تانى يوم فى السفارى :
ياسين : تاكلى حاجة يا حبيبتى
هاجر : ماشى
ياسين : ماشى هجيبلك معايا
(. بعد شوية سمعت هاجر صوت .)
الصوت : ينفع اللى عملتيه ده
التفت هاجر : سورى كان لازم امشى
علا : ده ملحقتش اعرف اسمك
هاجر : اسمى داليا
علا : وانا علا
هاجر : بُصى انا جوزى غيور اوى وكنت خايفة ينزل جوزى ويلاقي جوزك معانا عشان كده مينفعش اقعد معاكى طول ما جوزك معانا
علا : اه فهمت ، انا بس ارتحتلك مش اكتر :) عموماً ربنا يوفقك انتِ وجوزك
هاجر : متشكرة يا حبيبتى
علا : اوكى يا دودو عن اذنك هروح اشوف جوزى وولادى
هاجر : اتفضلى وياريت متكونيش زعلانه
علا : اطلاقاً يا حبيبتى ربنا يسعدك عن اذنك
(. هنا جه ياسين .)
ياسين : مين دى
هاجر : دى واحدة من اللى قولتلك عليهم
ياسين : ضايقتك ؟
هاجر : لا
ياسين : طيب يا حبييتى يالا ناكل (وادالها طبقها)
ياسين : كلمتى مامتك النهاردة
هاجر : اه كلمتها
ياسين : وعاملة ايه
هاجر : تمام الحمد لله
ياسين : ان شاء الله لما نرجع القاهرة هنعدى عليها هى الاول بس متعرفيش امى عشان متزعلش
هاجر : حاضر يا حبيبي
*_____________________________________________**___________________________*
- عدى الاسبوعين بتوع شهر العسل ، وهاجر مصادفتش حسام فى شرم خالص لانها لما كانت بتلمحه فى مكان كانت بتمشى من المكان ده غير ان حسام وعلا قعدوا خمس ايام بس ورجعوا القاهرة
- عدى شهر من بعد زواج ياسين وهاجر
(. فى خلال هذا الشهر .)
- حسام بيحاول يشغل وقته عشان ميفكرش فى هاجر ولسه على علاقة بالستات اللى يعرفهم
- علا بيجيلها مكالمات بتقولها ان حسام بيخونها وبدأ الشيطان يلعب فى دماغها
- هاجر وياسين عايشين احلى ايام حياتهم ومبسوطين جداً
- مى وشادى رجعوا ، ومى هتشتغل مع شادى
*_____________________________________________**___________________________*
فى النادى :
بثينة : انتِ لازم تراقبى جوزك
علا : اراقبه ازاى يا بثينة
بثينة : فتشى موبايله ، امشى وراه بعربيتك شوفيه رايح فين كده يعنى
علا : بس انا مش مصدقة ان ممكن حسام يخونى اكيد دول ستات بيحبوه وعايز يوقعوا بينى وبينه
بثينة : انا مبقولقيش صدقيهم بس على الاقل حاولى تتأكدى انهم كدابين
علا : مانا خايفة افتش وراه يطلع فعلاً .........
بثينة : بيخونك ؟
علا : مش قادرة اقولها
بثينة : اسمعى الكلام ، طالما كده كده تعبانه يبقى على الاقل تبقى عارفه جوزك بيعمل ايه
علا : ربنا يسهل ويستر انا خايفة اوى
بثينة : ان شاء الله خير يا حبيبتى
*_____________________________________________**___________________________*
فى بيت هاجر وياسين :
ياسين : بقولك ايه ما تجى نروح نتعشى فى اى حتة
هاجر : مكسلة خالص يا حبيبي
ياسين : قومى يا كسلانة يالا بقالنا كتير مخرجناش
هاجر : لازم يعنى
ياسين : عشان خاطر حبيبك
هاجر : امممم عشان خاطرك هفكر
ياسين : يااالا
هاجر : طب هتودينى فين
ياسين : تجى نروح الرحاب
هاجر : ماشى يا حبيبي هقوم البس
ياسين : هاجر ؟
هاجر : نعم
ياسين : بحبك اوى
هاجر : :) وانا بموت فيك ربنا يخليك ليا
*_____________________________________________**___________________________*
فــى مطعم فى الرحاب :
وائل : حسام مش دى هاجر
حسام : فين
وائل : اللى هناك دى (وشاورله)
حسام : اه هى
وائل : مين اللى معاها ده
حسام : معرفش
وائل : بس شكلهم مندمجين اوى
حسام : تفتكر مين ده
وائل : انا حاسس انه جوزها
حسام : نعم !! جوزها
وائل : وايه المشكلة
حسام : لحقت اتجوزت يعنى ولا ايه
وائل : طب وفيها ايه يعنى
حسام : شكلهم مندمجين يعنى معناه انهم بيحبوا بعض ، لحقت بقى تحب وتتجوز
وائل : ههههههه ايه التفكير المحدود ده ، ممكن تكون حبيته بعد ما اتجوزته
حسام : ولحقت تنسانى بالسرعة دى !!!
