أنا والماضى

الحلقة العشرين

بعد ما دخلت .....
الست : مساء الخير يا افندم
ياسين : مساء النور اتفضل
الست : انا مُشيرة منصور الشربينى اخت وائل منصور الشربينى المُتهم فى قتل حسام الوكيل
ياسين : اهاا ، خير
مُشيرة : انا جاية اسلم نفسى
ياسين : نعم !!!
مُشيرة : وائل مش هو اللى قتله ، انا اللى قتلته وهو سلم اعترف على نفسه عشان انا متسجنش
ياسين : امممم عندك ادله على كلامك
مُشيرة : ايوة عندى ، اتفضل (واديتله جهاز المراقبة)
ياسين : تمام
بعد ما ياسين شاف اللى حصل ......
Flash back ....
(. دخلت ست مُنقبة مكتب حسام وهو قام فتح لها بالعافية .)
حسام : انتِ مين
مُشيرة : انا مُشيرة
حسام : ومالك عاملة فى نفسك كده ليه
مُشيرة : انا اخويا عرف اللى بينا انت لازم تكتب عليا
حسام : انتِ مجنونة
مُشيرة : انا حامل يا حسام
حسام : وانا اضمن منين ان البيبي ده ابنى
مُشيرة : انت بتشك فى كده
حسام : لا طبعاً لا سمح الله
مُشيرة : انت لازم تتجوزنى انا اخويا عرف ولو .....
حسام يقاطعها: اخوكى مين يا ماما انتِ عايزة تقنعينى انك ليكي اخ ودكر وبيغير على عرضه وكده
مُشيرة : انا اخويا يبقى وائل منصور
حسام : مين !!
مُشيرة : وائل صاحبك
حسام : وانتِ كنتى عارفة انى صاحب اخوكى
مُشيرة : لا طبعاً انا عرفت النهاردة
حسام : انتِ ازاى اخت وائل اصلاً
مُشيرة : ايوة مش انا شمال و **** و****
حسام : عندك شك فى كده
مُشيرة : انا ولا انت اللى واطى وحيوان وقذر
حسام : انا مش فايق لاهلك دلوقتى (وزقها حسام)
مُشيرة : لا فوقلى انت لازم تتجوزنى
حسام : انتِ اللى تفوقى مش انا ، بقى انا اتجوز واحدة ****** زيك انت اتهبلتى
(. هجمت مُشيرة وخبطت حسام بـ فازة وزقيته على الارض وبدأت تضربه فى مقتل وتخنق فيه لحد ما مات .)
(. بعد حوالى ساعتين جه وائل بنية الشجار مع حسام ولكنه لقاه ميت وشاف جهاز المراقبة وعرف ان مُشيرة القاتل عشان كده خده ، والولاعة وقعت منه فى المكتب .)
بعد شوية ....
يوسف :شوفت الحيوان ده عمل مع هاجر
ياسين : اه شوفت
يوسف : والله صعبت عليا
ياسين : طيب
يوسف : والله هاجر دى غلبانة اوى
ياسين :: يا عم يوسف خلاص انت هتعمل عليا حوار
*________*
(. عمل ياسين اجراءات براءة وائل وتحويل مُشيرة للنيابة .)
*________*
وائل : ليه يا مُشيرة عملتى كده
مُشيرة : انت مالكش ذنب عشان تضيع مستقبلك ومستقبل ولادك انا غلطت ولازم اتحمل نتيجة غلطى لوحدى
وائل : لا يا مُشيرة انا كمان غلطت
مُشيرة : غلطتك انك وثقت فيا ، وثقت فى واحدة متستاهلش
وائل : غلطتى انى ياما داريت على حسام ، ياما كنت عارف انه هيأذى بنات وعمرى ما نصحتهم ولا حتى حوشت عنهم ياما جيت معاه على حساب سمعة وشرف بنات وياما طعنت معاه فى شرفهم كان لازم اتعاقب فى اقرب الناس ليا وهو انتِ يا مُشيرة
مُشيرة : اهو اللى حصل حصل ربنا يسامحنى بقى
*_____________________________________________**___________________________*
فى بيت اهل هاجر :
هاجر لـ نفسها : ليه مكتوبلى دايماً اعيش انا والماضى وبس ، لما كنت لسه طفله كنت عايشة على ماضى ابويا اللى عمرى ما شوفته ، ولما عرفت حسام شوفته فيه الماضى اللى هو ابويا ، ولما اتجوزت ياسين ظهرلى الماضى اللى هو حسام ، ولما ياسين سابنى ، عايشة برضه مع الماضى بتاعه وعايشة بيه ومعاه وعليه ، ليه مش بعيش الحاضر ولا بفكر فى المستقبل حتى لما ربنا ادانى المستقبل اللى هو البيبى فى جزء كبير منه موجود فى الماضى ليه مكتوب عليا اعيش انا والماضى .. يارب
*_____________________________________________**___________________________*
بعد مرور حوالى ست شهور .......
