أنا والماضى

الحلقة الاولى

شخصيات القصة الاساسية :
ياسين : ٢٦ سنة ، نقيب شرطة
هاجر : ٢٣ سنة ، خريجة ادارة اعمال
حسام : ٣٩ سنة ، صاحب شركة
هدى : ٤٨ سنة ، ام هاجر ، موظفة
امنية : ٢٣ سنة ، صديقة مقربة لـ هاجر ، موظفة فى شركة
*_____________________________________________**___________________________*
صـباحاً فى مـنـزل هـاجر :
هدى : اصحى يالا يا هاجر معندكيش شغل ولا ايه
هاجر : انتِ نسيتى يا ماما انى قولتلك امبارح انى سبت الشغل
هدى : بس مقولتليش السبب
هاجر : صاحب الشركة استغنى عن كام موظف كده وانا كنت من بينهم
هدى : ربنا يكرمك وتلاقى شغل تانى
هاجر (بتنهيدة) : يارب
(.خرجت هدى من اوضة هاجر ورجعت بعد حوالى ١٥ دقيقة.)
هدى : هاجر امنية صاحبتك بره
هاجر : اه انا اللى قولتلها تجى
هدى : خير فى حاجه
هاجر : لا يا ماما انا بس قولتلها تجى تقعد معايا وحضرتك فى الشغل بدل ما اقعد لوحدى لانها برضه معندهاش شغل النهارده
هدى : طيب يا حبيبتى انا نازلة الشغل خدى بالك على نفسك سلام (ونزلت)
_*_*_*_*_*_*_
امنية : هاجر انتِ فعلاً سبتى الشغل عشان استغنوا عنك
هاجر : لا يا امنية
امنية : امال فى ايه احكيلى
هاجر : مانا جيباكى عشان احكيلك ، فاكرة حسام صاحب الشركة
امنية : اللى انتِ كنتى مُعجبه بيه ؟
هاجر : ايوة هو ، بس احنا اصلاً مرتبطين
امنية : مرتبطين !! ازاى ده اكبر منك بـ ١٦ سنه
هاجر : اهو ده اللى حصل
امنية : وده حصل ازاى
هاجر : هحكيلك ، بعد ما اشتغلت بـ اربع شهور طلبنى فى مكتبه حصل الحوار التالى :
(flash back)
حسام: ها مبسوطه فى الشغل معانا
هاجر : انا محظوظة جداً والله يا افندم بالشغل ده
حسام: انا اللى محظوظ ان عندى موظفة شاطرة زيك كده
هاجر : بس غريبة ان حضرتك بتقعد هنا اكتر ما بتقعد فى الفرع الرئيسى رغم انه اكبر من هنا
حسام : مش يمكن فيه سبب بيخلينى احب القاعده هنا
هاجر : (مردتش)
حسام : هاجر ممكن اطلب منك طلب
هاجر : طبعاً اتفضل
حسام : ممكن نخرج نتغدى سوا النهاردة
هاجر : نتغدى سوا !!
حسام : ايوة نخرج سوا بعد الشغل نتغدى ، انا عازمك هااا ايه رأيك ؟
هاجر : خير فى حاجه يعنى
حسام : اممممم لو مش موافقة خلاص كأنى مقولتش حاجه
هاجر : مش فكرة موافقة او رفض انا بس عايزة اعرف السبب
حسام : هتعرفى ، ها موافقة
هاجر (بفرحة مستخبية) : اوكى ماشى
_*_*_*_*_
امنية : وخرجتى معاه
هاجر : اه ، روحنا مطعم راقى جداً واتكلمنا سوا
امنية : اتكلمتوا فى ايه
هاجر :
(flash back)

حسام : مالك متنشنة كده ليه
هاجر : مفيش
حسام : انتِ عمرك ما جيتى هنا
هاجر : بصراحة انا عمرى ما روحت مكان زى ده خالص
حسام : عاجبنى صراحتك وبساطتك جداً يا هاجر
هاجر : متشكرة
حسام : طيب ممكن تكلمينى عن نفسك شوية
هاجر : اقول ايه
حسام : قولى كل حاجه عنك ، حابب اعرفك اكتر
هاجر : امممم انا من اسرة بسيطة بابا متوفى من ١٩ سنة وعايشة مع مامتى وملناش انا وهى غير بعض
حسام : امممم وبعدين ؟ :)
هاجر : بعدين ايه بس كده :)
حسام : يا هاجر عرفينى بيكى اكتر بتحبى ايه بتكرهى ايه عندك اصحاب بتخرجى تروحى فين كده يعنى
هاجر : اوكى ، انا معنديش اصحاب كتير معارف مش اكتر كلهم بنات لان عمرى ما كان ليا اختلاط باولاد ، ماليش غير واحدة مُقربة امنية وبنخرج فى اماكن عادية وانا اصلاً مبخرجش كتير
حسام : انا منبهر بيكى اوى
هاجر (بخجل) : ليه
حسام : اصلك من اسرة بسيطة زى ما بتقولى دايماً رغم كده مُهتمة بنفسك نقية جداً بريئة زى الاطفال و روحك خفيفة مش مُعقدة وفوق كل ده جميلة جداً
هاجر (بخجل اكتر) : متشكرة ، بس هو ممكن اسأل حضرتك سؤال
حسام: ياريت
هاجر : حضرتك عندك كام سنة
حسام : ليه
هاجر : باين على حضرتك صُغير فى السن ورغم كده ما شاء الله ناجح جداً وعندك شركة كبيرة ليها اكتر من فرع
حسام : تدينى كام سنة
هاجر : حوالى ٣٠ سنة
حسام : هههههههه انت كلتى من عمرى ٩ سنين يا هاجر
هاجر (بصدمة ) : يعنى انت ٣٩ سنه
حسام : ايه اتصدمتى ليه ، هو انا عجوز اوى كده
هاجر : لا هو اصلاً حضرتك مش باين عليك السن ده خالص
هاجر(بقلق) : اكيد بقى حضرتك متجوز وعندك اطفال
حسام : لا متجوز ولا عندى اطفال
هاجر (بفرحة): بجد !!
حسام : اه بجد اصل لحد دلوقتى مش لاقى الانسانه اللى بحلم بيها بس شكلى كده هلاقيها قريب
هاجر : طب يادوب كده اروح عشان اتأخرت
حسام : ممكن اوصلك
هاجر : لا مش هينفع خالص انا اسفة
حسام : لا طبعاً ولا يهمك(ومشينا )