أنا والماضى

الحلقة التاسعة عشر

بعد يومين : اتصل يوسف بـ ياسين ....
يوسف : ياسين تعالى عندى بسرعة
ياسين : خير
يوسف : عرفت القاتل
ياسين : مين
يوسف : مينفعش فى الموبايل تعالى انا مستنيك
ياسين : ماشى شوية وهكون عندك
(. غير ياسين هدومه وفتح باب الشقة لقى هاجر فى وشه .)
ياسين : انتِ تانى ؟
هاجر : ليه يا ياسين القسوة دى انت اتحولت كده ازاى
ياسين : زى مانتِ اتحولتى بالظبط ، فاكرة يا هاجر انتِ كنتى فى نظرى ازاى كنت مستكترك عليا ، كنت مستغرب ازاى الملاك ده نزل من السما وجه يعيش معايا فجأة كل حاجه اتقلبت ٣٦٠ درجة ، كنتى على علاقة برجل سمعته طين وانا اللى عملت التحريات عنه بنفسى وعرفت كان بيعمل ايه فجأة اكتشف ان مراتى كانت على علاقة بيه ، فجأة اكتشف ان الملاك خرج فى نصاص الليالى وراحت مكان متوقع جداً يكون الرجل ده فيه ، ازاى عيزانى اصدق انه ما لمسش منك شعرة زى ما بتقولى قبل الجواز وليه ميكونش كمان بعد الجواز
هاجر : يا ياسين عيب الكلام ده ، انت عارفنى كويس وعارف اخلاقى
ياسين : اللى عرفتها وحبيتها واتجوزتها واحدة تانية غير اللى شوفتها فى المباحث ، اللى عرفتها وحبيتها واتجوزتها بالنسبة ليا ماتت وشبعت موت
هاجر : للدرجة دى ........
ياسين يقاطعها : عن اذنك عندى شغل (ومشى وسابها)
*_____________________________________________**___________________________*
فى المباحث :
يوسف : بعد ما هاجر سلمتنى اللاب والفلاشات والموبايل خدناهم حرز
ياسين : تمام
يوسف : وطبعا انت عارف ان فى اى جريمة قتل بنراجع اخر مكالمات القتيل وايملاته والحاجات دى
ياسين : تمام
يوسف : اخر ايميل وصل القتيل كان الساعة خمسة تقريباً يعنى قبل وقوع الجريمة بـ ٧ او ٨ ساعات وكان بخصوص شغله بس من فترة الساعة ٥ لـ ٩ حصل كام مكالمه
ياسين : وقبل كده
يوسف : كلها مكالمات لم يرد عليها احد ومعظمها من ستات
ياسين : والمكالمات دى كانت لمين
يوسف : احنا بعتنا لـشركة الاتصالات عشان تجيبلنا تقرير بكل المكالمات والتقرير اهو
ياسين : تمام
يوسف : المكالمة الاولى كانت الساعة ٥:٠٩ بالظبط >> كان هو اللى متصل بواحد اسمه ( محمود ناجى ابو الوفا ) المكالمة كانت مدتها ١٢ دقيقة و٣ ثوانى وبعد التحريات اكتشفنا ان محمود ابو الوفا ده اصلاً بره مصر ومن سنين والتحريات كشفت ان زوجته ( وفاء كامل ابو الوفا ) هى اللى معاها الرقم ده وعملنا لها ضبط واحضار وحققنا معاها واستبعدنا انها تكون القتيلة
ياسين : وتانى مكالمه
يوسف : تانى مكالمه كانت الساعة ٦:٥٧ كان من رقم بيتصل عليه من قبلها بـ يوم وهو مكنش بيرد ولما رد اتكلم ٤ دقايق ٤٥ ثانية والرقم ده بـ اسم ( وائل منصور الشربينى ) وده صاحبه وشريكه
ياسين : انا فاكر اننا محققناش معاه
يوسف : ايوة هو مكنش طرف مهم فى القضية اصلاً ومحدش جاب سيرته بحاجه مهمة المهم ان عملتله ضبط واحضار
ياسين : كويس اوى
يوسف : المكالمة التالته كانت الساعة ٨:٠٥ ودى كانت لموظف فى الشهر العقارى تقريباً معرفة القتيل واللى فهناه من التحقيق ان القتيل كان متصل بيه عشان يتأكد ان مراته باعت لنفسها كل حاجه او يلغى التوكيل
المكالمة الرابعة بقى كانت الساعة ٨:٣٠ والرقم بـ اسم شادى اخو القتيل ، الغريب بقى ان شادى لما حققنا معاه قال ان هو راح لـ حسام تقريباً الساعة ٦ وبعد ما حصل بينهم الخلاف لا شافه ولا كلمه ، والمكالمة كانت مدتها دقيقتين ، ليه مقالش انه كلمه !!
