရာက​နေ ကျန်းရုန်ရွှမ် ​ရောက်လာသဖြင့် အနည်းငယ် လူလူသူသူ​လေး ချက်ပြုတ်လိုက်ရသည်။

အခု ရာသီဥတု သိပ်မ​အေး​သေး။လီစီးနျန် အ​အေးစာတချို့ ချက်လိုက်ပြီး ​မ​​နေ့ညက ရေခဲ​သေတ္တာထဲ ထည့်ထားခဲ့​သော အချိုရည်အ​အေး​တွေကိုပါ ထုတ်ယူလိုက်သည်။

လီစီးနျန် ပန်းကန်ပြားတစ်ချပ်နှင့် ထွက်လာသည်ကို မြင်​သောအခါ ကျန်းရုန်ရွှမ်က ပြုံးလိုက်သည်။
" ​ကော​ကောက ကျွန်​တော် အိမ်လာတဲ့အချိန်တိုင်း ​အ၀အလင်​ကျွေးဖို့ အတော်​လေး တက်ကြွတာပဲ "

အနှီစကားကို ကြားကြားချင်း လီစီးနျန်ရဲ့ပန်းကန်ပြားကိုင်ထားသည့် လက်​လေးက တုံ့ခနဲ။

တို့​တွေ အစားအ​သောက်အ​ကြောင်း ​ပြောတာမဟုတ်လား ??? စကားကြီးက ထူးဆန်းလိုက်တာ ???

ကျန်းရုန်ရွှမ်မျက်နှာကို ​မော့ကြည့်ပြန်​တော့လည်း ပုံမှန်ပဲမို့ လီစီးနျန် သူ့ကိုယ်သူ အ​တွေး​ချော်​နေသည်ဟု ခံစားလိုက်ရသည်။

တက်ကြွတယ် ...... အဝအလင်​ကျွေးဖို့ ...... အဲဒါ အစားအ​သောက်​အကြောင်း​ပြော​နေတာ ၊ အစားအ​သောက်​အကြောင်း​။ ကျန်းရုန်ရွှမ် အိမ်​ရောက်လာ​လေတိုင်း သူ အားကြိုးမာန်တက် ​ကျွေး​မွေး​နေတယ်ဆိုတာက တစ်ဖက်လူ ဗိုက်မ၀မှာစိုးရိမ်လို့​ပေ။

ဟင်းလျာများက စားပွဲတွင် အလျှံအပယ်။နှစ်​ယောက်သား အသီးသီး ထိုင်လိုက်ကြ၏။

ဒီ​နေ့ ကျန်းရုန်ရွှမ် စိတ်အ​ခြေအ​နေ​ကောင်းမွန်ပုံမရ။ယခင့်ယခင် သူတို့နှစ်​ယောက် အတူတကွ ထမင်းစားကြလျှင် ကျန်းရုန်ရွှမ်က ကရား​ရေလွှတ် တတွတ်တွတ် စကားအများကြီး ​​ပြော​လေ့ရှိသည့်တိုင် ယခု တစ်ခွန်းဆိုတစ်ခွန်းမျှ မဟ​ချေ။

တိတ်ဆိတ်မှုက လူ​တွေကို အလွယ်တကူ အာရုံ​ထွေပြား​စေနိုင်သည်။ရုတ်တရက်ကြီး လီစီးနျန် ကိစ္စတစ်ခုကို ကျန်းရုန်ရွှမ်ထံ အတည်ပြုချင်လာသည်။ ​ကျန်းရုန်ရွှမ် ​ပြောပြဖူးတဲ့ အထက်တန်း​ကျောင်းမှာ သူ့ကို ကူညီ​ပေးခဲ့တဲ့ ရွှယ်ကျန်း(စီနီယာ)က သူ(လီစီးနျန်)လား ???