أنا والماضى

الحلقة الرابعة عشر

ياسين : هاجر ؟
هاجر : ايوة يا حبيبي
ياسين : حبيبتى انتِ لو فضلتى فى حضنى كده كتير مش هروح الشغل
هاجر : لا لا خلاص انا قومت اهو
ياسين : طب خليكي كمان شوية
هاجر : انت بتتلكك قوم يالا روح شغلك
(. خرج ياسين وراح شغله وبعد شوية الجرس رن .)
(. فتحت هاجر الباب وملقيتش حد بس لقيت ظرف على عتبة الباب ، خدت هاجر الظرف وكانت مرعوبة وهى بتفتحه ولما فتحته لقيت نفس الصور اللى حسام كان ركبهالها .)
هاجر لـ نفسها : يادى المصيبة ايه اللى جاب الصور دى هنا
(. طلعت هاجر جرى على البلكونة وبصت على الشارع ولقيت عربية حسام بتخرج منه .)
هاجر : ايه ده !! ده معناه ان حسام عرف انى متجوزة وعرف مكانى ، يعنى هو باعت الصور دى تهديد ولا ايه يارب انا عملت ايه فى حياتى عشان يحصلى كده
(. نامت هاجر على كنبة وقعدت تعيط وتكلم نفسها .)
هاجر : يعنى بعد ما لقيت شخص احبه بجد ويحبنى يظهرلى الزفت اللى اسمه يا حسام ده كده ممكن يبوظ حياتى ، ممكن !! لا طبعاً ده اكيد هيبوظ حياتى ، واحد بالاخلاق دى مش بعيد عليه اى حاجه ، يارب يارب انا ماليش غيرك يقف جنبى يارب خلصنى من حسام وشره على خير
(. قعدت هاجر تكلم نفسها وتناجى ربها وتعيط لحد ما راحت فى النوم .)
*_____________________________________________**___________________________*
فى الفرع الرئيسي لـ شركة حسام :
حسام : انت محتاج موظفين عندك
وائل : حالياً لا
حسام : ولا فى اى قسم
وائل : اشمعنى يعنى
حسام : شادى افندى عايز يشغل السنيورة بتاعته
وائل : مى
حسام : وهو فى غيرها
وائل : طيب ما تخدها عندك فى الفرع التانى بتهيألى فيه عجز فيه
حسام : بس هما عايزين يشتغلوا سوا ويدلعوا بقى ويتمرقعوا
وائل : مى قريبتى وغالية عليا وشادى كمان بس مش معنى كده انى امشى موظف عشان افضيلها مكان
حسام : خلاص شوف شادى كده ولو هى عايزة تشتغل عشان الزهق يبقى هاتها عندى
وائل : خلاص تمام
(. بعد فترة من الصمت لمراجعة ملفات فى الشغل .)
وائل : اه صحيح انت مشيت بسرعة كده ليه
حسام : افتكرت معياد مهم
وائل : يا رجل عليا انا برضه
حسام مردش بس بص كده O.o
وائل : اوعى تكون مشيت ورا هاجر
حسام : هاجر مين
وائل : هو ايه اللى هاجر مين
حسام : اه ، اكيد لا يعنى هو انا عيل
وائل فى سره : عيل جداً كمان
وائل : هو ده جوزها ؟
حسام: وانا هعرف منين وبعدين سبنى اركز
وائل : ماشى
(. بعد شوية خرج وائل من المكتب و جه شادى .)
شادى : ايه ده انت هنا
حسام : انت كنت فين يا ابنى
شادى : صحيت متأخر
حسام : ليه بسلامتك
شادى : عادى يعنى
حسام : عادى !! طيب دلوقتى مفيش مكان لـ مى هنا
شادى : قشطة يعنى نفضيلها مكان
حسام : قشطة !! قشطة دى تبقى خالتك
شادى : هو فى ايه
حسام : لو هى عايزة تشتغل عشان تروحوا سوا وتيجوا سوا فـ ملهاش لازمة المرقعه لكن لو هى عايزة تشتغل بجد يبقى ممكن تجى الفرع التانى عندى
شادى : خلاص اوكى هاخد رأيها
حسام : هأ ماشى يا ننوس ابقى خد رأيها وقولى
(. خرج شادى .)