ياسين : انت بتشك فيه
يوسف : جداً مش بشك بس
فى الفترة من ٨:٣٠ لـ ٨:٤٨ القتيل اتصل بـ رقم اكتر من مرة ، بس عرفنا بعد كده ان الرقم ده غير مستخدم
ياسين : وده رقم مين ؟
يوسف : اخر مكالمه بقى هى .......
ياسين : الرقم اللى اتصل بيه ده رقم مين
(. يوسف مردش وخد ياسين التقرير وبص على الرقم .)
ياسين : ده رقم هاجر القديم
يوسف : قديم ازاى
ياسين : هاجر بعد ارتباطنا بفترة غيرت رقمها
يوسف : ده معناه انها فعلاً مكنتش على اى اتصال بيه بعد جوازكم
ياسين : ما علينا كمل
يوسف : المكالمة الاخيرة كانت الساعة ٨:٥٨ تقريباً وكان الرقم بـ اسم (وائل منصور الشربينى )
ياسين : كلمه تانى
يوسف : بس المرة دى من رقم تانى والمكالمة مكملتش دقيقة
ياسين : انا شكى متوزع بين شادى ووائل ده
يوسف : عموماً انا عملت ضبط واحضار ليهم
ياسين : يعنى هنحقق معاهم النهاردة
يوسف : اه ساعة كده بالكتير
*_____________________________________________**___________________________*
التحقيق مع شادى :
يوسف : انت قولت قبل كده انك من ساعة خلافك مع القتيل مشوفتوش ولا كلمته
شادى : ايوة
يوسف : بس موبايل القتيل بيقول غير كده
شادى : مش فاهم
يوسف : انت حصل مكالمه بينك وبين حسام الساعة ٨:٣٠ وكانت مدتها دقيقتين
شادى : لا يا افندم محصلش
يوسف : محصلش ازاى !! ده تقرير من شركة الاتصالات يعنى معلومات مؤكده
شادى : يا افندم انا متأكد
يوسف : ازاى يعنى كلامك مش منطقى
شادى : عن اذن حضرتك ثانية واحدة (وطلع شادى موبايله)
يوسف : اتفضل
شادى : ايوة فعلاً كلام حضرتك مظبوط فى مكالمه من حسام فى سجل المكالمات زى ما حضرتك بتقول
يوسف : يعنى حد رد على موبايلك ؟
شادى : ممكن المدام لا مش ممكن ده اكيد هى
يوسف : اممممممممم
شادى : يا افندم انا عندى تسجيل مكالمات واكيد المكالمه موجودة
(. دور شادى على المكالمة وبالفعل لقاها وكانت كالآتى .)
*_______*
حسام : ايوة يا شادى
مى : انا مش شادى
حسام : مى ؟
مى : ايوة
حسام : انا اسف يا مى بجد اسف وعارف ان كلمة اسف دى قليله على اللى عملته معاكى بس معرفش انا عملت كده ازاى انا متصل عشان اعتذرلك واعتذر لـ شادى
مى : يا سلام وتفتكر اعتذارك ده هنقبله
حسام : انا معنديش حاجه اقدمها غير الاعتذار ياريت تسامحينى وياريت تخلى شادى يسامحنى
مى : انا عمرى ما هسامحك ولو جوزى مجبليش حقى منك انا هجيبه حتى لو وصلت لقتلك
حسام : قتلى مش هيفيدك بحاجه بالعكس هيضرك ، المسامح كريم يا مى وفعلاً فعلاً انا مكونتش فى وعيي عموماً بلغى شادى اعتذارى وسلميلى عليه كتير جداً سلام
*_______*
يوسف : اممممم انا مضطر اعمل للمدام ضبط واحضار
شادى : ليه
يوسف : فى تهديد صريح فى نص المكالمه
شادى : يا افندم ده كلام فى ساعة غضب
يوسف : طالما اسمها جه فى القضية لازم نحقق معاها
(. هنا دخل ياسين .)
ياسين : يوسف لو سمحت عايزك فى مكتبى
يوسف : حاضر
فى مكتب ياسين .......
