أنا والماضى

الحلقة الثامنة

حسام : اذيك يا هاجر وحشتينى
هاجر : ياريت يا حسام تخش فى الموضوع على طول
حسام : اوكى زى ما تحبى ، اتفضلى (واداها ظرف مقفول)
هاجر : ايه ده
حسام : ظرف
هاجر : ايوة مانا عارفة ، فى ايه يعنى الظرف ده
حسام : فى مفاجأة هتفرحى اوى لما تشوفيها افتحيه
(. مسكت هاجر الظرف وبكل ترقب وقلق وخوف وارتباك ولهفة فتحت الظرف وطلعت اللى جواه وشافته .)
هاجر(بقلق):ايه ده يا حسام
حسام : ايه رأيك فى المفاجأة دى
هاجر : الصور دى مزورة (حسام ركب لـ هاجر صور فى اوضاع مُخلة مع اكتر من رجل)
حسام : طب مانا عارف ، بس لما الصور دى تتنشر على النت حد هيهتم مزورة ولا لا
هاجر : نت !!
حسام : انا هعمل معاكى deal (اتفاق) ، توافقى على الجواز العرفى مقابل انى اخفى الصور دى خااالص او ترفضى وفى المقابل هعملك فضيحة
هاجر : فضيحة !!! انت ازاى قدرت تعمل فيا كده انا عملت فيك ايه عشان تأذينى الاذية دى
حسام : معملتيش حاجة بس انا عايزك وانتِ رافضة مفيش طريقة غير دى
هاجر : انت .........
حسام (يقاطعها) : انا مش هسمع اى كلمة منك دلوقتى فكرى براحتك كده وبعد بكرة قابلينى فى نفس المكان والمعاد وقوليلي رأيك
هاجر : وانت فاكر انى ليا رأى غير الرفض
حسام : ههههه اه طبعاً فكرى كده وشوفى انا ممكن اعمل ايه بالصور دى فكرى على مهلك اه صحيح بصى على الصور كويس هتعرفى ان صعب اوى حد يقدر يكشفها خليهم معاكى انا معايا نسخ كتير على الموبايل واللاب وعاملهم فلاشة مخصوص سلام يا قطة (ومشى)
(. هاجر متمسمرة فى مكانها من الصدمة والخضة والخوف وبعد شوية قررت تروح وتفكر هتعمل ايه .)
*_____________________________________________**___________________________*
فى بيت ياسمين :
ياسين : ها يا ياسو يا حبيبتى عملتى ايه
ياسمين : ياسو وحبيبتك ايه الحنية دى كلها
ياسين : انتِ عارفة انى طول عمرى حنين معاكى
ياسمين : ماشى يا عم الحشاس ههههههه
ياسين : قوليلي بقى عملتى ايه مع هاجر
ياسيمن : خلاصة الحوار .......
ياسين يقاطعها : خلاصة ايه انا عايز التفاصيل
ياسيمن : اسمع بس ، البنت شكلها خجولة جداً ومكسوفة بس هى مُعجبة بيك يعنى فى قبول وانا عرضت عليها انكم تاخدوا شهر تعارف قبل اى خطوة رسمي وطبعاً لانها مُحرجه منى ومنك قولتلها ملكيش دعوة وانا هظبطها
ياسين : تظبطى ايه
ياسمين : اول لقاء بينكم يعنى
ياسين : وهتعملى ايه يا ام العُريف
ياسمين : هكلمها بكرة واتفق معاها اننا نخرج سوا بعد بكرة وبعد شوية تجى انت ويوسف علينا انا اقعد مع يوسف وانت تقعد مع هاجر
ياسين : انت بتتلككى بقى عشان تقعدى مع يوسف
ياسمين : الله امال هقعد لوحدى
ياسين : لا طبعاً ازاى ودى تجي ، طيب ما تكلميها دلوقتى وتخلى الحوار ده بكرة
ياسمين : فى يومها كده ازاى يعنى
ياسين : والنبى والنبى والنبى والنبى والنبى والنبى
ياسمين : طيب طيب خلاص استنى (واتصلت ياسمين بـ هاجر)
ياسمين : موبايلها مقفول
ياسين : طب حاولى معاها لو الموبايل متفتحش قولى لها بكرة فى الشغل
ياسمين : طووووويب ماشى هقوم انام شوية بقى
ياسين : اوكى
*_____________________________________________**___________________________*
فى بيت حسام :
حسام : مالك يا علا
علا : مفيش
حسام : شكلك مضايقة
علا : لا مش مضايقة
حسام (قرب منها) : مالك يا حبيبتى فى ايه
علا : يهمك اوى تعرف فى ايه
حسام : ايوة طبعاً
علا : انت مش وعدتنى اننا هنخرج نتغدى سوا النهاردة ونقضى اليوم كله بره الساعة دلوقتى ٧:٣٠ وانا مستنياك من الساعة ٣
حسام : اووووه ده انا نسيت خالص والله يا حبيبتى غصب عنى كان عندى شغل مهم
علا : نسيت !! انت بقيت بتنسى حاجات كتير اوى الايام دى (ومشيت وسابته)
حسام (راح وراها) : انا مش قولتلك انى الايام دى فى كام حاجة ملخبطانى عشان كده استحمليني
علا : وانا كده مش مستحملاك ، انت عارف بقالى قد ايه مخرجتش معاك وكل مرة تقولى ظروف واستحملينى انا تعبت
حسام : انا اسف يا روح قلبى وبعدين احنا لسه فيها
علا : يعنى ايه
حسام : يعنى يالا نتعشى فى احسن مكان فى القاهرة ونقضى الليلة بره برضه
علا : بجد يا حسام
حسام : بجد يا روح قلب وحياة حسام ، انا هدخل اخد دش على ما تكونى جهزتى اوكى
علا (بفرحة الاطفال) : اوكى يا روحى
(. دخل حسام ياخد دش وموبايله رن .)
