أنا والماضى

الحلقة السادسة عشر

. فى ظل اندماج هاجر وياسمين فى الكلام فى حد جه قطع كلامهم ووجه كلامه لـ ياسمين .)
الصوت : لو سمحتى يا انسة
ياسمين : اتفض
الصوت : حضرتك اخت النقيب ياسين الجندى
ياسمين : ايوة انا
الصوت : اوكى سلميلى عليه كتير اوى
ياسمين : الله يسلم حضرتك اقوله مين ؟
الصوت : حسام الوكيل
ياسمين : حاضر
الصوت : عن اذنكوا
(. مشى حسام من المكان وبيبص لـ هاجر نظرة كلها تحدى وشر ، جه ياسين ويوسف عشان ياخدوا هاجر وياسمين وهاجر الهت ياسمين عشان متقولش لـ ياسين ان حسام بيسلم عليه وفعلاً ياسمين نسيت تقول لـ ياسين .)
*_______________*
فـى بيت اهل ياسين :
ام ياسين : مفيش حمل ولا حاجه يا هاجر
ياسين : احنا مش فى دماغنا اصلاً يا ماما
ام ياسين : ليه بقى ان شاء الله
ياسين : عادى عايزين نعيش حياتنا الاول
ام ياسين : طب متعيشوا حياتكوا مع طفل
هاجر : ربنا يسهل يا طنط ان شاء الله دى حاجه بتاعة ربنا
ابو ياسين : يا ستى احنا مالنا هما احرار فى حياتهم
ام ياسين : انا بطمن عليهم مش اكتر
هاجر : ادعيلنا يا طنط ربنا يرزقنا ان شاء الله
ام ياسين : يارب
(. دخلت ام ياسين المطبخ ودخلت ياسمين وراها .)
ياسمين :فى ايه يا ماما كل دى اسئلة
ام ياسين : فى ايه يا بنتى بطمن
ياسمين : ايوة يا ماما بس هما مكملوش حاجه عشان تفضلى تسألى كده
ام ياسين : انا خايفة يكون فى مشكلة ولا حاجه
ياسمين : اولاً احنا ملناش دعوة يا ماما وثانياً اى دكتور فى الدنيا بيقولوا مينفعش تقلقوا الا قبل السنة
ام ياسين : والله يا بنتى مقصدى حاجه
ياسمين : بس اكيد هاجر زعلت
ام ياسين : هروح اصالحها
(. وخرجت تانى .)
ام ياسين : هاجر يا حبيبتى اوعى تكونى زعلتى
هاجر : من ايه يا طنط
ام ياسين : عشان بسألك وكده
هاجر : لا طبعاً هزعل ليه اولاً حضرتك من حقك تسألى زى ما امى بتسألنى ثانياً هزعل من حاجه مش بايدى اصلاً ده بايد ربنا :)
ام ياسين : ربنا يكملك بعقلك يا حبيبتى
هاجر : ربنا يخليكي لينا يا طنط
*_____________________________________________**___________________________*
تانى يوم (اللى هو التلات الضهر) :
فى شركة حسام :
حسام لـ السكرتيرة : ابعتيلى مى لو سمحتى
السكرتيرة : حاضر يا افندم
(. بعد ما مى جت .)
حسام : خلصتى اللى قولتلك عليه
مى : اه يا افندم اتفضل الملف اهو
حسام : مالك يا مى فى ايه
مى : مفيش مفيش ممكن اخرج
حسام : فى ايه يا بنتى طمنينى
(. مى ملحقتش ترد ولكنها جريت على الحمام اللى فى مكتب حسام ورجعت يع يع :D .)
حسام : انتِ كويسة
مى : اه الحمد لله
حسام : امال مالك شكلك اخدتى برد فى معدتك
مى : لا انا حامل
حسام : بجد امال شادى مقاليش ليه
مى : احنا لسه عارفين امبارح
حسام : مبروك
(. وقعت مى من طولها لكن حسام لحقها قبل ما تقع على الارض ونيمها على كنبة فى المكتب .)
حسام : مى مالك يا مى فوقى
(. حسام وهو بيفوق مى افتكر انها عجباه وبدأ يلمس جسمها وهى فى حالة الاغماء دى ، حسام كان مُتخيل مى هاجر . وفى ظل اندماج حسام فاقت مى .)
مى : ايه اللى بتعمله ده
حسام : معملتش حاجه
مى : لا عملت انت حيوان وقذر
(. وخرجت مى من الشركة وروحت وفضلت تعيط طول اليوم ، وكانت بتفكر هتقول لـ شادى ولا لا .)