فى شغل هاجر :
ياسمين : ايه ده يا هاجر
هاجر : فى ايه ؟
ياسمين : هو انتِ اتجوزتى ؟
هاجر : لا طبعاً
ياسمين : انتِ شكلك حامل
هاجر : مانا فعلاً حامل
ياسمين : سورى فى السؤال بس حامل ازاى
هاجر : قصدك من مين
ياسمين : اه
هاجر : من ياسين اخوكى هو انا اتجوزت غيره
ياسمين : من ياسين ازاى ، انتوا مش اتطلقتوا
هاجر : انا حملى داخل على التامن ولما ياسين طلقنى كنت حامل فى التانى
ياسمين : وهو عارف
هاجر : لا
ياسمين : لا ازاى
هاجر: اخوكى كان متهمنى فى شرفى ازاى اروح اقوله انا حامل اكيد كان هيقولى ده مش ابنى او هيعمل تحليل DNA وانا مش ناقصة فضايح
ياسمين : مش للدرجة دى
هاجر : انا مبقتش استبعد اى حاجه عن اخوكى وبعدين انا لما روحت اقوله مدنيش فرصة اتكلم
ياسمين : بس هو لازم يعرف
هاجر : لا مش لازم انا وابنى مش عايزين حاجه منه وهو مالوش حاجه عندى
ياسمين : ايه اللى انتِ بتقوليه ده انتِ اتجننتى
هاجر : لو سمحتى يا ياسمين كفاية
*_____________________________________________**___________________________*
فى بيت اهل ياسين :
ياسين : فى ايه يا ياسمين
ياسمين : هاجر حامل
ياسين مصدوم : نعم !!
ياسمين : اللى سمعته هاجر حامل
ياسين بحزن شديد : هى اتجوزت
ياسمين : لا طبعاً دى حامل منك
ياسين : حامل منى ازاى
ياسمين : لما اتطلقتوا كانت فى التانى وهى حالياً فى التامن
ياسين : كل ده ومتقوليش
ياسمين : وتقولك ليه اذا كنت انت متهمها فى شرفها
ياسين : ده كان غصب عنى
ياسمين : بس انت زودتها
ياسين : يعنى انا غلطان
ياسمين : مش غلطان بس زودتها واذا كانت هاجر غلطت فهى اعتذرتلك بدل المرة عشرة
ياسين : طيب مش يمكن مش حامل وبتشتغلك
ياسمين : دى بطنها ادامها يا ابنى بقولك فى التامن
ياسين : يعنى اروح اصالحها
ياسمين : لازم تروح تصالحها ده ابنك يا بنى ادم
ياسين : ماشى بكرة هعدى عليها فى الشغل
*_____________________________________________**___________________________*
تانى يوم بعد شغل هاجر :
ياسين : اذيك يا هاجر
هاجر بكبرياء : كويسة جداً الحمد لله
ياسين : مبروك الحمل
هاجر : متشكرة
(. ياسين بيحاول يلاقى كلمات يقولها بس مش عارف يقول ايه .)
ياسين : ما تجى نقعد فى اى مكان نتكلم براحتنا
هاجر : احنا مفيش بينا حاجه تخلينا نقعد ونتكلم
ياسين : بيتهيألى انتِ اكتر واحدة عارفة ان فى بينا حاجة تخلينا نقعد ونتكلم
هاجر : لا مفيش
ياسين بعد لحظات من الصمت : انا مش عارف اقول ايه
هاجر : اقولك انا انت عايز تقول ايه ، عايز تقولى انى لما عرفت انك حامل عصرت على نفسى ليمونة وجيت اصالحك مانا مش طايق ابص فى وشك بس اعمل ايه انت معاكى ابنى اللى انت متأكد انه ابنك انت مش ابن حد تانى ولو انت مش متأكد من شرفى واخلاقى مكنتش جيت دلوقتى ولا كنت اهتميت ، انت جيت عشان ابنك مش عشانى جيت ترجعنى عشان ابنك ميبعدش عنك بس مش عشانى وانا بقى مش هرجعلك يا ياسين واعتبر اللى فى بطنى ده مش ابنك وابن اى حد تانى بس مش ابنك عن اذنك (ومشيت وسابته)
(. راح ياسين حكى لـ ياسمين كل اللى حصل وياسمين قررت تروحلها بيتها وحاولت هى ومامتها مع هاجر بكل الطرق ومش عايزة تقتنع انها ترجع .)
*_____________________________________________**___________________________*
بعد حوالى تلت اسابيع :
(. ام هاجر اتصلت بـ ياسين الساعة ٢ بالليل .)