علا : لينا تانى ، يا ترى عايزة ايه من جوزى يا ست لينا
(. اتصلت كتير جداً .)
علا : والله لارد
علا : الو
لينا : ايه ده ، مش ده رقم الاستاذ حسام
علا : ايوة بس هو مش عارف يرد دلوقتى
لينا : اممممم حضرتك المدام
علا: ايوة
لينا : اوكى ، ممكن تقوليله انى اتصلت بيه وتخليه يكلمنى ضرورى
علا : اقوله مين
لينا : قوليله لينا عميلة عنده فى الشغل
علا : اوكى
لينا : تشرفنا يا مدام باى
علا لـ نفسها : ايه المياصة والمياعة دى ، ربنا يحفظك يا حسام يا حبيبي من الاشكال دى
حسام : انا حاسس ان ربنا بيسترها معايا عشان دعواتك دى
علا : ربنا يخليك ليا يارب ويحفظك من كل سوء ، اه فى واحدة اسمها لينا اتصلت عليك ، خد كلمها(وادته الموبايل)
خد حسام الموبايل وقال : امممم اكلمها ، طيب اهو (وقفل الموبايل)
علا : ايه ده
حسام : النهاردة ده يومك لوحدك ، الموبايل ده هيفضل مقفول وبكرة كمان مش هروح الشغل ، الليلة وبكرة انا ليكي لوحدك
علا : انا بحبك اوى يا حسام (وحضنته) (كفاية كده بقى عشان منأڤورش :D )
*_____________________________________________**___________________________*
تانى يوم فى شغل هاجر :
ياسمين : هاجر يا هاجر هاجر
هاجر : فى ايه يا ياسمين خضتنيى
ياسمين : بقالى ساعة بكلمك سرحانة فى ايه كده
هاجر : مفيش انتِ كنتى عايزة ايه
ياسمين : لا يا هاجر شكلك مش فى الموود عشان احكيلك
هاجر : انتِ كنتى هتتكلمى فى موضوع ياسين اخوكى صح
ياسمين : ايوة بالظبط
هاجر : ممكن اطلب منك طلب
ياسمين : اتفضلى
هاجر : ممكن تأجلى موضوع ياسين شوية اسبوع كده او عشر ايام لانى عندى ظرف عائلى طارئ شاغلنى جداً
ياسمين : اوكى يا حبيبتى ولا يهمك بس فى حاجه اقدر اقدمهالك او اساعدك فيها
هاجر : لا يا حبيبتى متشكرة لو احتجت حاجه هقولك
ياسمين لـ أمنية : هى هاجر مالها
أمنية : والله من الصبح بحاول اعرف مالها مرضيتش تقولى حاجه
ياسمين : ربنا معاها شكلها حزينة اوى
*_____________________________________________**___________________________*
بالليل فــى بيت مــى :
مى : انا مش عارف انت ليه مُصمم انى اقابل العريس ده
وائل : معدش ينفع النقاش الرجل واهله بره
سماح : خلاص يا وائل هتطلع
(. خرجت مـى لقيت حسام وشادى وعلا وفى استقبالهم وائل وابو مى وامها واخوها الكبير ، مى معرفتش تاخد اى رد فعل لكنها كانت مبسوطة جداً وفى نفس الوقت مضايقة من المقلب اللى عمله فيها شادى ، بعد شوية دخلت مى وامها وعلا جوه عشان الرجالة يتفقوا على التفاصيل وحصل شد فى الكلام بين حسام وبين اخو مى الكبير بسبب تناكة حسام عليهم ولكن وائل هدأ الوضع وقرأوا الفاتحة ومازال حسام مش عاجبه النسب .)
بعد ما مشيوا اتصلت مى بـ شادى ....