حسام لـ نفسه : يا بختك بـ مى يا شادى بت فرسة ،مش عارف فلتت منى ازاى
(يالهوى حسام ده قذر اوى هو مستحمل نفسه ازاى ^_^ )
*_____________________________________________**___________________________*
رجع ياسين من شغله الساعة ٤ :
ياسين : هاجر ، هاجر يا حبيبتى اصحى
هاجر : ياسين انت جيت
ياسين : لا لسه
هاجر : هى الساعة كام
ياسين : اربعة
هاجر : يعنى انا نمت لحد الساعة اربعة
ياسين : انتِ نمتى الساعة كام
هاجر : بتهيألى ١٠ الصبح
ياسين : وطبعاً معملتيش حاجه من اللى قولتى عليها
هاجر : انا محستش باى حاجه خالص لا جرس الباب ولا الموبايل
ياسين : طيب قومى يا حبيبتى يا كسلانة اغسلى وشك وفوقى
هاجر : حاضر
ياسين : هتتغدى هنا ولا بره
هاجر : لا ياسين مش قادرة اخرج خالص
ياسين : اوكى هعمل order
_-_-_-_-_-_
على الغدا ....
ياسين : مالك يا هاجر ، هاجر
هاجر : ايوة يا ياسين
ياسين : مالك يا حبيبتى سرحانه فى ايه كده ومبتاكليش ليه
هاجر : لا مش سرحانة ولا حاجه ، معلش يا ياسين انا مش قادرة اكل هدخل انام شوية
ياسين : تنامى ايه انتِ لسه صاحية خليكي معايا
هاجر : معلش يا ياسين بجد مرهقة جداً
ياسين : مرهقة من ايه بس انتِ لا خرجتى ولا روحتى شغل ولا حتى طبختى يبقى مرهقة ازاى بطلى دلع يا كسلانة انتِ
هاجر : يوووووه يا ياسين بقى متضغطش عليا بقى
ياسين : خلاص يا هاجر ادخلى نامى
(. دخلت هاجر اوضة نومها .)
هاجر لـ نفسها : اعمل ايه بس يارب ، اقول لـ ياسين ازاى بس وانا قولتله انى مرتبطش طب مانا ممكن اقوله كنت بشتغل عنده وهو حاططنى فى دماغه مش اكتر ، تانى يا هاجر هتكدبى !! افرضى حسام كان مسجلك مكالمات او لسه مُحتفظ بـ رسايلك ، اعمل ايه بس يارب اعمل ايه ، طب ما ممكن يكون حسام بيهوش مش اكتر ، ماهو لو كان عايز يعمل حاجه زى كده كان عملها من بدرى ، لا بس الاول كان اخره فضيحة على النت دلوقتى انا ليا زوج وياسين لو شاف الصور دى دى تبقى مصيبة ، بس اكيد ياسين مش هيصدق حاجه زى كده ، بس ممكن يصدق ، للاسف كل الاحتمالات واردة وانا مش عارفة اخد اى قرار ومش عارفة اعمل ايه يارب اااااااااااه يا قلبى
*_____________________________________________**___________________________*
٣ بالليل فى بيت حسام :
(. علا عملت انها نايمة عشان اول ما حسام يخرج تخرج وراه على طول .)
حسام : علا علا يا حبيبتى اصحى
علا : فى ايه يا حسام
حسام : اصحى اقعدى معايا شوية
علا : مش قادرة عايزة انام
حسام : قومى بجد بقى انا النهاردة مش خارج عشان افضل معاكى
علا : بجد
حسام : ايوة طبعاً بجد يا حبيبتى
(. قامت علا من السرير واتلفتتله .)
علا : يا سلام
حسام : ايه ده انتِ نايمة بهدوم الخروج
علا : بعد ما جبت الولاد من تمرين الـ swimming (السباحة) حطيت جسمى على السرير ومحسيتش بحاجه
حسام : طيب يا حبيبتى قومى غيري هدومك وتعالى اقعدى معايا شوية
(. قامت علا عشان تغير هدومها .)
حسام لـ نفسه : ههههه بتكدب يا علا ، لابسه عشان تراقبينى ماشى
علا لـ نفسها : هو انا ظلمته ولا ايه ؟ اممممم ربنا يستر بقى
*_____________________________________________**___________________________*
فى بيت هاجر وياسين (٤ صباحاً ) :
(. صحى ياسين من النوم ملقاش هاجر جنبه ، خرج ملقهاش فى اى اوضة من الاوض ، ولما شاف البلكونة مفتوحة عرف ان هاجر فيها .)