هدى : الحقنى يا ياسين يا ابنى
ياسين : خير يا طنط
هدى : هاجر تعبانه اوى
ياسين : مالها
هدى : شكلها بتولد
ياسين : انا جاى حالاً
(. لحد ما ياسين وصل كان الاسعاف وصل قبله ونقلوا هاجر للمستشفى قسم الطوارئ ثم غرفة عمليات الولادة .)
اثناء الولادة :
ياسين : يا طنط هى فى الشهر الكام
هدى : فى التاسع
ياسين : طيب مش غلط عليها الولادة القيصري دى
هدى : اهم حاجه تقوم بالسلامة
ياسين : يارب يارب تقوم بالسلامة
(. بعد فترة ليست بالقصيرة خرج الدكتور .)
الدكتور : مبروك جابت توأم زى القمر بنت وولد
ياسين : وهى يا دكتور حالتها ايه
الدكتور : هى تمام بس حصلها نزيف احنا قدرنا نلحقه الحمد لله بس هى حصلها هبوط هتفوق منه قريب
هدى : يا حبيبتى يا بنتى
ياسين : هى فين يا دكتور
الدكتور : هى فى العناية
هدى : يا مصيبتى ليه يا دكتور
الدكتور : يا جماعة متقلقوش دى اجراءات روتينية جداً متنسوش ان صحتها كانت ضعفانه جداً جداً
ياسين : طب والاطفال
الدكتور : نقلناهم الحضانه
هدى : طب اقدر اشوف بنتى
الدكتور : اه طبعاً تقدروا ، الف مبروك وان شاء الله هتقوم بالسلامه عن اذنكم
(. راحوا اطمنوا على هاجر بس كانت لسه مفقتش ، بعد كده هدى سابت ياسين جنب هاجر وراحت تشوف التوأم .)
بعد مرور ساعتين .....
(. ام هاجر ما بين الصلاة وهاجر .)
ياسين قعد جنب هاجر ومسك ايدها : سامحينى يا ارق واحلى واحن مخلوقة فى الدنيا كلها ، سا محينى يا هاجر ياريتك سمعانى ياريتك تعرفى انا كنت فى عذاب ازاى من غيرك ، ياريتك تعرفى سواد الايام من غيرك ، الشهور دى فاتت عليا سنين مكنتش اعرف انى بعشقك كده وانك انتِ الحياة بالنسبة ليا بجد يا حبيبتى انتِ الحياة ومن غيرك مفيش حياة ، ياااااه وحشتينى اوى ووحشنى كل حاجه منك ومعاكى وحشنى ضحكتك صوتك هزارك دلعك كلك يا هاجر يا وحشتينى ، انا بعشقك يا هاجر اوعى تسبينى تانى اوعى يا هاجر قومى بقى عشان نشوف ولادنا سوا قومى هاجر لى ولولادنا قومى يا احلى زوجة واحن ام فى الدنيا(غصب عنه دموعه نزلت منه وهو بيكلمها)
بعد شوية جت هدى ...
هدى : ياسين يا ابنى مش هتقوم تشوف ولادك
ياسين : لا يا طنط مش هشوفهم الا لما هاجر تكون معايا
هدى : ان شاء الله هتقوم بالسلامة
ياسين : ياارب انا هقوم اصلى الفجر فى المسجد وادعيلها
(. خرج ياسين وراح توضأ وصلى فى مسجد المستشفى .)
هاجر : ماما ماما انا ولدت
هدى بفرحة لا توصف : حبيبة قلب امك الف حمد الله على سلامتك يا ضنايا
هاجر : ولادى فين
هدى : فى الحضانة يا حبيبتى
هاجر : عايزة اشوفهم يا ماما
هدى : حاضر هكلم الحضانه
(. هنا جه ياسين وسمع هاجر بس مدخلش هو راح على الحضانه وجاب التوأم ودخل بيهم على هاجر .)
هاجر بفرحة : ياسين !!