حسام : اكيد مش هتقدر تقول لـ شادى حاجه ، دى بت فقر حبكت يعنى تفوق
*_____________________________________________**___________________________*
فى بيت ياسين وهاجر :
هاجر اتصلت بـ ياسين :
هاجر : اذيك يا حبيبي
ياسين : الحمد لله وانتِ يا روحى
هاجر : الحمد لله يا حبيبي مش ناقصنى غيرك
ياسين : بتعملى ايه كده
هاجر : مفيش هنزل دلوقتى اروح لماما ومش عارفة هعمل ايه باقى اليوم
ياسين : اه صحيح انتِ مروحتيش الشغل ليه
هاجر : كسلت اصلاً
ياسين : انا بقول تسيبك من الشغل ده انتِ بتكسلي تروحي اصلاً
هاجر : بفكر ، المهم انت هترجع امتى
ياسين : انا نبطشى النهاردة يا حبيبتى هاجى بكرة الصبح ان شاء الله
هاجر : اه صحيح تجى بالسلامة يا حبيبي طيب انا هنزل اروح لـ ماما
ياسين : طيب طمنينى عليكي اول باول
هاجر : حاضر يا حبيبي (وقفلوا المكالمة)
هاجر لـ نفسها : كده كويس اوى عشان اعرف اروح الشركة بالليل بقى ان شاء الله ويارب تجى بفايدة
*_____________________________________________**___________________________*
فى بيت حسام :
علا : حمد الله على السلامة
حسام : الله يسلمك
علا : هتتغدى
حسام : لا هغير ونازل
علا : رايح فين
حسام : مشوار تبع الشغل
علا : اوكى ربنا معاك
(. دخل حسام يغير هدومه واتصلت علا بـ جلال .)
علا لـ جلال : انا عايزة اطلب منك طلب وياريت تنفذه
جلال : اتفضلى يا هانم
علا : عيزاك تصورلى جوزى وهو داخل العمارة وخارج منها
جلال : حاضر يا مدام سهلة
علا : ياريت الصور تبقى عندى النهاردة
جلال : طب ممكن تدينى ميل حضرتك عشان ابعتها من على الموبايل على الميل
(. واديته علا الايميل .)
جلال : اوكى هبعتهم على طول هو هيخرج النهاردة
علا : هو نازل دلوقتى
جلال : اوكى مع السلامه
(. خرج حسام وراح للبنت بتاعة النادى وقعد عندها حوالى ساعتين وجلال صوره وبعت الصور لـ علا .)
جلال اتصل بـ علا .....
جلال : الصور وصلت
علا : اه متشكرة جداً
جلال : العفو
علا : ايه بقى اللى حصل المرة دى
جلال : هو طلع من عند حضرتك وراح شقة فى الزمالك ، طلع كالعادة انا طلعت وراه ، راح شقة فى الرابع ووقفت على باب الشقة وسمعت الحوار ، هى كانت بتتطلب منه الجواز وهو كان رافض وحورات زى كده
علا : يعنى واحدة مُختلفة عن بتاعة امبارح
جلال : ايوة ، بس على فكرة هو قال للبنت دى انه بيحب مراته واستحالة يتجوز عليها
علا : هههههههه هيفرق ايه الجواز من العك اللى بيعمله ده
جلال : عندك حق عموماً هو نزل من شقة الزمالك راح الشركة الفرع التانى
علا : يعنى هو فى الشركة دلوقتى
جلال : اه
علا : اوكى متشكرة جداً (وقفلوا)
*_____________________________________________**___________________________*
فى بيت شادى :
شادى : مى مالك يا مى بتعيطي ليه
مى : مفيش
شادى : لا فيه
مى : مفيش يا شادى
شادى (بصوت عالى) : مالك يا مى
مى : كنت عند حسام فى المكتب واغمى عليا و ... و ..... (بتعيط)
شادى : و ايه كملى يا حبيبتى
مى : وفوقت لقيت نفسى على الكنبة و ... و.....