وائل : ممكن تكون كانت موهومة انها بتحبك يالا ربنا يسعدها
حسام لـ نفسه : كده يا هاجر ودينى مانا سايبك
(. بعد شوية مشى ياسين وهاجر من المطعم .)
حسام : انا ماشى
وائل : رايح فين
(. حسام مردش على وائل ومشى ورا ياسين وهاجر بعربيته وعرف مكان سكنهم .)
*_____________________________________________**___________________________*
فى بيت حسام :
حسام : ايه ده شادى عندنا يا اهلاً وسهلاً
شادى : اذيك يا حُس انا جيت اهو ولو انى زعلان منك
حسام : اذيك يا مى
مى : تمام الحمد لله
حسام : وانت زعلان ليه بقى
شادى : انت مزورتنيش ولا مرة فى بيتى
علا : والله يا شادى كذا مرة بيبقى عايز يجي بس اديك شايف بيرجع متأخر ازاى
شادى : وبالنسبة للجمعة
حسام : فى ايه يا شادى انا اخوك الكبير يعنى انت اللى مُلزم تزورنى
مى : احنا كذا مرة .......
حسام يقاطعها : اخبار الشغل ايه يا شادى
شادى بص لـ مى لانها احُرجت : تمام تمام ، اتفضل
حسام : ايه الـ file (ملف) ده
شادى : ده الـ cv (السيرة الذاتية) بتاعة مى
حسام : اشمعنى
شادى : عشان تشتغل معانا
حسام : وتقضوها حب وسهوكة والشغل يضيع
شادى : مش للدرجة دى يعنى
حسام : اوكى ربنا يسهل
(. قعد مى وشادى شوية وحسام كان بيعامل مى وحش جداً .)
بعد ما مشيوا .........
علا : انت بتعامل مى كده ليه
حسام : مبطيقش امها
علا : ليه
حسام : مش عارف
علا : طيب وافقت على جوازتهم ليه
حسام : عشان مزعلش شادى
علا : بس انت كده بتزعله جداً بالمعامله الوحشة دى
حسام : يتفلق
علا : الله مش قولت مش عايز تزعله بليز يا حبيبي عاملها كويس عشان خاطر اخوك
حسام : ربنا يسهل
فى عربية شـادى ......
شادى : انا اسف
مى : على ايه
شادى : على معامله حسام
مى : لا عادى ولا يهمك
شادى : عشان خاطرى متزعليش انا عارف انك مكنتيش عايزة تروحى
مى : خلاص يا شادى محصلش حاجة
شادى : بس علا كانت كويسة معاكى صح
مى : انا مش عارفة علا بتحب حسام على ايه اصلاً
شادى : والله حسام طيب بس هو تنك شوية
مى : قول شويتين تلاته ١٠٠
شادى : هههههه هو طبعه كده
مى : ربنا يهديه
*_____________________________________________**___________________________*
٢ بالليل فى بيت حسام :
(. حسام خلى علا نايمة وقرر يخرج روح لواحدة من اللى بيعرفهم لسه هيفتح باب البيت .)