ياسين : خدت بالك انت من الجزء ده فى تقرير الطب الشرعى
يوسف : مش فاهم
ياسين : فيما معناه انهم لقيوا ولاعة تحت الكنبة ورفعوا البصمات من عليها وطلعت البصمات دى مُطابقة لـ وائل منصور الشربينى
يوسف : ده مكنش موجود فى التقرير
ياسين : لا التقرير ده لسه واصل من شوية ، التقرير الاول كان تشريح الجثة وسبب الوفاة والتانى عن رفع البصامات
يوسف : تمام
ياسين :ده غير ان فى واحد اسمه جلال اسم موجود عندك فى التحقيقات قال انه شاف القتيل اكتر من مرة بيروح شقة فى الزمالك والتحريات اثبتت ان الشقة دى باسم (مُشيرة منصور الشربينى) اللى هى اخت وائل ده
يوسف : قصدك ان القتيل كان على علاقة بـ مشيرة دى فـ وائل اللى هو اخوها قتله
ياسين : عندك تفسير تانى
يوسف : لا عموماً وائل محجوز هنا تعالى انت حقق معاه
ياسين : طيب
*_____________________________________________**___________________________*
التحقيق مع وائل :
ياسين : ايه علاقتك بالقتيل
وائل : صاحبه وشريكه
ياسين : اخر مرة شوفت فيها القتيل كانت امتى
وائل : قبل الحادثة بيوم او يومين
ياسين : بتدخن ؟
وائل : لا
ياسين : انت مروحتش للقتيل خالص قبل وقوع الجريمة
وائل : لا
ياسين : طيب ممكن تحكيلي تفاصيل المكالمتين
وائل : مكالمات ايه
ياسين : مكالمة من الرقم *********٠١ الساعة ٦:٥٧ ومكالمه تانية من الرقم ********* 01الساعة ٨:٥٨
وائل : انا كلمته عشان اسأله على حاجات خاصة بالشغل
ياسين : يعنى كلمته فى المرتين عشان تسأله عن شغل
وائل : اه
ياسين : تفسر بـ ايه بصامات حضرتك الموجودة على ولاعة القتيل
وائل : انا انا .......
ياسين :طب تفسر بـ ايه ان الرقم الاولانى مكتوب بـ اسمك بس اللى شايله اختك ( مُشيرة منصور الشربينى )
وائل : اه اممم انا .......
ياسين : طب تفسر بـايه ان مفيش غيرك انت اللى عارف ان الشركة متراقبة
وائل : يا افندم انا .......
ياسين : انت مش ادامك اى حل غير انك تعترف
وائل : اعترف بـ ايه
ياسين : تعترف بانك اللى قتلت حسام عشان كان على علاقة باختك
(. هنا وائل انهار تماماً وقرر انه يعترف وبدأ يحكى تفاصيل القصة .)
وائل : انا كنت رايح لـ اختى عشان اخدها تشوف امى
Flash back
وائل : يالا غيري وتعالى معايا ماما عايزة تشوفك
مشيرة : طيب اوكى استنانى هغير هدومى
(. ودخلت مشيرة تغير هدومها .)
وائل بصوت عالى : يا مُشيرة يا مُشيرة
مشيرة : خير يا وائل فى ايه
وائل : انت بتدخنى
مشيرة : لا لا طبعاً
وائل : امال الولاعة دى بتاعة مين
مشيرة : اه دى بتاعة صاحبتى كانت هنا عندى
وائل : وصاحبتك اسمها ايه ؟
مشيرة : اسمها اممم اسمها اميرة
وائل : بس الولاعة مكتوب عليها علا
مشيرة : تبقى بتاعة علا اصلهم هما الاتنين بيدخنوا
وائل : (وجاب مشيرة من شعرها) علا ولا حسام يا فاجرة عشان كده كنتى عايزة تعيشي لوحدك عشان تدورى على حل شعرك يا صايعة هى دى اخرتها كنت عايزة تصيعي من غير ما حد يحكمك عشان كده كنتى مصرة تطلقى عشان مش عايزة تعيشى مُحترمة ولا عايزة تعيشى فى الحلال يا ****** و يا ******
(نزل فيها ضرب وشتيمة ومش مديلها فرصة تتكلم )
وائل : فين ورقة الجواز العرفى
مشيرة بتعيط ومبتردش
وائل : فين هى وانتِ اصلاً عرفتيه فين
مشيرة : فـ فـ فـ فى النادى
وائل (وجابها تانى من شعرها) : يعنى اللى كان بيتكلم عليها انتِ اللى منسياه الدنيا انتِ اللى كان بيقول عليها شمال و***** و ****** انتِ يا مشيرة كده معناها ان مفيش ورقة جواز ولا حتى عرفى
(. طلع وائل طاقته من الضرب والشتيمة فى مشيرة وخرج من عندها وراح لـ حسام .)