ياسين : فى ايه يا هاجر
هاجر : ياسين ؟ انت ايه صاحاك يا حبيبي
ياسين : قلقت
هاجر (بارتباك) : اصل انا نمت كتير زى مانت عارف فـ مجانيش نوم فـ قولت اقعد شوية فى البلكونة يمكن انعس
ياسين : بس انتِ كأنك منمتيش خالص اصلاً
هاجر : مش عارفة
ياسين : انتِ متأكدة ان مفيش حاجه مضيقاكى او مزعلاكى
هاجر : لا يا حبيبي انا كويسة متشغلش بالك
ياسين : يارب تبقى كويسة فعلاً ، الفجر أذن تعالى نصلى جماعه
هاجر : ماشى يالا
(. صلى ياسين وهاجر الفجر فى جماعه ، واثناء سجودها بكت بـ حُرقة شديدة لفتت انتباه ياسين واتلخبط فى الصلاة ، هاجر كانت بتبكى من شدة الضيق والكرب ومن شدة ما هى كانت بتدعى ربنا وبتناجيه يخلصها من اللى هى فيه .)
بعد انهاء الصلاة :
ياسين (بلهفة): هاجر يا حبيبتى انتِ كويسة
هاجر (بتحاول تتحكم فى دموعها): متخفش يا حبيبي انا كويسة
ياسين : امال بتعيطى ليه
هاجر : كنت بدعى ربنا فى السجود واتأثرت اوى
ياسين : ربنا يقوى ايمانك يا حبيبتى
هاجر : ياسين خليك جنبى على طول متسبنيش انا مقدرش اعيش من غيرك
ياسين : انا اللى مقدرش اعيش من غيرك ثانية واحدة انا بعشقك يا هاجر فاهمه يعنى ايه بعشقك
هاجر : ربنا ما يحرمنى منك ولا من حبك وحنيتك
ياسين : انا حاسس ان فيكي حاجه
هاجر : انا مخنوقة شوية وخايفة اوى
ياسين : خايفة من ايه
هاجر : مش عارفة
ياسين : طب تعالى يا حبيبتى نامى فى حضنى وانتِ مش هتحسى بحاجة
(. دخلت هاجر وياسين الاوضة ونامت هاجر فى حضن ياسين وراحت فى نوم عميق جداً كأنها منمتش من سنين ، لكن ياسين فضل صاحى لحد الصبح لانه معرفش ينام من كتر التفكير .)
*_________________*
(. صحى ياسين بدرى جداً وحضر فطار وصحى هاجر وفطروا سوا ووصلها الشغل .)
*_____________________________________________**___________________________*
بعد مرور اسبوع :
- حسام معملش حاجة لـ هاجر ، وهاجر بدأت تتوقع انه بيهوش
- ياسين بيحاول يعرف ايه اللى مضايق هاجر ولكنها بتقوله مفيش
- مى اشتغلت مع حسام وشادى ساعات بيروح لها
- وائل سافر بره فى اجازة هو واسرته
- حسام طول الاسبوع مقابلش ولا ست عشان علا بتراقبه
*_____________________________________________**___________________________*
(. النهاردة السبت اجازة هاجر ، وحصل نفس الحوار بتاع الاسبوع اللى فات ، فتحت الباب لقيت ظرف وفيه الصور لكن المرة دى حسام سابلها رسالة مضمونها - انتِ دلوقتى متأكده ان حضرة الظابط مش بعيد عليا وممكن يشوف الصور دى فى اى لحظة هستناكى اخر الاسبوع فى نفس المكان اللى ياما اتقابلنا فيه فكراه طبعاً ٤ بالثانية تكونى هناك ،لو مجتيش يبقى هبعت الصور لـ جوزك - .)
(. بعتت هاجر رسالة لـ أمنية - افتحى نت دلوقتى حالاً وكلمينى - فتحت امنية النت وحكيتلها على حوار الصور من اوله لـ اخره .)