شادى : يا بنتى كملى انا اعصابى مش مستحملة
مى : لقيت حسام بيلمس جسمى
شادى : نعم !!! حسام اخويا
مى : ايوة هو
شادى : انتِ بتقولى ايه حسام اخويا اتحرش بيكي
مى : هكدب عليك يعنى
شادى : يمكن كان بيفوقك وانتِ فهمتى غلط
مى : بيفوقنى !!! وهو لما حد بيفوق حد بيفوقه وهو بيلمس اماكن حساسة فى جسمه
شادى : انتِ بتقولى ايه يا مى
مى : بقولك اللى سمعته
شادى : يا مى اكيد فى سوء فهم حسام اخويا استحالة يعمل كده ، ده مش بس اخويا اللى مربيني ده ابويا
مى : اللى انا شوفته مالوش غير تفسير واحد
شادى : مش ممكن يكون كان بيعدلك او بيعدل هدومك
مى : مفيش ممكن اللى انا شوفته مالوش الا تفسير واحد وانا مبكدبش
شادى : مانا بصراحة مش قادر اتخيل ان حسام ممكن يعمل كده
مى : خلاص يا شادى انا كدابة
(وسابته ودخلت اوضتها ، ودخل شادى وراها)
شادى : خلاص يا مى انا عرفت هعمل ايه
مى : قبل ما تعمل حاجه لازم تكون مصدقنى
شادى : انا رايح مشوار (وخرج)
(. خرج شادى وهو مش قادر يصدق مى ولا قادر يكدبها ولكنه قرر يتأكد من كلامها اللى هو اصلاً مش مصدقه ومش مُقتنع غير بإن مى فهمت غلط .)
*_____________________________________________**___________________________*
فى بيت حسام :
علا لـ نفسها : ماشى يا حسام انا هوريك والله لاخلعك يا واطى ، بتخونى انا ، انا اللى ضيعت عمرى كله عليك انت والله لابهدلك ماشى يا حسام
(. راحت علا طبعت الصور من الايميل عشان تكون دليل على حسام ، وخرجت وركبت عربيتها وراحت على الشركة .)
*_____________________________________________**___________________________*
الساعة ٦ مساءً فى شركة حسام :
(. وصل شادى لـ الشركة ، ولقى الباب مقفول بس هو معاه مفتاح فتح وساب الباب مفتوح .)
دخل شادى مكتب حسام ولقى حسام جوه ...
شادى: انت هنا
حسام : انت شايف ايه
شادى: طيب عن اذنك بس هشوف حاجة
حسام: هتشوف ايه
شادى : هتعرف دلوقتى
(. وراح شادى فتح جهاز المراقبة وبدأ يرجعه .)
حسام : انت بتعمل ايه
شادى : قولتلك دلوقتى هتعرف
حسام : وسع سيب ام الزفت ده
شادى : ايه ده يا حسام!!!!!
حسام : فى ايه مراتك كانت مُغمى عليها وكنت بفوقها
شادى (بعصبية) : ده منظر واحد بيفوق واحدة ده كان ناقص ..........
حسام : سيب الجهاز ده
شادى: ادينى سيبته انا مش عايز اشوف حاجه تانية يكفينى اللى شوفته ، بُص يا حسام انا مكنتش مصدق مى وكنت متأكد بنسبة ١٠٠٪ انها بيتهيألها لحد ما شوفت بعينى بجد مش قادر اصدق ، مش قادر اصدق ان اخويا الكبير اللى فى مقام ابويا بيعمل كده مع مراتى ، مش قادر اصدق ان قدوتى وسخ للدرجة دى
حسام : اطلع بره يالا
شادى : هطلع بس والله ما هسيب حق مراتى يا حسام ولو وصلت لقتلك هقتلك
(. وخرج شادى لكن علا كانت بره وسمعت كل حاجة ومع خروج شادى استخبت ، ودخلت تانى لحسام وقفلت الباب وراها .)
حسام لـ نفسه : ايه اللى انا هببته ده مكنش ينفع اعمل كده لمجرد انها شبه هاجر دى مرات شادى ، شادى ده يبقى ابنى انا فعلاً غلطان والغلط ده عمره ما هيتصلح
هنا جت علا ........
حسام : علا انتِ بتعملي ايه هنا
علا : جاية اكمل اللى شادى كان بيقوله
حسام : علا يا حبيبتى متصدقيش كلام شادى مى كان بيتهيألها
علا : لا مش بيتهيألها ، انت فعلاً انسان واطى وقذر (ورميت الصور كلها فى وشه)
علا : تقدر تقولى انت كنت فوق بتعمل ايه وامبارح كنت فى الدقى بتعمل ايه ومشاوير تانية قبل كده
حسام : شغل
علا : شغل فى نص الليل ، بُص يا حسام انا شاكة من زمان انك بتخونى بس انا خلاص اتأكدت
حسام : لا طبعاً مبخونكيش
علا : انت عارف فى كام واحدة من صحباتى شافوك مع ستات فى اماكن عامه وخاصة كنت بكدب كل دول واصدقك انت لحد ما فى يوم وانت نايم قولت اسم واحدة من الزبالة اللى تعرفهم ومن وقتها وانا براقبك وبتابعك واتأكدت من كل ده ، انت ازاى قدرت تعمل معايا كده
(. قرب حسام من علا وحاول يحضنها .)