*__________*
(. خلص وائل اقواله وقال انه تخلص من جهاز المراقبة ، وتم اخذه لـ مسرح الجريمة لـ تمثيل الجريمة، وتم تحويله للنيابة .)
*_____________________________________________**___________________________*
ياسين : انا مش مُقتنع
يوسف : مش مُقتنع بايه
ياسين : مش مُقتنع بان وائل ده هو القاتل
يوسف : اشمعنى يعنى
ياسين : واحنا فى مسرح الجريمة كان متردد كده وخايف
يوسف : واحد هيتعدم عايزه يعملك فرح طبيعي جداً لازم يكون خايف
ياسين : برضه مش مُقتنع
يوسف : ياسين اسكت الله لا يسيأك انا ماصدقت خلصت من ام القضية دى عايز اتجوز
ياسين : طيب
يوسف : انت مفيش امل ترجع انت وهاجر
ياسين بنبرة حزن : هاجر !!! هاجر كسرت فيا حاجات كتير اوى صعب اى حد يداويها ولا حتى الزمن
يوسف : صدقنى هى .......
ياسين يقاطعه : انا مش قادر اسمع حاجه بجد واكيد انا مش غاوى اسيب اللى البنت اللى بحبها او اطلقها اكيد كل ده غصب عنى عن اذنك (ومشى وسابه)
*_____________________________________________**___________________________*
تانى يوم فى بيت ام هاجر :
هدى : مالك يا هاجر بتعيطى ليه
هاجر مبتتكلمش
هدى : يا بنتى ردى عليا مالك
هاجر : انا حامل يا ماما فى شهرين
هدى : طب ودى حاجه تزعلك دى حاجه تفرح اوى
هاجر : انتِ نسيتى انى اتطلقت يا ماما
هدى : يا حبيبتى اول ما ياسين يعرف انك حامل هينسى كل حاجه
هاجر : يعنى اقوله
هدى : طبعاً بكرة تروحيله وتقوليله
*_____________________________________________**___________________________*
تانى يوم الصبح بدرى :
(. راحت هاجر من بدرى جداً واستنت ياسين تحت شقتهم لحد ما ينزل يروح الشغل .)
ياسين : هاجر
هاجر : انا جاية اترجاك تسمعنى
ياسين : انا اللى بترجاكى تبعدى عنى كل ما اشوفك عفاريت الدنيا بتتنطط فى وشى
هاجر : يا ياسين فى حاجه بينا تستحق انك تسمعنى
ياسين : مبقاش فى حاجه بينا يا هاجر انا طلقتك خلاص
هاجر : ارجوك يا ياسين متضيعش اخر فرصة
ياسين : انتِ اللى موتى كل الفُرص
هاجر : مش يمكن اقولك حاجه تخلى كل حاجه تصحى تانى
ياسين : مش هثق فيكي تانى ولا حتى فى كلامك خلاص انسى ولو عندك ذرة احترام ليا او لنفسك متظهريش فى حياتى تانى ولو حتى صدفة
هاجر بكبرياء : ماشى يا ياسين مش هظهر فى حياتك تانى مهما كانت الظروف بس على الله انت بقى اللى متظهرش فى حياتى (ومشيت وسابته)
*_____________________________________________**___________________________*
فى بيت ام هاجر :
هدى : حصل ايه يا هاجر
هاجر : انا هكمل الحمل يا ماما بس ياسين مش هيعرف بيه
هدى : ازاى يا بنتى
هاجر بعصبية ودموع : هو ايه اللى ازاى ، انا كل ما اروحله يتهمنى فى شرفى ويحسسنى قد ايه هو مش طايقنى
هدى : انتِ قولتيله انك حامل
هاجر : واقوله ليه اذا كان هو هيكدبنى او مش هيصدق ان اللى فى بطنى ابنه ، ابوس ايدك يا ماما اوعى تقولي لـ ياسين انى حامل انا مش عيزاه يعرف
هدى : يا بنتى اللى بتقوليه ده مينفعش
هاجر : والله يا ماما لو عرفت ان ياسين عرف لامشى واسيبلك البيت ومش هتعرفى مكانى فين وانتِ عارفة انى مجنونه واعمل اى حاجه
هدى : ربنا يهديكى يا بنتى
*_____________________________________________**___________________________*
الضهر فى شغل ياسين :
العسكرى : يا افندم فى واحدة عايزة تقابل سعادتك بره
ياسين : واحدة مين
العسكرى : معرفش يا افندم
ياسين : طب دخلها
بعد ما دخلت .....
الست : مساء الخير يا افندم
ياسين : مساء النور اتفضلى
الست : ..................

#يتبع