علا : رايح فين يا حسام ؟
حسام : خارج
علا : خارج ؟ دلوقتى ؟
حسام : وايه المشكلة
علا : الساعة اتنين
حسام : انا اخرج فى الوقت اللى يريحنى
علا : انا عايزة انت رايح فين
حسام : وانتِ مالك
علا : لا طبعاً مالى ، لما كل يوم يجيلى تليفون فى عز الليل يقولى جوزك بيخونك يبقى مالى ونص ومن حقى اعرف بتروح فين بالليل متأخر
حسام : بروح اقابل صحابى
علا : وصحابك دول متقابلهومش الا بالليل متأخر كده
حسام : هو ده متأخر
علا : الساعة اتنين بالليل مش متأخر
حسام : بالنسبة ليا اه
علا : طيب انا هخرج اقابل صحباتى انا كمان
حسام : اعقلى يا علا وبطلى جنان (ومشى)
علا لـ نفسها : انا اللى استاهل مكنش لازم اعرفه انى صاحية ، بكرة بقى هعمل نايمة وهكون لابسة وجاهزة وهمشى وراه بالعربية ، ماشى يا حسام
حسام لـ نفسه : هدى اللعب شوية يا حسام عشان علا متعرفش حاجه
*_____________________________________________**___________________________*
تانى يوم الصبح بدرى فى بيت ياسين وهاجر :
هاجر : صباح الخير يا حبيبي
ياسين : صباح الخير يا روح قلبى
هاجر : يالا عشان شغلك حضرتلك البدلة والفطار
ياسين : انتِ معندكيش شغل النهاردة
هاجر : لا النهاردة السبت اجازة
ياسين : ماشى يا حبيبتى
على سفرة الفطار :
ياسين : هتعملى ايه النهاردة
هاجر : هروح لماما وهروح السوبر ماركت اجيب حاجات للبيت
ياسين : بس كده
هاجر : لا طبعاً ، البنت الشغالة هتجى بعد الضهر تروق الشقة
ياسين : تمام
هاجر : احتمال اكلم أمنية على النت شوية
ياسين : انتِ بتقعدى على النت كتير اوى
هاجر : ماهو يا حبيبي انا بعد الشغل بكون فاضيه وانت فى ايام بتكون فيها نبطشى
ياسين : تمام معاكى فلوس ؟
هاجر : اه يا حبيبي لسه مصروف الشهر مخلصش كنت عايزة اخد رأيك فى حاجه
ياسين : خير يا حبيبتى
هاجر : ايه رأيك تاخد شبكتى تبيعها
ياسين : ابيعها !! ليه
هاجر : انا محتاجه عربية
ياسين : بُصى انا بفكر فى الحوار ده بقالى فترة فلوس المهر اللى مامتك مرضيتش تاخدها بفكر اجيبلك بيها عربية بس اصبرى شوية لحد ما اعلمك السواقة الاول
هاجر : بجد يا ياسين هتعلمنى السواقة
ياسين : امال انتِ كنتِ ناوية تسوقى ازاى هههههههه
هاجر : كنت ناوية اروح مدرسة
ياسين : يا سلام انا يعنى هسيب مراتى حد غيري يعلمها
هاجر : ربنا يخليك ليا يا احلى راجل فى الدنيا (وقامت باسته وحضنته)
ياسين : هاجر ؟
هاجر : ايوة يا حبيبي
ياسين : حبيبتى انتِ لو فضلتى فى حضنى كده كتير مش هروح الشغل
هاجر : لا لا خلاص انا قومت اهو
ياسين : طب خليكي كمان شوية
هاجر : انت بتتلكك قوم يالا روح شغلك
(. خرج ياسين وراح شغله وبعد شوية الجرس رن .)
فتحت هاجر الباب و .......................#يتبع
أنت تقرأ
أنا والماضى
Romansaعندما يكون الماضى جزء مهم من حاضرك بل ومن مستقبلك عندما يكون الماضى شبح .. يلاحقك دائماً عندما تظل ذنوبك واختياراتك الخاطئة تطاردك مدى الحياة عندما ينقلب السحر على الساحر قصة باللهجة العامية المصرية ، تدور احداثها عن فتاة مهما تقدم بها العمر والاحدا...