ياسين : لا ، ياسين وولاده
هاجر : هات كده يا ياسين اشوفهم
ياسين : مش قبل ما تقوليلي سامحتك
هاجر : يا ياسين مش وقته عايزه اشوفهم
ياسين : قولى الاول
هاجر : طب هات وانا اقولك
ياسين : طيب خدى يا ستى (واداها بيبى واحد)
هاجر : دى البنوتة اكيد
ياسين : ايوة طبعاً طالعه قمر لمامتها
هاجر : طب هات الولد
ياسين : قووووولى سامحتك
هاجر : طب هات الولد وتعالى اقولك كلمة
ياسين : ماشى
هاجر : بقى بذمتك تبقى انت السبب بعد ربنا ان يبقى عندى الملايكة دول وتطلب منى السماح
ياسين : وحشتينى
هاجر : وانت كمان
ياسين : بتحبينى
هاجر : والله بحبك اوى
هدى : يا سلام ولا كأنى واقفة اتفقوا يالا هتسموهم ايه
ياسين : انا هسمى البنت حبيبة
هاجر : اشمعنى حبيبة
ياسين : عشان تبقى حبيبة ياسين الجندى انتِ يعنى
هاجر : مش فاهمه
ياسين : انتِ يا هاجر حبيبة ياسين الجندى ، انتِ حبيبتى انا
هاجر بدلع : يا سلام على البكش
ياسين : بكش طب ايه رأيك لاسميها غرام
هاجر : لا لا لا لا حبيبة كويس
هدى : طب والولد
ياسين : هاجورتى حبيبتى هى اللى هتسميه
هاجر : هسميه حبيب هاجر هههههههه
ياسين : ههههههههه لا بجد
هاجر : هسميه ياسين
ياسين : مش كفاية واحد
هاجر : هسميه على اسمك عشان يطلع نسخة منك فى كل حاجة
ياسين : بعشقك :*
*_____________________________________________**___________________________*
-بعد اسبوع كانت خرجت هاجر من المستشفى وياسين كان رجعها
- علا باعت الشركة بكل فروعها لـ شادى وسافرت امريكا هى واولادها وهتعيش هناك للابد (هما معاهم الجنسية)
- شادى كبر الشركة و مرضيش يغير اسم الشركة عشان تفضل باسم اخوه
- مى خلفت بنت ( ميادة)
- بعد فترة من اعدام مُشيرة امها توفت من الحسرة ووائل هاجر بره مصر هو واسرته
*_____________________________________________**___________________________*
فى بيت ياسين وهاجر : (.هاجر لسه اول مرة ترجع البيت.)
ياسين : وحشتينى اوى يا هاجر
هاجر : البيت وحشنى اوى يا ياسين
ياسين : البيت بس يعنى
هاجر : البيت وصاحب البيت
هدى : طيب انا هدخل الولاد يناموا وانتِ يا هاجر يا حبيبتى استريحي شوية
ياسين : حاضر يا طنط انا هدخلها واساعدها تغير هدومها وتستريح شوية
هدى : ماشى يا حبيبى ربنا يهدى سركم
(. دخلت هاجر اوضتها هى وياسين .)
هاجر : ايه ده يا ياسين
ياسين بخجل : ايه فى ايه
هاجر : مش ده التى شيرت بتاعى بيعمل ايه على السرير
ياسين : اممم خلاص بقى
هاجر : لا بجد
ياسين : بصراحة من يوم الخلاف ما حصل بينا وانا باخد التى شيرت بتاعك فى حضنى وانا نايم عشان ده كان اخر حاجه لبستيها قبل المشكلة اللى حصلت
هاجر (قعدت على السرير) : اه المشكلة ، طب انا عايزة اوضحلك حاجه
ياسين : انا مش عايز اتكلم من اللى فات
هاجر : لازم تعرف انا ليه ارتبطت بـ حسام
ياسين : لو سمحتى يا هاجر
هاجر : لو سمحت يا ياسين اسمعنى
(. وحكيتله هاجر ايه سبب ارتباطها بـ حسام وانها لقيت فيه الاب اللى فقدته و الخ الخ الخ .)
ياسين : يا حبيبتى (وحضنها) طب بما انك فتحتى اللى فات ممكن اعرف ليه روحتى بلغتى ومقولتليش
هاجر : اولاً تأنيب الضمير كان هيموتنى ثانياً كنت صعبان عليا وانت حيران فى القضية وثالثاً انى كنت خايفة من رد فعلك اوى
ياسين : اللى حصل حصل بقى
هاجر : انا بحبك اوى يا ياسين متبعدش عنى تانى
ياسين : وانا بموت فيكي
هاجر : تعالى نشوف ولادنا
(. وراحوا اوضة ولادهم ووقفوا جنب سرايرهم .)
هاجر : شايف يا حبيبى بيمتسبوا ازاى
ياسين : هاجر
هاجر : نعم يا حبيبى
ياسين : بعشقك ، ربنا يخليكى ليا يا احلى هدية فى الدنيا
هاجر : ربنا ما يحرمنى منك انت وحبيبة وياسين
ياسين : اوعدك انى مش هزعلك تانى ابداً
هاجر : وانا اوعدك انى مش هخبى عليك اى حاجه تانية ابداً

(. هاجر استقالت من الشغل عشان ولادها ، يوسف وياسمين اتجوزوا ، هاجر وياسين عاشوا فى تبات ونبات وخلفوا صبيان وبنات تانين .)

#النهاية