مى : ايه المقلب البايخ ده
شادى : بذمتك مكنتيش مبسوطة
مى : اكيد يعنى
شادى : انا بس حبيت اعملهالك مفاجأة
مى : كانت مفاجأة حلوة اوى ، بس ايه اللى اخوك عمله ده ايه التناكة دى كلها
شادى : ملناش دعوة بيه ، احنا نتجوز وهو مع الوقت هيقبل الوضع
مى : وهو مش قابله ليه بقى ان شاء الله
شادى : يوووووه يا مى ما قولنا ١٠٠ مرة عشان جايب عروسة من طرف مراته
مى : مراته دى ستايل ودلوعة اوى هى عندها كام سنة ؟
شادى : حوالى ٣٢ سنة
مى : يالهووى دى شكلها ٢٥ سنة بالكتير
شادى : هههههه هى علا كده شكلها اصغر من سنها بس هى اصلاً high class اوى يعنى جامعة امريكية وجنسية امريكية بقى وحركات
مى : امممم وحسام برضه باين عليه انه ميكملش ٣٠ سنة هما عاملين فى نفسهم ايه
شادى : هههههه بيحاولوا ميزعلوش ابداً
مى : ربنا يسعدهم يارب ، هروح عشان ماما بتنادينى باى دلوقتى
*_____________________________________________**___________________________*
فى بيت هاجر :
(. للاسف رجعت هاجر لحالة الاكتئاب تانى بس المرة دى ممزوجة بصدمة وتعاسة وحزن وخوف وقلق ودموعها مبتوقفش .)
هدى : ايه يا هاجر بس اللى حصل
هاجر : فى ايه يا ماما
هدى : رجعتى للاكتئاب تانى ليه
هاجر : ماما ممكن اطلب منك طلب
هدى : اطلبى
هاجر : استحملينى الايام دى والنبى ومتضغطيش عليا بالكلام ممكن
هدى : وانا ازاى اسيبك فى الحالة دى
هاجر : معلش يا ماما عشان خاطرى
هدى : حاضر ، ربنا يريح قلبك وفكرك يا بنتى
(. قعدت هاجر بتفكر ومش عارفة تعمل ايه مفيش اكل ولا نوم من ساعة مقابلة حسام ، كل شوية تفتح الصور وتبص عليهم تقرف من نفسها انها ارتبطت بواحد زى حسام .)
هاجر لـ نفسها : طب انا هعمل ايه دلوقتى الصور فعلاً متبنش خالص انها متركبة وبعدين هو لو نزلها على النت زى ما بيقول فى حد هيهتم متركبة ولا لا ، لو فى ١٠٠ واحد شافوها على الاقل ٥٠ واحد هيصدقوا ان اللى فى الصور دى انا ، وحسام الكلب مفيش ولا صورة موجود فيها عشان الفضيحة تبقى بعيدة عنه كلها صور مع ناس قذرة تانية ، انا بجد مش عارفة اعمل ايه ، طيب مانا لو طوعته ممكن ميعملش حاجه بالصور دى ، تطاوعيه انتِ اتهبلتى يا هاجر ، ازاى تأمنيله انه ميصوركيش ڤيديو او انه كل ما يكون عايز يرضى غريزته الحيوانية يهددك بالصور دى انتِ ازاى اصلاً تعملى حاجة زى كده ، بس برضه مفيش حل غير كده ، ياااااااااارب اوقف جنبى ، اعمل ايه بس !!
(. فضلت هاجر صاحية لتانى يوم ومرحتش الشغل وقعدت تفكر ومستنية لحد ما جه معياد حسام واتصلت بيه وطلبت منه تقابله .)
*_____________________________________________**___________________________*
فـى مقابلة حسام :
حسام : شكلك منمتيش
هاجر : وانا ازاى يجينى نوم بعد اللى انا ناوى تعمله فيا ده
حسام : انتِ اللى غصبتينى اعمل كده
هاجر : وانا ايه يضمنلى انى لو عملتلك اللى انت عاوزه مش ترجع تهددنى تانى
حسام : ليه هو انتِ ناوية مرة واحدة بس
هاجر : امال انت عايز ايه
حسام : هيبقى بينا جواز وهتبقى مراتى واستحالة افضح مراتى
هاجر : عُـــرفــى !!
حسام : لا طبعاً رسمى بس زى ما قولتلك مفيهوش اشهار
هاجر : وهو ده جواز
حسام : هاجر انا مش جاى ارغى انا جاى اسمع قرارك ، لو وافقتى هاخدك دلوقتى على المأذون ومن المأذون على البيت موافقتيش انتِ حرة بس متلومنيش
هاجر : انا مش قادرة اصدق انك حسام
حسام : يا حبيبتى انا .........
هاجر : حبيبتك !!!
حسام : يووووووه مش عايز رغى كتير خلصينى وقوليلى رأيك ؟
هاجر : ........................

#يتبع