أمنية : طيب ما تحكى لياسين
هاجر : يا سلام وافرضى مصدقنيش
أمنية : طب انتِ عايزة تعملى ايه
هاجر : بفكر اروح اقابله
أمنية : اوعى يا هاجر تقابليه ممكن يكون عاملك فخ وممكن بمقابلتك دى تثبتى حاجات كتير وساعتها هيقول فيكي كلام اوسخ من الصور دى ، كفايه يقول واحدة متجوزة بتقابل رجل اوعى يا هاجر هتبوظى الدنيا
هاجر : طب اعمل ايه
أمنية : جسى نبض ياسين ، يعنى احكيله الحوار على انه حصل لصاحبتك وشوفى رد فعله لو كويس قوليله مش كويس ساعتها هنشوف نعمل ايه بس اوعى والنبى تقابلى حسام
هاجر : والله ما هقابله واول ما ياسين يجي هجس نبضه
أمنية : اوكى وطمنينى على طول
هاجر : حاضر (واتكلموا شوية وقفلوا مع بعض)
*_____________________________________________**___________________________*
فى النادى :
بثينة : والله جوزك بيصيع وعسكر فى البيت عشان تبطلى تشكى
علا : هو لما بطل يخرج شكيت فيه اكتر
بثينة : طب هتعملى ايه
علا : بُصى حتى لو هو مبيخونيش بس انا عارفة جوزى مش هيستحمل يقعد فى البيت كده كتير
بثينة : تمام
علا : اراهنك انه هيخرج الليلة
بثينة : وهتراقبيه
علا : انا اصلاً قولتله انى هسهر مع ماما واخواتى النهاردة بس انا هكون ادام البيت مستنياه لحد ما يخرج
بثينة : وافرضى مرجعش على البيت اصلاً
علا : لا لازم يرجع ياخد دش ويتشيك
بثينة : طب حاسبي يفلت منك
علا : هو فار
بثينة : يا ستى بهزر فكيها بقى
*_____________________________________________**___________________________*
فى الفرع الرئيسى :
حسام : بص يا شادى كل اللى ورثته عن ابوك انا متنازلك عنه
شادى : اشمعنى كده
حسام : انا عندى كفاية وانت اولى
شادى : بس انت كده ملكش حاجه
حسام : بمعنى ..!
شادى : انت عامل توكيل لـ علا من حقها تبيع كل ممتلاكاتك واتنازلت ليا عن ورثك
حسام : انا عملت التوكيل لظروف خاصة وبثق فى علا اكتر ما بثق فى نفسى وعارف انها مش هتستخدم التوكيل ده الا للضرورة القصوى
شادى : وانت كنت عملته ليه
حسام : فى فترة كده كان علاقاتى بالستات كترت واغلبهم ستات شمال خوفت واحدة تلبسنى عيل ولا حاجه عشان يورث فيا فعملت التوكيل ده لـ علا عشان لو حصل حاجه مفيش اى فتفوتة تطلع لحد غيرها هى وولادى
شادى : طيب وانت بطلت
حسام : اه من زمان
شادى : انت بتثق فى علا اوى كده
حسام : فوق ما تتصور
شادى : ربنا يخليكوا لبعض
*_____________________________________________**___________________________*
فى بيت ياسين وهاجر :
بعد الغدا .....
هاجر : ياسين يا حبيبي هو لو واحد مزور صور لبنت ممكن تتكشف
ياسين : على حسب كفائتها بس عندنا بنقدر نكشفها
هاجر : ازاى
ياسين : فى حاجه اسمها المعمل الجنائي ليه مهام كتيرة بس لما يكون فى قضية محتاجين فيها نعرف الصور حقيقية ولا مزورن المعمل الجنائي بيقدر يعرفها
هاجر : طيب بالنسبة للناس العاديين
ياسين : صعب طبعاً
هاجر : اه
ياسين : بصى يا حبيبتى مفيش واحد هيعمل لبنت حاجه زى كده الا لو كان محروق منها اوى وغالباً بتكون البنت مش مظبوطة
هاجر : ازاى لا طبعاً فى بنات كتير محترمين جداً وبيحصلهم كده
ياسين : البنت المحترمة بتكون فى حالها وماشية جنب الحيط يبقى حد يفكر يأذيها ليه لكن اللى مش محترمه بتنكش هنا وهنا وطبيعي جداً حد قذر زيها يفكر ينتقم منها بالاسلوب القذر ده
هاجر : ايه كمية القذارة دى
ياسين : ههههههههه الحوار كله قذر سيبك منه
هاجر : طيب
*_____________________________________________**___________________________*
بالليل فى بيت حسام :
(. خرج حسام من بيته و وراه علا ولكنه للاسف شافها وقدر يهرب منها ومعرفتش توصله ولا تعرف رايح فين .)
*_____________________________________________**___________________________*
تانى يوم فى شغل هاجر :
(. هاجر قاعده بتفكر تعمل ايه ، وفجأة خدت قرار .. بعد الشغل راحت لمامتا .)
فى بيت ام هاجر :
هدى : يا بنتى بتدورى على ايه
هاجر : حاجه مهمة يا ماما اكيد هلاقيها
هدى : يا حبيبتى كل حاجتك راحت معاكى
هاجر : اللى انا بدور عليه سيبته هنا
هدى : طب عرفينى وانا ادور معاكى بدل الكركبة دى
هاجر : هروقلك اللى عملته بس سبينى ادور براحتى
بعد شوية .....
هاجر : ياااااااه اخيراً لقيته
هدى : ايه ده بقى
هاجر : ...................

#يتبع