حسام : والله يا علا ما بحب غيرك
علا بدموع : متلمسنيش ولا تقولى بحبك ، حب من غير اخلاص واحترام ميلزمنيش
حسام : انا ..........
علا تقاطعه : انت متقولش حاجه ومش عايزة اسمعك نهائى انا خلاص مبقتش عيزاك ولا طيقاك
حسام : انا مش هقدر اطلقك او اسيبك
علا : ومين قال انك هتطلقنى ، انا هخلعك يا حسام راجل خاين زيك بيقضى ليالى حمرا فى الحرام واخرتها يتحرش بمرات اخوه اللى هى من محارمه يبقى لازم يتخلع ويفضل مذلول ان مراته خلعته
(. ولسه علا هتخرج رجعت تانى .)
علا : اه صحيح انا بعت كل ممتلكاتك ليا بالتوكيل اللى انت عامله ليه يعنى مترجعش البيت وخليك فاكر ان كل ده ملكى ماشى والله يا حسام لاطلع عليك القديم والجديد(ومشيت)
حسام اتصدم من اللى سمعه وقال لـ نفسه : دى علا ازاى !! هى دى علا الطيبة الرقيقة ؟ هى دى القطة المغمضة اللى حبيتها واتجوزتها !! هى دى اللى اسلمها رقبتى وانا مطمن انا مش مصدق اكيد ده حلم اكيد علا معملتش كده معايا بجد مش قادر اصدق (. وانهمك حسام من الصدمة والتفكير وطفى نور المكتب ومدد على الكنبة .)
*_____________________________________________**___________________________*
الساعة حوالى ٩ مساءً ، وقررت هاجر تروح الشركة فى الوقت ده عشان اكيد مفيش حد هناك
*_______*
(.راحت هاجر الشركة ولقيت الكالون زى ما هو ودخلت وقفلت الباب وراها وراحت على مكتب حسام وفتحت الباب ونورت النور ، حسام كان فى الحمام وشافها بس هى مشفتوش .)
حسام لـ نفسه : هى دى سبب المصايب كلها ، هى دى اللى خلتنى اروح لكل واحدة شوية عشان كنت بتخيلها فيهم ، هى دى اللى خلتنى وانا معاها اسيب كل الستات واول ما بعدت عوضت فراغها بكل دول هى دى سبب كل المصايب هى دى اللى كنت بقول اسمها وانا نايم وياما حلمت بيها ، هى جت لقدرها
(. خرج حسام من الحمام .)
حسام : ايه ده !! مين ؟ هاجر هنا
( هاجر مصدومة مش قادرة تتكلم )
حسام : انتِ سبب كل اللى انا فيه ، انتِ سبب كل المصايب
هاجر : انا مش فاهمه انت بتقول ايه
حسام : مش فاهمه ايه ، مش فاهمه ان انتِ اللى وصلتينى لكل المشاكل والمصايب اللى انا فيها
هاجر : ليه هو انا اللى كل شوية اظهر فى حياتك واهددك بالفضيحة
حسام بعصبية شديدة : لا انتِ اللى خلتينى امشى ورا كل ست شوية لمجرد انى اتخيلها انتِ ، انتِ اللى خلتينى اتحرش بمرات اخويا لمجرد انها فيها شبه منك ، صح ولا غلط (وضربها بالقلم)
هاجر : اه انت مجنون انت اكيد مش طبيعي
حسام : يا ترى جاية هنا ليه ؟ يمكن حاسة بيا وجاية تقعدى معايا ولا يمكن جاية تشمتى فيا ما تردى
هاجر بارتباك شديد : انا كنت جايه عـ عـ عشان ............
حسام يقاطعها : انا بقى هقولك انتِ جاية ليه ، اكيد جاية لحبيبك وحشتك صح !! او جاية لقدرك يا هاجر انا بقى قدرك
(. وهجم حسام على هاجر وحاول اغتصابها ، بس هى كانت بتحارب بكل قوتها عشان تتخلص منه وقدرت تفلت هاجر من حسام ووقعت على الارض وفجأة ........................... .)

#يتبع